اوّل یوحنا 2:3 - کتاب مقدس به زبان مازندرانی - گویش شرقی

³ اینجه جِم دومبی وه ره اِشناسِمبی اگه وه اَحکامِ به جا بیاریم.

گیله ماز

³ ایجه یه جی دانیم اونه اِشناسِنیم اگِه اونه احکامِ بِجا بیاریم.

کتاب مقدس به زبان مازندرانی - گویش غربی

³ ایجِه دَری دِمّی وِرِه اِشناسِمی اگه وی احکامِ بِجا بیاریم.

اوّل یوحنا 2:3 Cross References

لوقا 6:46

«چی طیِ که مِ ره ”آقا، آقا“ گانِنی، ولی اونچی گامبه ره عَمِل نَکاندینی؟

اِنجیلِ یوحنا 14:15

«اگِه مِ ره دوس دارنِنی، مِ اَحکامِ به جا بیارین.

اِنجیلِ یوحنا 15:10

اگه مِ اَحکامِ به جا بیارین، مِ مِحبّتِ دِله موندِنِنی؛ هَمون طی که مِن شه پییِرِ اَحکامِ به جا یارمه و وه مِحَبَّتِ دِله موندِمبه.

اِنجیلِ یوحنا 15:14

اگه اونچی شِما ره حِکم کامبه ره اِنجام هادین، مِ رَفِقونِنی.

اِنجیلِ یوحنا 17:3

و اَبدی زندگی اینِ که تِ ره، تینا حَییقی خِدا، و عیسی مَسیح که تِ بَفرِسیِ ره بِشناسِن.

دوّمین نامه قرنتیانِ وَسین 4:6

چوون هَمون خِدا که بااوته: «نور، تاریکیِ جِم بَتابه،» شه نورِ اَمه دلهائه دِله بَتابِندیه تا خِدائه جِلالِ بِشناسیِن، مَسیحِ دیمِ دِله، اِما ره نورانی هاکانه.

نامِه مَسیحینی عبرانی نِژادی سِه 5:9

و اون مووقه که کامل بَییه، تِمومِ اونایی که وه جِم اِطاعت کاندِنهِ وِسه، اَبدی نِجاتِ سرچِشمه بَییه.

اوّل یوحنا 2:13

شِمه وِسه نِویسِمبه، ای پییِرون، چوون وه که از اَوِّل دَییه ره بِشناسینی. شِمه وِسه نِویسِمبه، ای جوونون، چوون اون شَریرِ سَر پیروز بَینی. شِمه وِسه نِویسِمبه، ای وَچون، چوون پییِرِ بِشناسینی.

اوّل یوحنا 3:14

اِما دومبی که مَرگِ جِم رَد بَیمی و زندگی ره بَرِسیمی، چوون بِرارونِ دوس دارمی. هر کی مِحَبَّت نَکِنه، مَرگِ دِله موندِنه.

اوّل یوحنا 3:19

اینِ وِسه دومبی که حَییقَتِ جِم هَسیمی، و تومبی شه دلِ، خِدائه حِضور مِطمَئِن هاکانیم؛

اوّل یوحنا 3:6

اونی که وه دِله موندِنه گِناهِ ادامه نَدِنه، اونی که گِناهِ ادامه دِنه، وه ره نا بَدیئه و نا بِشناسیه.

اوّل یوحنا 4:13

اینجه جِم دومبی که وه دِله موندِمبی و وه اَمه دِله، چوون وه شه روحِ جِم اِما ره هِدا.

اوّل یوحنا 4:7

ای عزیزون، بِئین هَمدییه ره مِحَبَّت هاکانیم، چوون مِحَبَّت خِدائه جِم هَسه و هر کی مِحَبَّت کانده، خِدائه جِم دِنیا بییَمو و خِدا ره اِشناسِنه.

اوّل یوحنا 5:19

اِما دومبی که خدائه جِم هَسیمی و تِمومِ دِنیا اون شَریرِ قِدرتِ بِن دَره.

اوّل یوحنا 5:2

اِما اینجه جِم دومبی خِدائه وَچون ره دوس دارمی که خِدا ره دوس دارمی و وه اَحکامِ جِم اِطاعت کامبی.

اوّل یوحنا 5:3

چوون خِدائه دوس داشتن اینِ که وه اَحکامِ عَمِل هاکانیم و وه اَحکام سنگین نییه.

یوحنایِ مکاشفه 12:17

بعد اژدها زِنائه سَر غیظ هاکارده و بورده تا وه بَقیه نَسلِ هِمراه جَنگ هاکانه؛ یعنی اونایی هِمراه که خِدائه اَحکامِ جِم اِطاعت کاندِنه و عیسیِ شِهادتِ قایم چَسبِنِنه.

یوحنایِ مکاشفه 14:12

این مِقَدّسینِ پایداری ره خوانه، وِشون که خِدائه اَحکام و مَسیحِ ایمونِ دارنِنه.

یوحنایِ مکاشفه 22:14

خِش به حال اونایی که شه قواها ره شورنِنه تا این حَقِّ دارِن تا زندگیِ دارِ جِم بَخُرِن و بَتونِن شَهرِ دروازه ها ره دِله بورِن.