اوّل تِسالونیکیان 2:16 - کتاب مقدس به زبان مازندرانی - گویش شرقی

¹⁶ و نییِلنِنه اِما غیر یَهودیونِ هِمراه گَب بَزِنیم تا نِجات بَیرِن- این طی هَمِش شه گِناهونِ دَئیلِ لَب به لَب پِر کاندِنه. ولی سَر آخِر خِدائه غَضِب، وِشونِ سَر بییَمو.

گیله ماز

¹⁶ وَ نُزارنَن اَما غیر یهودیِانِ هَمرَه گَب بَزنیم تا نِجات هَگیرَن- اینجوری هَمَش خودِشانِه گُناهِانِ کیله رِه لَب به لَب پُر کانَن. وَلی سَرآخَر خُدایِ غَضَب اوشانه سَر بوما.

کتاب مقدس به زبان مازندرانی - گویش غربی

¹⁶ و نِلنِنِه اَما غیریهودیِنی هَمرا گَب بَزنیم تا نِجات بَیرِن- هَینجوری هَمِش شی گِناهِنی مَنَّرِ لَب به لَب پِر کِنِنِه. ولی سَرآخَر خِدایی غَضَب وِشونی سَر بیمو.

اوّل تِسالونیکیان 2:16 Cross References

اِنجیلِ مَتّی 12:45

بعد شونه و هَفت تا روح شه جِم بَدتِرِ جَمع کانده و یارنه، وِشون همه اِنِنه و اونجه ساکِن بونِنه و سَرآخِر اون آدِم اَوِّلِ جِم هم بَدتِر بونه. این بِلا این بَدِ نَسلِ سَر هَم اِنه»

اِنجیلِ مَتّی 23:32

اونچی ره که شِمه پییِرون شِروع هاکاردِنه، شِما تِموم هاکانین.

اِنجیلِ مَتّی 24:14

سَر آخِر وَختی پادشاهیِ خَوِرِ خِش، تِمومِ دِنیائه آدِمون گوش بَرِسه و تِمومِ قوم ها اونِ جِم خَوِر دار بَوِون، اون وَخت دِنیا به آخِر رِسِنِه.

اِنجیلِ مَتّی 24:6

هَمین طی هم دَرواره جَنگ اِشنُنِنی و جَنگِ خَوِر شِمه گوش رِسِنه. ولی هراسون نَووین چوون که این طی اِتِّفاق وِنه دَکِفه، ولی آخِرِ زِمونِ دوره هَمتی نَرِسیه.

اِنجیلِ مَتّی 3:12

وه شه چَنگَکِه، شه دَس دارنه و شه خَرمِنِ جا ره پاک کانده. گَندِمِ اِمباری دِله جَمع کانده و کَمِلِ، اون تَشِ دِله که اَصلاً دَکوشته نَوونِه سوزِندِنه.»

مَرقُس 16:16

هر کی ایمون بیاره و غسلِ تَعمید بَیره، نِجات گِرنه. ولی هر کی ایمون نیاره، مَحکوم بونه.

اعمال رَسولان 13:45

ولی وَختی یَهودیون جَمیِّتِ ها ره بَدینه، حَسودیِ جِم پِر بَینه و بی‌ حِرمتیِ هِمراه هر چی پولُس گاته ره مخالفت هاکاردِنه.

اعمال رَسولان 13:50

ولی یَهودیون، متعصب و سَرشناس زَن ها و شَهرِ مَردا که رَهبِر بینه ره تحریک هاکاردِنه و وِشون، پولُس و بَرنابا ره آزار اذیّت هاکاردِنه. پَس پولُس و بَرنابا ره اون مَنطقهِ جِم بیرون هاکاردِنه.

اعمال رَسولان 14:19

ولی یَهودیونی، اَنطاکیه و قونیهِ شهرائه جِم بییَمونه و مَردِمِ شه هِمراه همدَس هاکاردِنه، پولُسِ سَنگسار هاکاردِنه و این گَمونِ هِمراه که بَمِرده، وه ره شَهرِ جِم بیرون بَوِردِنه.

اعمال رَسولان 14:2

ولی یهودیونی که ایمون نیارده بینه، غیرِ یَهودیونِ تَحریک هاکاردِنه و وِشونِ فِکرِ، بِرارونِ علیه، مَسموم هاکاردِنه.

اعمال رَسولان 14:5

وَختی غیرِ یَهودیون و یَهودیون، شه گَت گَتِ هِمراه تَصمیم بَییتِنه که پولُس و بَرنابا ره آزار هادِن و سَنگسار هاکانِن،

اعمال رَسولان 17:13

وَختی تِسالونیکیِ یَهودیون بِفَهمِسِنه که پولُس بیریهِ دِله هم خِدائه کِلامِ اِعلام کانده، اونجه بُوردِنه و مَردِمِ تحریک هاکاردِنه و شَهرِ آشوب بَکِشینه.

اعمال رَسولان 19:9

ولی بعضیا سَرسختی کاردِنه و ایمون نیاردِنه و همهِ چِشِ پَلی اَهلِ، ’طریقتِ‘ بَد گاتِنه. پَس پولُس شه شاگردونِ بَییته و وِشونِ جِم دور بَییه، و تِمومِ روز، تیرانوسِ مدرسهِ دِله بحث کارده و گَب زوئه.

اعمال رَسولان 21:21

وِشونِ میون این طی شایع بَییه که تِ تِمومِ یَهودیونی که غیرِیَهودیونِ دِله زندگی کاندنه ره تَعلیم دِنی که موسیِ پِیغَمبِرِ شَریعتِ جِم بَردَگِردِن، و وِشونِ گانی نَوِسه شه وَچونِ خَتِنِه هاکانِن و طِبق رَسم و رُسوم رِفتار هاکانِن.

اعمال رَسولان 23:12

وَختی صِواحی بَییه، یَهودیون هَمدییهِ هِمراه نَخشه بَکِشینه، قَسِم بَخُردِنه تا پولُسِ نَکوشِن، هیچی نَخُرِن و نَنوشِن.

اعمال رَسولان 24:9

یَهودیون هم یَک صِدا تِمومِ این چیا ره تأیید هاکاردِنه.

اعمال رَسولان 25:2

اونجه گَت گَتِ کاهِنون و یَهودِ قومِ گَت گَتِ وه روب رو حاضر بَینه و شه شکایتِ پولُسِ علیه بااوتِنه.

اعمال رَسولان 25:7

وَختی پولُس، دِله بییَمو، یهودیونی که اورشَلیمِ جِم بییَمو بینه، وه دور اِیست هاکاردِنه و بَدجور اِتهامایی وه ره بَزونه، ولی نَتونِسِنه اونا ره ثابت هاکانِن.

اعمال رَسولان 4:12

به جِز وه هیچ کَسِ دِله نِجات دَنیه، چوون آسمونِ بِن دییه اسمی آدِمونِ هِدا نَییه تا اونِ جِم نِجات بَیریم.»

اعمال رَسولان 9:23

وَختی که خَله روزا بُگذِشته، یَهودیون نخشه بَکِشینه تا شائولِ بَکوشِن.

اوّلین نامِه قُرنتیانی سِه 10:33

هَمون‌ طی که مِن هم تَقِلّا کامبه تا همه ره هر کارِ دِله که اِنجام دِمبه، راضی هاکانِم. مِن شه نفعِ دِمبال دَنیمه، بلکه خَیلیائه نَفعِ دِمبال دَرِمبه، تا نِجات بَیرِن.

غَلاطیان 5:11

ولی ِای بِرارون، اَگه هَمتی مِن خَتنه هاکاردِنِ موعظه کاردِمه، دییه چه آزار اذیّت ویندِسِمه؟ پَس اگه این طی کاردِمه، دییه صلیبِ پیغوم، هیچ کسِ بَرنَخُرده .

اِفِسُسیان 3:13

پَس شِمه جِم خواهش کامبه اون رنجهایی خاطِری که دَره شِمه وِسه کَشِمبه، دلسَرد نَووین، چوون اونا شِمه اِفتخارِ باعثِ.

اِفِسُسیان 3:8

هر چَن که مِن تِمومِ مِقَدَّسینِ میون همهِ جِم کَمتَرینِمه، این فِیض مِ ره هِدا بَییه تا مَسیحِ بی حدّ و حِسابِ گَنج ها ره غیرِیَهودیونِ اِعلام هاکانِم،

اوّل تِسالونیکیان 1:10

تا آسِمونِ جِم خِدائه ریکائه بییَموئِنِ اِنتظارِ بَکِشین، که خِدا مِرده هائه جِم وه ره زنده هاکارده، یعنی عیسی، که اِما ره اون غَضِبِ جِم که بعداً اِنه آزاد کانده.

دوّم تِسالونیکیان 2:10

و تِمومِ شَرورِ حیله هائه هِمراه، اونایی که هلاکتِ راهِ دِله دَرِنه، چوون وِشون نِخواسِنه حَییقَتِ دوس دارِن تا نِجات بَیرِن.

اول تیموتائوس 2:4

که خوانه همهِ مَردِم نِجات بَیرِن و حَییقَتِ بِشناسِن.

نامِه مَسیحینی عبرانی نِژادی سِه 6:8

ولی اگه لم طَلی به بار بیاره، بی‌ارزشِ زِمینِ و نزیکِ که لَعنِت بَووه، و سَرآخِر هم بَسوزنده بونه.

یوحنایِ مکاشفه 22:11

بییِل بَدِ آدِم، شه بدی هاکاردِنِ ادامه هاده و فاسدِ آدِم، هَمون طی شه فِسادِ اِدامه هاده؛ صالحِ آدِم، اونچی که دِرِسِ ره ادامه هاده و مِقدَّسِ آدِم، هَمون طی مِقدّس بَمونه.»