اول پِطرُس 4:8 - کتاب مقدس به زبان مازندرانی - گویش شرقی

⁸ همه جِم مهمتر، هَمدییه ره جان و دِلِ هِمراه دوس دارین، چوون دوس داشتِن یَته خَله گِناهونِ پوشِندِنه.

گیله ماز

⁸ همه یه جی مُهِم تَر، هَمدِیگَرِ جان و دِلِ هَمرَه دوس بِدارین، چون دوس داشتن، خِیلی گُناهِانِ پوشانِدِنه.

کتاب مقدس به زبان مازندرانی - گویش غربی

⁸ هَمه ای جا مِهِم تَر، هَمدیَرِ جان و دِلی هَمرا دوس دارین، چون دوس داشتن، خِیلی گِناهِنِ پوشانِّه.

اول پِطرُس 4:8 Cross References

اوّلین نامِه قُرنتیانی سِه 13:1

اگه آدِمون و فرشته هائه زِوون ها گَب بَزِنِم، ولی مِحَبَّت نِدارِم، یِتا سِنج که خَله سَر صِدا کانده و یِتا توخالی طَبلِ واریمه.

اوّلین نامِه قُرنتیانی سِه 13:4

مِحَبَّت صَبور و مِهروونِ؛ مِحبِّت حَسودی نَکانده و فَخر نَکانده، محبِّت غرور نِدارنه.

کولُسیان 3:14

و تِمومِ اینائه سَر، مِحبّتِ لِواسِ دَپوشین که همه چی ره یِتا کاملِ اتحادِ دِله، هَمدییهِ هِمراه پیوند دِنه.

اوّل تِسالونیکیان 3:12

و هَمون‌ طی که اَمه مِحَبَّت، شِما ره ویشتر بونه، خِداوند شِمه مِحَبَّتِ، هَمدییه ره و تِمومِ مَردِم وِسه زیاد و سَرمشت هاکانه.

دوّم تِسالونیکیان 1:3

اِی بِرارون، اِما هَمش وِنه خِدا ره شِمه خاطِری شِکر هاکانیم، و دِرِس هم اینِ، چوون شِمه ایمون این طی رشد کانده و هر کِدوم از شِمائه مِحَبَّت هَمدییه ره ویشتر بونه.

اول تیموتائوس 1:5

اَمه منظور این دستورِ جِم مِحبَّتِ، مِحبَّتی که پاکِ دِل، خوارِ وجدان و خالِصِ ایمونِ جِم اِنه.

نامِه مَسیحینی عبرانی نِژادی سِه 13:1

بِرارونه مِحَبَّت شِمه میون برقِرار بوئه.

یعقوبِ نامه 5:12

مِ بِرارون، ولی همهِ جِم مهمتَر، قَسِم نَخُرین؛ نا آسِمون و نا زِمین و نا هیچی دییه ره. ولی بییِلین شِمه ’اَره‘ هَمون اَره بوئه و شِمه ’نا‘ هَمون نا، نَکِنه مَحکوم بَووین.

یعقوبِ نامه 5:20

بَدونه که هر کی یِتا گِناهکارِ گمراهیِ جِم بَردِگاردِنه، وه جانِ مَرگِ جِم نِجات دِنه و خَله گِناهونِ پوشِندِنه.

اول پِطرُس 1:22

اِسا که حَییقَتِ اِطاعت هاکاردِن هِمراه، شه جانها ره پاک هاکاردینی تا بی‌ریائه بِرارونه مِحَبَّت دارین، هَمدییه ره خالص و پاکِ دِلِ هِمراه دوس دارین.

سوّم یوحنا 1:2

ای عزیز، مِ دعا اینِ که همه چی شِمه وسه خوار پیش بوره و سِلامت بوئین، و همین طی تِ جان هم سِلامَتیِ دِله دَووه.