परकासितवाक्य 7:1 - नुवो नेम (मेवड़ी नया नियम)

¹ ईंका केड़े में च्यार हरग दुताँ ने धरती का च्यारई खुणा में ऊबा तका देक्या, वीं च्यारई खुणाऊँ आबावाळा बईरो ने ठाम मेल्यो हो, जणीऊँ ईं धरती का रूँकड़ा के अन समन्द में बईरो ने चाल सके।

परकासितवाक्य 7:1 Cross References

मत्ती 24:31

वो रणभेरी की मोटी अवाज का हाते आपणाँ दुताँ ने खन्दाई, वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

मरकुस 13:27

पछे वे आपणाँ हरग दुताँ ने खन्दाई अन वीं धरती की च्यारई दिसा मेंऊँ अन बादळा का खुणाऊँ आपणाँ गण्या-चुण्या लोगाँ ने अगेटा केरी।

परकासितवाक्य 20:8

जणीऊँ वो वणा जात्या का नके ज्या धरती का च्यारूँमेर जाई, ज्याँने गोग अन मागोग क्यो जावे हे, जणाकी गणती समन्द की रेत की कण का बराबर वेई, वो वाँने भरमान लड़ई करबा का वाते भेळा करबा का वाते जाई।

परकासितवाक्य 6:6

अन में वणा च्यारई जीवता जीव का बचमें मेंऊँ ओ हेलो हुण्यो, “आबावाळा टेम में धरती पे काळ पड़ी, वीं टेम में एक दन की दानकी में एक दन का खावा अतराक गऊँ कन एक दन की दानकी में तीन दनाँ खावा अतराक जो मली, पण जेतुन का तेल अन अंगूरा को रस को भाव ने बदली।”

परकासितवाक्य 7:3

“थाँ जद्याँ तईं धरती, समन्द अन रूँकड़ा को नास मती करज्यो, तद्याँ तईं मूँ आपणाँ परमेसर की मोर वींका दासा का माता पे ने लगई दूँ।”

परकासितवाक्य 8:7

पेले हरग-दुत जस्यानी रणभेरी बजई, वस्यानई लुई वाळा गड़ा अन वादी दिकई दिदी अन वाँने धरती पे फेंक दिदा। जणीऊँ धरती को एक तीहाई भाग बळग्यो। एक तीहाई रूँकड़ा बळ ग्या अन हाराई लिलो चारो भी बळग्यो।

परकासितवाक्य 9:14

वाँ अवाज वीं रणभेरी बजाबावाळा छटा हरग-दुत ने बोलरी ही, “वणा फरात मोटी नंदी का नके बन्दीया तका च्यारई दुताँ ने खोल दो।”

परकासितवाक्य 9:4

पण वाँने क्यो ग्यो हो धरती का लीला चारा अन लीला रूँकड़ा को नास मती करज्यो। पण वणा मनकाँ को नास करज्यो, ज्याँका माता पे परमेसर की मोर कोयने हे।