फिलिपियों 4:5 - नुवो नेम (मेवड़ी नया नियम)

⁵ थाँकी नरमाई हाराई मनकाँ का बचमें दिके। आद राको परबू को पाछो आणो नके हे।

फिलिपियों 4:5 Cross References

मत्ती 6:25

“ईं वाते मूँ थाँने केवूँ हूँ के, आपणाँ जीव का वाते यो होच मती करज्यो के, आपाँ कई खावा, कई पिबा, अन ने आपणी देह के वाते के, कई पेरा। कई जीव खाणाऊँ अन देह गाबाऊँ खास कोनी?

मत्ती 6:34

ईं वाते थाँ काले को होच मती करो, काँके काल को दन आपणी होच खुदई कर लेई। आज का वाते आज कोईस दुक घणो हे।”

लूका 21:34

“ईं वाते थाँ हेंचेत रो, अस्यो ने वे के, थाँ खाबा-पिबा में अन दनियाँ की चन्ता-फिकर में ने पड़ जावे अन वी दन फंदा का जस्यान थाँका ऊपरे अणाचेत आ जावे।

1 कुरिन्थियों 16:22

अन ज्यो कुई परबूऊँ परेम ने करी वींने हराप लागी। आपणाँ परबू वेगा आई!

1 कुरिन्थियों 6:7

पण हाँची में थाँ आपस में एक-दूँजा पे मुकदमो करो हो ज्यो थाँकी हार ने बतावे हे। अणीऊँ बड़िया तो ओ हे के, थाँ अन्याव ने सेण करलो अन थाँको घाटो वे जावे।

1 कुरिन्थियों 8:13

ईं वाते यद्याँ वो खाणो मारा विस्वासी भई के ठोकर को मस बणे, तो मूँ कदी भी माँस ने खाऊँ अन नेई आपणाँ विस्वासी भई के पाप को मस बणूँ।

1 कुरिन्थियों 9:25

अन हरेक खेल में हरेक खिलाड़ी हरेक तरियाऊँ खुद ने काबू में राकणो पड़े हे, वीं तो ओ हारोई एक नास वेबावाला मुकट पाबा का वाते करे हे पण आपाँ तो वणी मुकट का वाते करा हा ज्यो कदी कमलाई कोयने।

2 कुरिन्थियों 10:1

मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 थिस्सुलुनिक्यों 2:2

आत्मा का आड़ीऊँ अई तकी बात, क्या तका बचन अन लिक्या तका कागद ने देकन पलई वो केवे के, मारा आड़ीऊँ लिक्यो तको हे, वींमें ओ लिक्यो वे के, परबू के पाच्छा आबा को दन आग्यो हे, थाँ भटक मती जाज्यो अन घबरा मती जाज्यो।

तीतूस 3:2

वाँने केज्ये के, वीं किंकई का बारा में बुरो ने बोले, पण हाराई का हाते हव वेवार राकन हली-मलीन सान्तीऊँ रेवे।

इब्रानियों 10:25

अन थाँ भेळा वेणो मती छोड़ज्यो। जस्यान के नरई मनकाँने तो भेळो ने वेबा की आदत पड़गी हे। पण आपाँने तो एक दूजाँ ने हमजाणा हे। जस्यान के, थाँ जाणो हो अन देको भी हो के, वो परबू को दन नके आरियो, जणीऊँ थाँने तो ओरुँ भी ईंने करणो छावे।

इब्रानियों 10:37

काँके पुवितर सास्तर में लिक्यो तको हे के, “अबे घणो कम टेम रेग्यो हे, जद्याँ वो आबावाळो परमेसर आई अन वो मोड़ो ने करे।

1 पतरस 1:11

अन वीं परमेसर का आड़ीऊँ बोलबावाळा मसी की आत्माऊँ यो भी जाणे हे के, मसी पे दुक आबावाळो हे अन वणी दुक का केड़े वींकी मेमा भी वेई। वाँ आत्मा वाँने बतावे हे के, ईं बाताँ कदी वेई अन तद्याँ ईं दनियाँ को कई वेई।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

परकासितवाक्य 22:20

ईसू जी अणा बाताँ का गवा हे, वीं केवे हे, “हाँ! मूँ पगई आबावाळो हूँ।” आमीन। हे परबू ईसू आ।

परकासितवाक्य 22:7

ईसू क्यो, “हुणो, मूँ पगई आरियो हूँ। धन्न हे वाँने जो ईं किताब में दिदा ग्या वसना को पालण करे हे। जीं परमेसर का आड़ीऊँ किदी तकी बाताँ हे।”