اول تیموتائوس 1:11 - کتاب مقدس به زبان مازندرانی - گویش شرقی

¹¹ اون تعلیمی که مِوارکِ خِدائه پر جِلالِ اِنجیلِ مطابقِ، که مِ ره بِسپارِسه بَییه.

گیله ماز

¹¹ اون تعلیمی که طِبقِ، خُدایِ مُبارکِ پُرجلالِ اِنجیل که مَرِه بِسپارِسِّه هَبا.

کتاب مقدس به زبان مازندرانی - گویش غربی

¹¹ هون تعلیمی گه طِبقِ، مِوارکِ خِدایی پِرجلالِ اِنجیل گه مِنِه بِسپارِس بَوِه.

اول تیموتائوس 1:11 Cross References

لوقا 2:14

«جِلال خِدا ره، آسِمونِ عرشِ دِله، و صلح و سِلامتی اونایی وِسه که خِدا، زِمینِ سَر وِشونِ جِم راضیِ.»

رومی ایشون 2:16

این اون روزِ دِله اِتفاق کَفِنه که خِدا طبقِ اون اِنجیلی که مِن اِعلام کامبه، آدِمونِ رازها ره عیسیِ مَسیحِ طَریقِ جِم قِضاوِت کانده.

اوّلین نامِه قُرنتیانی سِه 9:17

چوون اگه این کارِ شه میلِ هِمراه اِنجام دامه، پاداش گِتِمه؛ ولی اگه مِ میلِ هِمراه نَبوئه، فِقَط شه وظیفه ره اِنجام دِمبه.

دوّمین نامه قرنتیانِ وَسین 4:4

این دِنیائه خِدا، بی ایمونونِ فکرها ره کور هاکارده تا مَسیحِ جِلالِ انجیلِ نورِ، که خِدائه دیمِ ره نَوینِن.

دوّمین نامه قرنتیانِ وَسین 4:6

چوون هَمون خِدا که بااوته: «نور، تاریکیِ جِم بَتابه،» شه نورِ اَمه دلهائه دِله بَتابِندیه تا خِدائه جِلالِ بِشناسیِن، مَسیحِ دیمِ دِله، اِما ره نورانی هاکانه.

غَلاطیان 2:7

بلکه برعکس، وِشون بِفَهمِسِنه که اِنجیلِ خَوِرِ خِشِ اِعلام هاکاردِن غیریَهودیونِ وِسه مِ ره بِسپارِسه بَییه، هَمون‌ طی که انجیلِ خَوِرِ خِش اِعلام هاکاردِن، یَهودیونِ وِسه، پِطرُسِ بِسپارِسه بَییه.

اِفِسُسیان 1:12

تا اِما که اَوِّلین کِسایی بیمی که مَسیح ره امید داشتیمی، وه جِلالِ حَمد و ثِناء هاکانیم.

اِفِسُسیان 1:6

تا وه پِر جِلالِ فِیض حَمد و ثِناء بَووه، هَمون فیضی که شه عزیزِ دِله اِما ره بَرکَت هِدا.

اِفِسُسیان 2:7

تا اون زمون هائه دِله که خوانه بِیّه، وه شه بی حدّ و حِسابِ فیضِ، شه مِهروونیِ طریق نسبت به اِما، مَسیحْ عیسیِ دِله، سِراغ هاده.

اِفِسُسیان 3:10

تا کلیسائه طَریقِ جِم، خِدائه جورواجورِ حِکمَت، رئیسها و قِدرت ها، آسِمونی جاهائه دِله دیار بَووه،

کولُسیان 1:25

که طبقِ نظارتِ خِدمِت که خِدا مِ ره بِسپارِسه، کلیسائه خادِم بَیمه، تا خِدائه کِلامِ، کامل شِما ره بِشناسونِم

اوّل تِسالونیکیان 2:4

بلکه هَمون طی که خِدا اِما ره تأیید هاکارده تا اِنجیلِ کارِ اِنجام هادیم، پَس اَمه گَب بَزوئِن آدِمونِ راضی هاکاردِنِ وِسه نییه، بلکه خِدائه راضی هاکاردِنِ وِسه هَسه، که اَمه دلها ره آزمود کانده.

اول تیموتائوس 2:7

چوون مِن اینِ وِسه تعیین بَیمه تا غیرِ یَهودیونِ وِسه یِتا تَعلیم دَهنده و یِتا رسول و یِتا مَلِّم، ایمون و حَییقَتِ دِله بوئِم - حَییقَتِ دَره گامبه و دِراغ نَزِمبه.

اول تیموتائوس 6:15

که خِدا اونِ یِتا خوارِ وَخت اِنجام دِنه، وه که مِوارک هَسه و تنها حاکم، شاه شاهون و خِداوندونِ، خِداوندِ.

اول تیموتائوس 6:20

ای تیموتائوس، اون اَمانتی که تِ ره بِسپارِسه بَییه ره حِفظ هاکان. مِفتِ گَب هائه جِم و مخالفِ فکرایی جِم که اشتباهاً، معرفت بااوته بونه، دوری هاکان؛

دوم تیموتائوس 1:11

که مِن اونِ وِسه انتخاب بَیمه تا این انجیلِ رسول و مَلِّم بووِم و موعظه هاکانِم.

دوم تیموتائوس 1:14

روح‌القدسِ طریق که اَمه دِله دَره، اون خوارِ امانتِ جِم که تِ ره بِسپارِسه بَییه، محافظت هاکان.

دوم تیموتائوس 2:2

و اون چیایی که خَله شاهِدونِ روب رو مِ جِم بِشنُسی ره، وِفادارِ آدِمونِ بِسپار که توندِنی بَقیه ره هم یاد هادین.

تیتوس 1:3

و خوار مووقه، اون وَعده دیار بَییه، اون کلامِ دِله که اونِ اِعلام اَمه نِجات​دهنده خِدائه حِکمِ هِمراه مِ ره بِسپارِسه بَییه،