परकासितवाक्य 3:4 - नुवो नेम (मेवड़ी नया नियम)

⁴ पण सरदीस थाँरा मयने थोड़ाक मनक हे जीं खुद ने पुवितर बणान राक्या हे। वीं धोळा गाबा पेरन मारा हाते-हाते गुमी, काँके वीं खरा मनक हे।

परकासितवाक्य 3:4 Cross References

मत्ती 10:11

“थाँ जद्याँ कणी नगर कन गाम में जावो, तो पतो लगावो के, वटे विस्वास के जोगो कूण हे अन जटा तईं वटूँ ने जावो, वींका वटेईस रेवो।

मरकुस 16:5

पछे जदी वे कबर में गी, तो वाँकाणी देक्यो एक मोट्यार धोळा-फट गाबा पेरिया जीमणा पाल्ड़े बेटो हे, तो वे दरपगी।

लूका 20:35

पण, वी मनक वणी जुग में परवेस करन मरिया तकाऊँ जीवता वेबा का काबिल हे, वीं ब्याव ने करी।

लूका 21:36

ईं वाते जागता रो अन हरेक टेम परातना करता रेवो, ताँके थाँ अणा हारी आबावाळी आपतीऊँ बचन अन मूँ मनक का पूत का हामें ऊबा रेवा के जोगा बण सको।”

थरप्या तका का काम 1:15

थोड़ाक दनाँ केड़े एक विस्वास्याँ की सबा जिंमें होन बीस जणा हा, वटे परतस ऊबो वेन केबा लागो,

2 थिस्सुलुनिक्यों 1:5

ओ परमेसर का हाँचा न्याव को सई परमाण हे के, थाँ परमेसर का राज का जोगा हो, जिंका वाते थाँ दुक भी पारिया हो।

यहूदा 1:23

थाँ आगे बड़न वणा मनकाँ ने बंचा लिज्यो, जीं बंचाणा छारिया। वाँने वादी की लपटा में पड़्या तका ने बचावो हो वस्यानीस वाँने बंचा लिज्यो, वाँका पे दया बापू परबू की दरपणी राकन करज्यो। पण वाँका वणा गाबाऊँ जणापे वाँका पाप का भाव का धबा लागरिया हे, वाँकाऊँ छेटी रेज्यो, मारा केबा को मतलब ओ हे के, वाँका बुरा कामाँऊँ अलग रेज्यो।

परकासितवाक्य 1:11

अवाज में अस्यान हमच्यार आरियो हो के, “जो कई भी थूँ देकरियो हे, वींने एक किताब का मयने लिकतो जा अन वींके केड़े वींने इपिसुस, स्मुरना, पिरगमुन, थुआतीरा, सरदीस, फिलोदेलफीया अन लिदिकिया की हातई मण्डळ्याँ ने खन्दा दिज्ये।”

परकासितवाक्य 11:13

वीं टेम में एक जोरऊँ भूकम आयो, जणीऊँ नगर को दसमो भाग धड़ी ग्यो, अन वीं भूकमऊँ हात हजार मनक मरग्या, बाकी मनक दरपग्या अन वणा हरग का परमेसर की मेमा किदी।

परकासितवाक्य 14:4

ईं मनक कूँवारा हा अन ने ईं कणी लुगई का हाते कदी हूँता। अन जटे वीं उन्यो जातो ईं वींके हाते वे जाता। ईं परमेसर का वीं पेला फळ हे, ज्याँने मोल देन छुड़ाया ग्या हा।

परकासितवाक्य 19:14

धोळा घोड़ा पे सवार परमेसर की फोज वींके पाछे-पाछे वेरी ही। वणा पुवितर अन धोळा मखमल का गाबा पेर मल्या हा।

परकासितवाक्य 19:8

वींने ऊजळा अन चमकण्यो मखमल पेरबा ने दिदो ग्यो हे। ओ मखमल परमेसर का पुवितर मनकाँ की धरम का काम ने दिकावे हे।”

परकासितवाक्य 3:18

ईं वाते मूँ थने सला देरियो हूँ के, थूँ माराऊँ हव होनो लेन रिप्यावाळा बणजा। पेरबा वाते धोळा गाबा भी लिले, जणीऊँ थाँरो नागोपणो ढकी जावे, ताँके थाँरो तमासो ने बणे। थाँरी आक्याँ में लगाबा का वाते दवा(सुरमो) लिले, जणीऊँ थने दिकबा लाग जावे।

परकासितवाक्य 3:5

ज्यो भी जिती, वीं अस्याईस धोळा गाबा पेरी। मूँ जीवन की किताब मेंऊँ वाँका नामने ने वगाड़ूँ, पण वाँका नाम ने बापू परमेसर अन वींका हरग दुताँ का हामे मान लेऊँ के, ईं मारा हे।

परकासितवाक्य 4:4

वीं गादी का च्यारूँमेर चोवीस गाद्‍याँ ओरी ही, वाँके ऊपरे चोवीस पुरवज बेट्या तका हा। वणा धोळा गाबा पेरन मेल्या हा अन वाँके माता पे होना का मुकट हा।

परकासितवाक्य 6:11

वाँ हाराई ने धोळा चोळो पेरायो ग्यो हो अन वाँने क्यो ग्यो हो के, “थोड़ीक टेम ओरी वाट नाळो, जद्याँ तईं थाँकी हण्डाळ्याँ की गणती पुरी ने करी जावे, ज्याँने थाँकी जस्यान मारिया जाई।”

परकासितवाक्य 7:9

ईंका केड़े में कई देक्यो के, मनकाँ का मोटी भीड़ हे जिंने कुई भी गण ने सके, वीं भीड़ में हारी जात्या का, हाराई कुल का, हारी बोली बोलबावाळा अन हाराई देसा का मनक हा, वीं वणी गादी अन उन्याँ का हामे ऊबा हा, वणा धोळा गाबा पेर मल्या हा अन हाताँ में खजुर की डाळ्याँ ले राकी ही।