اوّل تِسالونیکیان 3:7 - کتاب مقدس به زبان مازندرانی - گویش شرقی

⁷ اِی بِرارون اینِ وِسه، تِمومِ اَمه سَختی ها و مِصیبت هائه دِله شِمه جِم و شِمه ایمونِ طریق تسلّی بَییتیمی.

گیله ماز

⁷ اِی اَداشان، اینِه وَسین تمام اَمیِ سختیها و مُصیبتهایِ دِلهِ، شیمی جی و شیمی ایمان جی تَسلّی بِیتیم.

کتاب مقدس به زبان مازندرانی - گویش غربی

⁷ اِی بِرارِن، هَینِسه دِشتِه اَمِه سختیا و مِصیبتایی دِلِه، شِمِه جا و شِمِه ایمونی طریق تَسلّی بَیتِمی.

اوّل تِسالونیکیان 3:7 Cross References

دوّمین نامه قرنتیانِ وَسین 1:4

اون خِدا که اِما ره تِمومِ اَمه مصیبت هائه دِله تسلّی دِنه، تا اِما هم بَتونیم اونایی که مصیبتِ دِله دَرِنه ره اون تسلّی ای که وه جِم بَییتیمیِ هِمراه تسلّی هادیم.

دوّمین نامه قرنتیانِ وَسین 7:13

اینِ وِسه هَسه که اِما تَسِلّی دارمی. علاوه بر اَمه تَسِلّی، اِما تیتوسِ بَدیئِنِ جِم ویشتر خِشال بیمی، چوون که وه روح شِما همهِ خاطِری، تازه بَییه.

اوّل تِسالونیکیان 3:6

ولی اِسا که تیموتائوس شِمه پَلیِ جِم اَمه پَلی بَردَگِردِسه و شِمه ایمون و مِحبَّتِ جِم، اَمه وِسه خوارِ خَوِر بیارده. و خَوِر هِدا که شِما هَمِش اَمه جِم خواریِ هِمراه یاد کاندینی و اَمه بَدیئِنِ وِسه ذوق دارنِنی، هَمون طی که اِما هم شِمه بَدیئِنِ وِسه ذوق دارمی.

دوم یوحنا 1:4

مِن خَله خِشال بَیمه که بِفَهمِسِمه تِ وَچونِ جِم بعضیا طبقِ هَمون حِکمی که پییِرِ جِم بَییتیمی، ’حَییقَتِ‘ دِله زندگی کاندِنه.