اول تیموتائوس 1:20 - کتاب مقدس به زبان مازندرانی - گویش شرقی

²⁰ هیمِنائوس و اسکندر این دسه جِم‌ هَسِنه، که وِشونِ شیطانِ دَس هِدامه تا یاد بَیرِن که کفر نارِن.

گیله ماز

²⁰ هیمِنائوس و اسکندر این دسِّه یه جییَن، که اوشانه شِیطانِ دَس بِسپارِسَّم تا یاد هَگیرَن که دِ کُفر نُگون.

کتاب مقدس به زبان مازندرانی - گویش غربی

²⁰ هیمِنائوس و اسکندر هَین دسِّه ای جانِه، گه وِشونِه شِیطانی دَس هادامِه تا یاد بَیرِن گه کِفر نُئِن.

اول تیموتائوس 1:20 Cross References

اِنجیلِ مَتّی 18:17

اَگه حاضِر نَووه وِشونِ گَبِ بِشنُئِه، كلیسائه گوش بَرِسون، و اَگه حاضِر نَووه حَتَّی كلیسائه گَبِ قَبول هاکانه، بعد وه هِمراه یِتا اَجنبی یا خراجگیرِ واری رِفتار هاکان.

اعمال رَسولان 13:45

ولی وَختی یَهودیون جَمیِّتِ ها ره بَدینه، حَسودیِ جِم پِر بَینه و بی‌ حِرمتیِ هِمراه هر چی پولُس گاته ره مخالفت هاکاردِنه.

اعمال رَسولان 19:33

بعضیا گمون هاکاردِنه، اسکندر مسئولِ، چوون یَهودیون اسکندرِ جلو دینگو بینه، و بَعضیا جمیِّتِ دِله وه ره دستورایی دانه. وه شه دَسِ تکون هِدا و مَردِمِ جِم بَخواسه ساکت بوئِن و تِقَلّا هاکارده یه چی باره و شه جِم دِفاع هاکانه.

اوّلین نامِه قُرنتیانی سِه 11:32

ولی اون مووقه که خِداوند اَمه سَر حِکم کانده، اَدِب بومبی تا دِنیائه هِمراه مَحکوم نَوویم.

دوّمین نامه قرنتیانِ وَسین 10:6

اون مووقه که مَسیح ره دَره کاملاً اِطاعت کاندینی، اِما آمادِمی تا هر نااطاعتی ره تنبیه هاکانیم.

دوّمین نامه قرنتیانِ وَسین 13:10

همینِ وِسه، مِن این چیا ره وَختی شِمه پَلی دَنیمه شِمه وِسه نِویسِمبه تا وَختی شِمه پَلی بییَمومه، مجبور نَبوئِم شه اِقتدارِ جِم تِندیِ هِمراه رِفتار هاکانِم، اون اِقتداری که خِداوند نا خِراب هاکاردِنِ وِسه، بلکه بنا هاکاردِنِ وِسه مِ ره هِدا.

دوّم تِسالونیکیان 3:15

ولی وه ره دِشمِن نَدونین، بلکه یِتا بِرارِ واری وه ره هِشدار هادین.

اول تیموتائوس 5:15

چوون اَلان هم بَعضیا شیطانِ دِمبال بوردِنه و گمراه بَینه.

دوم تیموتائوس 2:14

اینا چیا ره وِشونِ یاد بیار و خِدائه پیش وِشونِ سفارش هاکان که کَلِماتِ سَر دَعوا مرافه نَکِنِن، که فایده نِدارنه بلکه فِقَط باعث بونه اونایی که اِشنُنِنه، از راه به دَر بَووِن.

دوم تیموتائوس 2:17

و این طی آدِمونِ گَب، جِذامِ واری پخش بونه. هیمِنائوس و فیلیتوس همین دسه جِمِ هَسِنه،

دوم تیموتائوس 3:2

چوون مَردِم خود شیفته، پولدوس، مَغرور، متکبّر، ناسزاگو، شه پییِر مارِ جِم اِطاعت نَکاندِنه، ناشِکر، ناپاک،

نامِه مَسیحینی عبرانی نِژادی سِه 12:5

مگه اون نصیحتی که اَمثالِ سِلیمونِ کِتابِ دِله دَره ره یادِ جِم بَوِردینی که شِمه هِمراه ریکائونِ واری گَب زَنده؟ و گانه: «مِ ریکا، خِداوندِ تَربیتِ کِچیک نِشمار و وه سَراکو هاکاردِنِ جِم، خَسّه نباش.

یوحنایِ مکاشفه 13:1

بعد بَدیمه یِتا وحشیِ جانور دریائه جِم بیرون اِنه. ده تا شاخ و هفتا کلّه داشته، ده تا تاج وه شاخهائه سَر دَییه؛ و وه هر کلّهِ سَر یِتا کفرآمیزِ اسم بَنوِشته بَییه بییه.

یوحنایِ مکاشفه 3:19

«مِن کِسایی که دوس دارمه ره سَراکو و تربیت کامبه، پس‌غیرتی بَواش و تووبه هاکان.