اوّل یوحنا 1:5 - کتاب مقدس به زبان مازندرانی - گویش شرقی

⁵ اینِ پِیغومی که وه جِم بِشنُسیمی و شِما ره اِعلام کامبی که: خِدا نورِ و هیچ تاریکی ای اَصلاً وه دِله دَنیه.

گیله ماز

⁵ اینه پِیغامی که اونه جی بِشنَوِسّیم و شِمِرِه اعلام کانیم که: خُدا نورِ و هیچ ظُلَماتی اَصلاً اونه دِلِه دَنیِه.

کتاب مقدس به زبان مازندرانی - گویش غربی

⁵ هَینِه پِیغِمی گه ویجا بِشنُسِمی و شِمِارِ اعلام کِمّی گه: خِدا نورِ و هیچ تاریکی ای اَصلاََ وی دِلِه دَنیِه.

اوّل یوحنا 1:5 Cross References

اِنجیلِ یوحنا 1:19

اینِ یحییِ تَعمید دَهِنده شِهادت، اون مووقه که یَهودیون، مَعبدِ کاهِنون و مَعبدِ خادِمونِ، اورشَلیمِ شَهرِ جِم وه پَلی بَفرِسینه تا وه جِم بَپِرسِن که «تِ کی هسی؟»

اِنجیلِ یوحنا 1:4

وه دِله زندگی دَییه و اون زندگی، آدِمونِ نُور بییه.

اِنجیلِ یوحنا 1:9

اون حَییقی نور که هر آدِمی ره رووشِنایی بَخشِنه، دَییه دِنیائه دِله اییَمو.

اِنجیلِ یوحنا 8:12

عیسی اَت کَش دییه مَردِمِ هِمراه گَب بَزو، بااوته: «مِن دِنیائه نور هَسِمه. هر کی مِ دِمبال بِیّه ، تاریکیِ دِله راه نَشونه، بلکه زندگیِ نورِ دارنه.»

اِنجیلِ یوحنا 9:5

تا وَختی که دِنیا دِله دَرِمبه، دِنیائه نور هَسِمه.»

اوّلین نامِه قُرنتیانی سِه 11:23

چوون مِن اونچی که شِما ره بِسپارِسِمه ره، خِداوندِ جِم بَییتِمه، که عیسیِ خِداوند اون شویی دِله که وه ره دِشمِنِ تَسلیم هاکاردِنه، نونِ بَییته

اول تیموتائوس 6:16

فِقَط وه هَسه که اَبدیِ، وه که یِتا نورِ دِله دَره که نَوونه وه ره نزیک بَیِّن، و هیچکس وه ره نَدیه و نَتونده بَوینه، حِرمت و سلطنِت تا اَبد وه هِمراه دَووه. آمین.

یعقوبِ نامه 1:17

هر خوارِ هَدیه و هر کاملِ هَدیه، آسِمونِ جِم هَسه، نورهائه پییِرِ طَرِفِ جِم اِنه که وه دِله هیچ تغییری دَنییه و نا هیچ سایه ای که تغییرِ جِم به وجود بییَمو بوئه.

اوّل یوحنا 3:11

این هَمون پِیغومیِ که از اَوِّل بِشنُسینی، که وِنه هَمدییه ره دوس داریم.

یوحنایِ مکاشفه 21:23

شَهر اِفتاب و ماهِ احتیاج نِدارنه که اونِ رووشِن هاکانه چوون خِدائه جِلال اونِ سو دِنه و وَره اونِ لمپائه.

یوحنایِ مکاشفه 22:5

و دییه شو نَبونه. وِشون دییه لمپا یا اِفتابِ نورِ اِحتیاج نِدارنِنه، چوون خِداوندْ خِدا وِشونِ نور بونه. و وِشون تا اَبد و تا اَبد سلطَنِت کاندِنه.