परकासितवाक्य 7:2 - नुवो नेम (मेवड़ी नया नियम)

² अन में एक ओरी हरग-दुत ने उगमणी दसाऊँ आवतो तको देक्यो। वणी जीवता परमेसर की मोर ले राकी हे। वणी वणा च्यारई दुताँ ने ज्याँने धरती अन समन्द को नास करबा को हक दिदो ग्या हो, वाँकाऊँ जोरऊँ क्यो,

परकासितवाक्य 7:2 Cross References

मत्ती 16:16

समोन पतरस जटऊँ क्यो, “थूँ जीवता परमेसर को पूत मसी हे।”

मत्ती 26:63

पण ईसू छानारिया। तद्याँ मायाजक वाँकाऊँ क्यो, “मूँ थने जीवता परमेसर की होगन दूँ हूँ के, यद्याँ थूँ परमेसर को पूत मसी हे, तो माँकाऊँ के दे।”

यहुन्ना 6:27

वीं खाणा वाते मेनत मती करो, ज्यो वासी जावे हे। पण वीं खाणा का वाते मेनत करो, ज्यो अनंत जीवन का वाते हे। अन यो खाणो मनक को पूत थाँने देई, काँके परमेसर वींने यो अदिकार दिदो हे।”

2 कुरिन्थियों 1:22

वींइस आपाँ पे छाप भी लगई हे अन आपणाँ मयने गारन्टी का रूप में पुवितर आत्मा दिदी हे, वीं आपणो वादो पूरो करी।

इपिसियों 1:13

थाँ लोगाँ भी हाँचा बचन हुण्या, ज्यो थाँके मुगती देबावाळो हव हमच्यार हो। ईंने हुणन थाँ मसी पे विस्वास किदो, तद्याँ परमेसर थाँका पे आपणी पुवितर आत्मा की छाप लगई, जिंको वादो परमेसर कर मेल्यो हो।

इपिसियों 4:30

परमेसर की पुवितर आत्माने दकी मती करो, काँके छुड़ाबा के दन का वाते वा खुद छाप थाँका पे लागी हे।

1 थिस्सुलुनिक्यों 1:9

काँके वटा का मनक खुद ईं माकाँ बारा में बतावे हे के, कस्यान माँ थाँका नके आया अन कस्यान थाँ मूरत्याँ ने छोड़न जीवता अन हाँचा परमेसर की सेवा करबा का वाते फरग्या हाँ।

2 तिमुतियूस 2:19

पण परमेसर की पाकी नीम हाले कोयने, जिंपे आ छाप लागरी हे के, “परबू आपणाँ मनकाँ ने जाणे हे,” अन, “ज्यो कुई परबू को नाम लेवे हे, वींने बुरा कामऊँ बच्यो तको रेणो छावे।”

इब्रानियों 12:22

पण थाँ सिय्योन मंगरा का नके, जीवता परमेसर का हरग का नगर यरूसलेम का नके अन हजारो हरग-दुताँ,

परकासितवाक्य 1:3

वीं मनक धन्न हे जीं परमेसर का ईं दरसावा की किताब का संदेसा ने भणे अन हुणे अन ईंका मयने जो बाताँ लिकी तकी हे, वाँके जस्यान चाले हे। काँके वाँ टेम नके हे, जद्याँ ईं बाताँ पुरी वेई।

परकासितवाक्य 10:1

ईंका केड़े में हरगऊँ एक जोरावर हरग-दुत ने रेटे उतरतो देक्यो। वींके च्यारूँमेर वादळा हा, वींके मातो का नके मेघ धनुस हो। वींको मुण्डा सुरज की जस्यान चमकरियो हो अन वींका पग वादी का थाम्बा का जस्यान हा।

परकासितवाक्य 10:4

वाँ गाजबा की हातई अवाज हुणई देणी बन्द वेगी, तो मूँ लिकबा का वाते त्यार व्यो, अतारक में हरगऊँ अवाज अई, “जीं बाताँ हात दाण गाजबा का हाते हूणी हे वाँने छाने राक, वाँने लिक मती।”

परकासितवाक्य 16:12

छटे हरग-दुत आपणो प्यालो मोटी नंदी फरात पे उँन्धई दिदो, जणीऊँ वींको पाणी हुकग्यो। वींको पाणी हुकबाऊँ उगमणी देसा का राजा का वाते गेलो बणग्यो।

परकासितवाक्य 5:2

तो में एक जोरवार हरग-दुत ने देक्यो जणी जोरऊँ अस्यान हेलो पाड़्यो हो के, “ईंकी मोराँ तोड़बा अन किताब ने खोलबा के जोगो कूण हे?”

परकासितवाक्य 8:3

ईंके केड़े एक ओरी हरग-दुत होना को धुपदान लेन आयो अन वेदी का नके ऊबो वेग्यो। वींने धरमिया की परातना का हाते होना की वेदी पे जो गादी का हामे ही, वींपे चड़ाबा का वाते नरोई धुप दिदो।

परकासितवाक्य 9:14

वाँ अवाज वीं रणभेरी बजाबावाळा छटा हरग-दुत ने बोलरी ही, “वणा फरात मोटी नंदी का नके बन्दीया तका च्यारई दुताँ ने खोल दो।”

परकासितवाक्य 9:4

पण वाँने क्यो ग्यो हो धरती का लीला चारा अन लीला रूँकड़ा को नास मती करज्यो। पण वणा मनकाँ को नास करज्यो, ज्याँका माता पे परमेसर की मोर कोयने हे।