اوّل تِسالونیکیان 4:9 - کتاب مقدس به زبان مازندرانی - گویش شرقی

⁹ اِسا بِرارونه مِحبَّتِ خَوِری شِما نیاز نِدارنِنی که یه نَفِر یه چی شِمه وِسه بَنویسه، چوون شِما شه خِدائه جِم یاد بَییتِنی که هَمدییه ره دوس دارین،

گیله ماز

⁹ اَسِه اَداشانِه مُحبتِ بارِه نیاز نییِه یِچّی شِمِرِه بَنویسیم، چون خودِ شُما خُدایِ جی یاد بِیتین که هَمدیگَرِ محبت هَکونید،

کتاب مقدس به زبان مازندرانی - گویش غربی

⁹ اِسا بِرارانِه مِحبتی خَوَری شِما نیاز نارِنی گه یَنَفَر یَچی شِمِنِه بَنویسِه، چون شِما شِه خِدایی جا یاد بَیتِنی گه هَمدیَرِ دوس دارین،

اوّل تِسالونیکیان 4:9 Cross References

اِنجیلِ مَتّی 22:39

دِوّمین حِکم هم اَوِّلین حِکمِ واری مُهمِ: شه هَمسادِه ره شه واری دوس دار.

اِنجیلِ یوحنا 14:26

ولی اون پِشتیبون، یعنی روح‌القُدُس، که پییِر وه ره مِ اسمِ هِمراه رِسِندِنه، وه همه چی ره شِما ره یاد دِنه و هر چیِ که مِن شِما ره بااوتِمه ره شِمه یاد یارنه.

اعمال رَسولان 4:32

تِمومِ ایموندارونِ یَک دِل و یَک جان بییه و هیچ کَس شه امَوالِ شه وِسه نَدونِسه، بلکه همه چیِ دِله هَمدییهِ هِمراه شَریک بینه.

رومی ایشون 12:10

بِرارِ واری، هَمدییه ره دوس دارین. اِحترام بییِشتِنِ دِله، هَمدییهِ جِم پیش دَکِفین.

دوّمین نامه قرنتیانِ وَسین 9:1

اِسا دییه احتیاج نییه این خدمِتِ خَوِری که مِقدّسینِ وِسه هَسه ره شِمه وِسه بَنویسِم،

فیلیپیان 3:15

اونایی که اَمه میون بالِغِنه، وِنه این طی فکر هاکانِن؛ و اگه هر چیِ دِله، یه جور دییه فکر کاندینی، خِدا شِمه وِسه اینِ هم دیار کانده.

اوّل تِسالونیکیان 5:1

اِسا اِی بِرارون وختها و زِمونهائه خَوِری، نیازی نییه یه چی شِمه وِسه بَنویسِم.

نامِه مَسیحینی عبرانی نِژادی سِه 10:16

«خِداوند گانه، این اون عَهدیِ که بعد از اون روزا وِشونِ هِمراه وَندِمبه. شه شَریعتِ وِشونِ دلهائه دِله اییِلمه، و وِشونِ فکرائه سَر نِویسِمبه.»

نامِه مَسیحینی عبرانی نِژادی سِه 13:1

بِرارونه مِحَبَّت شِمه میون برقِرار بوئه.

اول پِطرُس 3:8

سرآخر، شِما همه، همفکر و یَک دِل و بِرار دوس و دلسوز و فروتن بوئین.

اول پِطرُس 4:8

همه جِم مهمتر، هَمدییه ره جان و دِلِ هِمراه دوس دارین، چوون دوس داشتِن یَته خَله گِناهونِ پوشِندِنه.

پطرسی دِوّمین نامِه 1:7

و دینداری هِمراه، بِرارونه دوس داشتِن و بِرارونه دوس داشتِنِ هِمراه، مِحَبَّت.

اوّل یوحنا 2:10

هر کی که شه بِرارِ دوس دارنه، نورِ دِله موندِنه و وه دِله هیچ دلیلی لغزشِ وِسه دَنیه.

اوّل یوحنا 3:11

این هَمون پِیغومیِ که از اَوِّل بِشنُسینی، که وِنه هَمدییه ره دوس داریم.

اوّل یوحنا 3:23

و وه حِکم اینِ که وه ریکا عیسی مَسیحِ اسمِ ایمون بیاریم و هَمدییه ره مِحَبَّت هاکانیم، هَمون طی که اِما ره دَستور هِدا.

اوّل یوحنا 4:21

اِما این حِکمِ وه جِم بَییتِمی که هر کی خِدا ره دوس دارنه، شه بِرارِ هم وِنه دوس داره.