फिलिपियों 4:8 - नुवो नेम (मेवड़ी नया नियम)

⁸ आकरी में हो भायाँ, ज्यो ज्यो बाताँ हाँची हे अन ज्यो ज्यो बाताँ आदर करबा जस्यी हे अन ज्यो ज्यो बाताँ सई हे अन ज्यो ज्यो बाताँ ऊजळी हे अन ज्यो ज्यो बाताँ हुवावणी हे अन ज्यो ज्यो बाताँ हव गुण, बड़ई अन बड़िया हे वाँपे ध्यान लगाया करो।

फिलिपियों 4:8 Cross References

मत्ती 22:16

ईं वाते फरीसी आपणाँ चेला ने हेरोदिया का गुट का थोड़ाक मनकाँ का हाते ईसू का नके खन्दाया अन वणा क्यो, “हो गरुजी, माँ जाणा हाँ के, थूँ हाँचो हे, अन परमेसर को गेलो हाँचऊँ हिकावे हे, अन किंकीई दरप ने राके हे, काँके थूँ मनकाँ को मुण्डो देकन बाताँ ने करे हे।

मरकुस 6:20

हेरोदेस यहुन्नाऊँ दरपतो हो, काँके हेरोदेस जाणतो हो के, यहुन्नो एक खरो अन भलो मनक हो, ईं वाते वो ईंको बचाव करतो हो। हेरोदेस ने यहुन्ना की बाताँ हुणन घबरावणी वेती ही, पण वीं बाताँ वींने घणी भाती भी ही।

लूका 16:15

ईंपे ईसू वाँने क्यो, “थाँ अस्या लोग-बाग हो, जी मनकाँ का हामे आपणाँ खुद ने धरमी बतावे हे, पण परमेसर थाँका मन ने जाणे हे। मनक जिंने मोटा हमजे हे, वो परमेसर की देकणी में कई ने हे।

लूका 2:25

वीं टेम यरूसलेम में समोन नाम को एक मनक हो, वो धरमी अन भगत हो। वो इजराएल की सान्ती की वाट नाळरियो हो अन पुवितर आत्मा वींका हाते ही।

लूका 23:50

वटे युसुप नाम को एक मनक हो। ज्यो यहूदियाँ का मोटी सबा में मंतरी हो, वो एक घणो धरमी मनक हो। वो वाँकी ईसू ने मारबा की राय में अन वाँका अणी कामाँऊँ राजी कोयने हो अन वो यहूदियाँ का देस में अरमतिया नाम की जगाँ को रेबावाळो हो अन परमेसर की राज बाट नाळवावाळो हो।

यहुन्ना 7:18

ज्यो कुई आपणाँ आड़ीऊँ केवे हे वो खुद की बड़ई छावे हे पण ज्यो आपणाँ खन्दाबावाळा की बड़ई छावे हे वो हाँचो हे अन वींमें कई खोट ने हे।

थरप्या तका का काम 10:22

वे बोल्या, “माँ ने फोज का सरदार कुरनेल्युस खन्दाया हे, जो एक धरमी अन परमेसरऊँ दरपबावाळो मनक हे। हाराई यहूदी मनकाँ में वींको घणो मान-समान हे। वींने परबू के हरग-दुत क्यो के, वो थाँने आपणाँ घरे बलावे अन जो थें केवो, वो हुणे।”

थरप्या तका का काम 22:12

तद्याँ वटे हनन्या नाम को वेवस्ता ने मानबावाळो एक मनक हो, जिंकी वटे रेबावाळा हंगळा यहूदियाँ में हव पेट ही,

थरप्या तका का काम 6:3

ईं वाते ओ भई-लोगाँ, थाँ आपणाँ मूँ मोतबीर, पुवितर आत्माऊँ भरिया तका अन हव अकलवाळा हात मनकाँ ने थरप लो, ताँके माँ वाँने ओ काम हूँप सका।

रोमियों 13:13

तो काँ ने आपाँ भी वणी तरियाऊँ रेवा, जस्यान मनक दन का उजिता में रेवे हे। ने तो खा-पीन धुत रेबावाळा का जस्यान, ने कुकरम, लुचापणा करबावाळा की तरियाँ अन ने लड़बावाळा का जस्यान अन ने रिस्याँ बळबावाळा का जस्यान।

रोमियों 13:3

देको राज करबावाळा खरई करबावाळा ने, पण बुरा काम करबावाळा दरपाबा का वाते हे। अन यद्याँ थाँ अदिकारियाऊँ दरपणा ने छावो हो, तो हव काम करो। तो थाँने वाँकाऊँ बड़ई मली।

रोमियों 14:18

ज्यो मसी की ईं तरियाऊँ सेवा करे हे, वणीऊँ परमेसर राजी रेवे हे अन मनक वींको मान करे हे।

रोमियों 2:29

पण हाँचो यहूदी वोईस हे, ज्यो मन में हे, अन हाँचो खतनो वोईस हे, ज्यो आत्माऊँ मन को खतनो हे, ने के, लिक्या तका नेमा को। अस्या मनकाँ की बड़ई मनकाँऊँ ने पण परमेसर का आड़ीऊँ वेवे हे।

1 कुरिन्थियों 4:5

ईं वाते जद्याँ तईं परबू ने आवे वणीऊँ पेल्याँ किंको भी न्याव मती करो। वीं तो अदंकार में हपी तकी बाताँ ने भी उजिता में दिकाई अन मना की बाताँ भी हामे लाई अन वणी दाण परमेसर का आड़ीऊँ हरेक की बड़ई वेई।

2 कुरिन्थियों 13:7

अन माँ परमेसरऊँ परातना करा हा के, थाँ बुरई ने करो। ओ ईं वाते ने हे के, माँ खरा दिकई दा। पण ईं वाते के, थाँ ज्यो कई हव हे वो करो, पलई माँ नाकामइस काँ दिकई ने दा।

2 कुरिन्थियों 6:8

माँ इजत, अपमान में अन मान पाबा में अन बेजत वेबा में आगे राका हाँ। माँने मनक ठग हमजे हे, जद्याँ के माँ हाँचा हाँ।

2 कुरिन्थियों 8:18

अन माँ तीतूस का हाते वणी भई ने भी खन्दारिया हा, जिंको हव हमच्यार का परच्यार करबाऊँ हारी मण्डळ्याँ में अन हारी जगाँ में वींको नाम फेलरियो हे।

2 कुरिन्थियों 8:21

काँके ज्यो बाताँ परबू की देकणी मेंईस ने पण मनकाँ की देकणी में भी सई हे, माँ वणा बाताँ की चन्ता कररिया हा।

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

इपिसियों 4:25

ईं वाते थाँ जूट बोलणो छोड़ दो। आपणाँ हण्डाळ्याऊँ हारई ने हाँच बोलणो छावे, काँके आपाँ हाराई एकीस डील का अंग हाँ।

इपिसियों 5:9

काँके उजाळा को फळ हाराई तरियाँ की भलई, ज्यो परमेसर छावे वो करणो अन हाँच हे।

इपिसियों 6:14

ईं वाते हाँच का बेलपट्याऊँ आपणी कमर बाँदन, अन छाती को कवच पेरलो मतलब परमेसर का हामे सई करो,

फिलिपियों 3:1

अबे मारा भायाँ, परबू में गट-जोड़ऊँ थाँ खुस रेवो। वणाईस बाताँ ने आकोदाण लिकबा में मने तो कई परेसानी ने हे, काँके ईं थाँकी रुकाळी करी।

कुलुसियों 4:5

हाराई मोका ने हव तरियाऊँ काम में लेता तका अविस्वासी मनकाँ का हाते हव अकलऊँ वेवार करो।

1 थिस्सुलुनिक्यों 4:12

जणीऊँ थाँने बना विस्वास करबावाळाऊँ आदर-मान मले अन थाँने कणी बात की कमी ने रेवे।

1 तिमुतियूस 2:2

राजा माराजा अन हाराई अदिकारियाँ का वाते परमेसरऊँ परातना किदी जावे, ताँके आपाँ सक-चेन अन सान्ती का हाते भगती अन खरईऊँ परमेसर वाते जीवन जी सका।

1 तिमुतियूस 3:11

अणीस लुगायाँ भी हव वेवार की वेवे अन थाँरी मारी करबावाळी ने वेवे, ईं हूँस्यार अन हारी बाताँ में विस्वास जोगी वेणी छावे।

1 तिमुतियूस 3:4

वो आपणाँ परवार की हार-हमाळ करबावाळो वेवे, अन वींका बाळक वींकी पूरो मान करे अन वींका क्या में रेवे।

1 तिमुतियूस 4:12

थने किंका भी हामे रेटे ने देकणो पड़ी, काँके थूँ मोट्यार हे, पण बोली-चाली, चालचलन, परेम-भाव, विस्वास अन खरई में थूँ विस्वास्याँ का हामे नमुनो बणजा।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

1 तिमुतियूस 5:2

दानी लुगायाँ ने बई के जस्यान अन मोट्यार लुगायाँ ने पुरी खरई का हाते बेन हमजन हमजाज्ये।

तीतूस 1:8

पण वीं तो आवभगत करबावाळा अन ज्यो सई हे वणीऊँ परेम करबावाळा वे। खुद ने बंस में राकबावाळा, हुदा-हादा न्यायी, पुवितर अन नेमाँ में रेबावाळा वेवे।

तीतूस 2:14

वणा आपणाँ वाते खुद ने दे दिदो, ताँके आपाँ हाराई ने पापऊँ छुड़ावे अन आपाँने खुद का वाते खरा मनक बणावे, जीं बेस हव काम करबा का वाते आगता रेवे।

तीतूस 2:2

भूण्डा मनकाँ ने हिक दे, ताँके वीं धीरज राकबावाळा, हमजदार अन खुद पे काबू राकबावाळा वेवे अन वीं विस्वास, परेम अन सेवा में पाका रेवे।

तीतूस 2:7

थूँ थाँरी हारी बाताँ में हव वेवार को नमुनो बण। थाँरी हिक का वाते खरो अन हूँस्यार रे।

तीतूस 3:14

आपणाँ मनकाँ ने दूजाँ की जरूत पुरी करबा का वाते, पूरा मनऊँ हव काम करबा में टेम बिताणो छावे, अन वाँने बेकार को जीवन ने जीवणो छावे।

इब्रानियों 11:2

अन अस्यान को विस्वास करबा की वजेऊँईस पुराणा टेम का मनकाँ ने परमेसर का आड़ीऊँ मान मल्यो हो।

इब्रानियों 13:18

माकाँ वाते परातना करता रेवो, काँके माँने भरोसो हे के, माँकी अंतर-आत्मा सुद हे। अन माँ हारी बाताँ में बड़िया चालचलन छावाँ हा।

याकूब 1:27

पण परमेसर का हामे खरी अन पुवितर भगती तो आ हे के, अनात अन विदवा के वाँके दुक सक में देक-रेक करे अन खुद पे दनियादारी को कळंक ने लागबा देवे।

याकूब 3:17

पण ज्यो ग्यान हरगऊँ आवे हे वो हाराऊँ पेल्याँई तो पुवितर वेवे अन वींके केड़े सान्तीऊँ भरियो तको, सेण करबावाळो, बात मानबावाळो, दयाऊँ भरियो तको, हव फळवाळो अन बना पकसपात को अन बना कपट को वेवे हे।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 पतरस 2:12

जीं यहूदी ने हे वीं मनक थाँने बुरा केवे हे, पण ईंका केड़े भी वाँका बचमें थाँको वेवार अन चालचलन हव वेणो छावे, जणीऊँ जणा बाताँ में वीं थाँने दोसी जाणन बदनाम करे हे, वीं थाँका भला काम ने देकन वाँकी वजेऊँ जीं दन परबू आई, वीं दन वीं परमेसर की मेमा कर सकी।

1 पतरस 4:8

हाराऊँ बड़िया बात आ हे के, एक-दूजाऊँ हाँचो परेम राको, काँके परेम नरई पापाँ ने धो देवे हे।

2 पतरस 3:1

हो प्यारा भायाँ, अबे मूँ दूज्यो कागद थाँने लिकरियो हूँ। अन अणा दुई कागदऊँ मूँ थाँका पुवितर हरदा ने जगाबा की कोसीस कररियो हूँ।

1 यहुन्ना 3:18

हो प्यारा बाळकाँ, आपाँ खाली बाताँऊँ अन बोलीऊँ परेम ने किदो, पण ईंने आपाँ आपणाँ करमा अन हाँचऊँ कराँ हा।

1 यहुन्ना 3:3

ज्यो भी मनक मसी पे आ आस राक हे, वो खुद ने वस्यानीस पुवितर राके, जस्यान मसी पुवितर हे।

1 यहुन्ना 4:1

हो मारा प्यारा भायाँ, हरेक आत्मा को विस्वास मती करो, पण हरेक आत्माने परको के, वाँ परमेसर का आड़ीऊँ हे के ने। मूँ यो थाँकाऊँ ईं वाते केरियो हूँ, काँके नरई जूटा परमेसर का आड़ीऊँ बोलबा ईं दनियाँ में हे।