اوّل تِسالونیکیان 4:8 - کتاب مقدس به زبان مازندرانی - گویش شرقی

⁸ پَس، هر کی اینِ رَد هاکانه، آدِمی ره رَد نَکانده بلکه خِدایی ره رَد هاکارده که شه مِقدَّسِ روحِ شِما ره دِنه.

گیله ماز

⁸ پَس، هر کی اینه رَد هَکونه، آدَمی رِه رَد نُکانه، بلکه خُداییِ رِه رَد هَکُردِه که خودشه مقدّسِ روحِ شِمِره دَنهِ.

کتاب مقدس به زبان مازندرانی - گویش غربی

⁸ پَس، هر کی هَینِه رَد هاکِنِه، آدَمی رِه رَد نَکِنِّه، بَلگی خِدایی رِه رَد هاکِردِه گه شی مِقدّسِ روحِ شِمارِ دِنِه.

اوّل تِسالونیکیان 4:8 Cross References

لوقا 10:16

«بعد شه شاگِردونِ بااوته: هر‌ کی شِمه گَبِ گوشِ هاکانه، مِ گَبِ گوش هاکارده؛ و هر کی شِما ره قَبول نَکِنه، مِ ره قَبول نَکارده؛ ولی هر کی مِ ره قبول نَکِنه، اونی که مِ ره بَفرِسیه ره قَبول نَکارده.»

اِنجیلِ یوحنا 12:48

اونیِ وِسه که مِ ره رد هاکانه و مِ گَب ها ره قَبول نَکِنه، یِتا دییه داوِر دَره؛ هَمون گَب هایی که بَزومه قیامِتِ روز وه ره داوِری کانده.

اعمال رَسولان 13:41

«هارِشین، ای کِسایی که مسخره کاندینی، بِهت هاکانین و نابود بَووین، چوون شِمه روزگارِ دِله کاری کامبه، که هر چی اونِ شِمه وِسه تَعریف هاکانِن هیچ وَخت باوِر نَکاندِنی.“

رومی ایشون 5:5

و امید اَمه شرمندگیِ باعث نَوونه، چوون خِدائه مِحبَّت، روح القدوسِ طریقِ جِم که اِما ره هِدا بَییه، اَمه دلهائه دِله دَشِندی بَییه.

اوّلین نامِه قُرنتیانی سِه 2:10

چوون این چیا ره شه روحِ طریق اَمه وِسه دیار هاکارده، چوون خِدائه روحْ همه‌چی ره گِردِنه، حَتّی خِدائه عمیق ترین رازها ره هَم.

اوّلین نامِه قُرنتیانی سِه 7:40

با این وجود، مِن فکر کامبه، اگه شی نَکِنه، خِشبختَرِ؛ و گمون کامبه که مِنِم خِدائه روحِ دارمه!

دوّمین نامه قرنتیانِ وَسین 1:22

وه شه مُهرِ اَمه سَر بَزو و شه روحِ، بِیعانه واری اَمه دلهائه دِله بیِشته.

غَلاطیان 4:6

پَس چوون که شِما وچونِنی، خِدا شه ریکائه روحِ اَمه دلهائه دِله بییِشته که داد زَنده «اَبّا، اِی پییِر.»

اول پِطرُس 1:12

وِشونِ وِسه دیار بَییه که نا شه ره بلکه شِما ره خِدمِت کاردِنه، اون مووقه که اون چیائه خَوِری گَب زونه که اَلان اونِ انجیلِ پِیغوم رِسونونِ جِم اِشنُنِنی، وِشونی جِم که روح القدُسِ طریق که آسمونِ جِم بَفرِسیه بَییه، اون خَوِرِ خِشِ شِما ره دِنِنه. حَتَّی فرشته ها هم آرزو دارنِنه این چیا ره بَوینِن.

پطرسی دِوّمین نامِه 1:21

چوون هیچ نَبِوَّتی، آدِمیِ ارادهِ هِمراه نییَمو، بلکه آدِمون، روح‌القُدسِ طریق خِدائه طَرِفِ جِم گَب بَزونه.

اوّل یوحنا 3:24

هر کی وه اَحکامِ عَمِل هاکانه، خِدائه دِله مُوندِنه و خِدا هم وه دِله موندِنه. اینجه جِم دومبی وه اَمه دِله موندِنه یعنی اون روحِ هِمراه که اِما ره هِدا.

یهودائه نامه 1:8

با این وجود، همین طی، این مَردِم هم خوهایی که ویندِنه ره تکیه کاندِنه و شه تَنِ نَجس کاندِنه و اِقتدارِ رَد کاندِنه و آسمونِ گَت گَتِ ها ره کفر گانِنه.