اول تیموتائوس 1:4 - کتاب مقدس به زبان مازندرانی - گویش شرقی

⁴ و شه ره داستان ها و شجره‌نامه‌هایی که تِموم نَوونهِ وِسه وَقف نَکِنِن، این چیا، عَوِض اینکه خِدائه کارِ که ایمونِ راهِ دِله دَره پیش بَوِره، جرِّ بحثِ باعث بونِنه که هیچ ثَمری نِدارنه.

گیله ماز

⁴ وَ خودِشان رِه اَفسانه و شجره‌ نامه‌هایی که تَمام نَبونه یه هَمرَه مشغول نَکونَن، این چیزان، عوضِ اینکه خُدایِ کارِ که ایمان راه دِلِه دَرِه پِیش بَبِره، جَر و بحثِ باعث بونَن.

کتاب مقدس به زبان مازندرانی - گویش غربی

⁴ و شِرِه آسنی و شجره‌نامه‌هایی گه تُوم نَوونِه ای سِه وقف نَکِنِن، هَین چیا، عوضِ هَینگه خِدایی کارِ گه ایمونی راهی دِلِه دَرِه پِش بَوِرِه، جَر و بحثی باعث وونِنِه گه هیچ ثمری نارنِه.

اول تیموتائوس 1:4 Cross References

دوّمین نامه قرنتیانِ وَسین 1:12

چوون که اَمه اِفتخار، اَمه وجدانِ که گِواهی دِنه که این دِنیائه دِله راستی و صاف و صادقیِ هِمراه که خِدائه جِم هَسه رِفتار هاکاردیمی. نا آدِمیِ حِکمتِ هِمراه، بلکه خِدائه فیضِ هِمراه رِفتار هاکاردیمی، عَلی اَلخصوص شِمه هِمراه.

اِفِسُسیان 3:2

و بی شک شِما این جَریانِ خَوِری بِشنُسینی که خِدائه فیضِ نِظارت شِمه خِدمِت وِسه مِ ره هِدا بَییه.

اول تیموتائوس 3:16

راس راسی که دینداریِ راز خَله گَتِ: وه که جِسمِ دِله ظاهر بَییه، خِدائه روحِ طَریقِ جِم تایید بَییه، فرشته ها وه ره بَدینه، قومهائه میون اِعلام بَییه، دِنیائه دِله وه ره ایمون بیاردِنه، جِلالِ هِمراه، بالا، بَوِرده بَییه.

اول تیموتائوس 4:7

داستان هائه جِم که کفر آمیز و پوچِ شه ره دور دار، بلکه شه ره دینداریِ وِسه تربیت هاکان.

اول تیموتائوس 6:11

ولی تِ که مَردِ خِدایی، این چیائه جِم فِرار هاکان، و صالحی، دینداری، ایمون، مِحَبَّت، پایداریی و ملایمتِ دِمبال دَواش.

اول تیموتائوس 6:20

ای تیموتائوس، اون اَمانتی که تِ ره بِسپارِسه بَییه ره حِفظ هاکان. مِفتِ گَب هائه جِم و مخالفِ فکرایی جِم که اشتباهاً، معرفت بااوته بونه، دوری هاکان؛

دوم تیموتائوس 2:14

اینا چیا ره وِشونِ یاد بیار و خِدائه پیش وِشونِ سفارش هاکان که کَلِماتِ سَر دَعوا مرافه نَکِنِن، که فایده نِدارنه بلکه فِقَط باعث بونه اونایی که اِشنُنِنه، از راه به دَر بَووِن.

دوم تیموتائوس 2:22

پَس جوونیِ هِوا و هوسِ جِم فِرار هاکان، و وِشونِ هِمراه که پاکِ دِلِ هِمراه خِداوندِ صدا کاندِنه، صالحی و ایمون و مِحَبَّت و صِلح و سِلامتیِ دِمبال دَواش.

دوم تیموتائوس 2:23

اون بحث هایی که نادونی و نِفَهمیِ جِم هَسه دوری هاکان، چوون دوندی که دَعوا مرافهِ باعث بونه.

دوم تیموتائوس 4:4

و وِشون شه دیمِ حَییقَتِ گوش هِدائِنِ جِم دَگاردِنینه و داستان هائه سَمت گمراه بونِنه.

تیتوس 1:1

پولُسِ طَرِف جِم، خِدائه نوکِر و عیسی مَسیحِ رسول، که تعیین بَیمه تا خِدائه انتخاب بَییه هائه ایمونِ تقویِت هاکانِم و اون حَییقتی که طبقِ دینداری هَسه ره بارِم.

تیتوس 1:14

و یَهودِ داستان ها و کِساییِ اَحکام، که حییقتِ جِم دورِ ره گوش نَدِن.

تیتوس 3:9

ولی جَنگ و جِدال که نادونیِ جِم هَسه، شجره‌نامه‌ها و اِختلافات و دَعوا مرافه هایی که شَریعتِ خَوِریِ، دوری هاکان، چوون اینا بی‌فایده و بی‌ارزشِنه.

نامِه مَسیحینی عبرانی نِژادی سِه 13:9

جورواجور و عَجیب غریب تَعلیم هائه هِمراه گمراه نَووین؛ چوون این خوارِ که آدِمیِ دِل، فیضِ هِمراه قِوَّت بَیره، نا اون خِراکهائه هِمراه که وِشونی که اونائه دِمبال شونِنه، وِشونِ وِسه منفعتی نِدارنه .

پطرسی دِوّمین نامِه 1:16

چوون اون مووقه که اَمه خِداوند عیسی مَسیحِ قِوَّت و وه بییَموئِنِ شِما ره اِعلام هاکاردیمی، داستان هائه دِمبال که زرنگیِ هِمراه بِساته بَینه، نَشیمی، بلکه شه چِشِ هِمراه وه جِلالِ بَدیمی.