फिलिपियों 4:19 - नुवो नेम (मेवड़ी नया नियम)

¹⁹ मारा परमेसर आपणाँ मेमा भरिया धनऊँ ईसू मसीऊँ थाँकी हारी कमी ने पुरी करी।

फिलिपियों 4:19 Cross References

मत्ती 6:32

काँके बना विस्वासवाळा मनक ईं हारी चिजाँ का पाच्छे दोड़ता रेवे हे, अन थाँके हरग को बाप जाणे हे के, थाँके ईं हारी चिजाँ छावे हे।

यहुन्ना 20:17

ईसू वींने क्यो, “मारे हात मती लगा, काँके मूँ अबाणू बाप का नके ने ग्यो हूँ। पण, मारा भायाँ का नके जान वाँने के दे के, ‘मूँ मारा बाप अन थाँका बाप अन मारा परमेसर अन थाँका परमेसर का नके ऊपरे जारियो हूँ।’ ”

यहुन्ना 20:27

तद्याँ ईसू ने थोमाऊँ क्यो, “आपणी आँगळी लगान मारा हाताँ ने देक अन आपणो हात पाळा में गाल। विस्वास मती छोड़, पण विस्वासवाळो बण।”

रोमियों 1:8

हाराऊँ पेली मूँ थाँका हाराई वाते ईसू मसी में परमेसर को धन्नेवाद दूँ हूँ, काँके हारी दनियाँ थाँका विस्वास का बारा में हुणरी हे।

रोमियों 11:33

परमेसर की भरपुरी, अकल अन ग्यान को कई पार ने हे। वींको न्याव कतरो गेरो अन वींका गेला कतरा भेदऊँ भरिया हे।

रोमियों 2:4

कई थूँ वींकी दया अन वींकी सेण समता अन धिरजपणा ने बेकार हमजे हे? अन कई थूँ ओ ने जाणे हे के, परमेसर की दया थने पापऊँ मन फेरवा का आड़ी ले जावे हे।

रोमियों 8:18

मूँ होचूँ हूँ के, ईं टेम ज्यो दुक आपाँ भोगरिया हा, वो वीं मेमा का आगे कईस ने हे, ज्याँ आगे आपणाँ पे आबावाळी हे।

रोमियों 9:23

जणीऊँ ज्याँने वणी आपणी मेमा देबा वाते त्यार कर मेल्या हा अन वींकी दया का जोगा हा, वाँपे वो आपणी मेमा को धन परगट कर सके।

2 कुरिन्थियों 12:21

मने आ भी दरपणी लागे हे के, जद्याँ मूँ थाँकाऊँ मलबा आऊँ तो थाँका हामे मारो परमेसर मने हरमा ने मारे। मने वाँका वाते ज्यो पेल्याँ पाप किदो हो जस्यान कुकरम, हूगळोपणो अन भोग-विलास में जीव जियो हो अन आ बाताँ ने करबा का केड़े भी वीं आपणाँ मन ने ने फेरिया, वाँ वाते रोणो ने पड़े।

2 कुरिन्थियों 4:17

काँके ओ थोड़ाक दनाँ को दुक आपणाँ वाते जुग-जुग का वाते मेमा लेन आई, ज्या ईं दकऊँ घणी मोटी हे।

इपिसियों 1:18

अन थाँका मन की आक्याँ खुल जावे ताँके थाँने पतो चाल जावे के वा आस कई हे, जिंका वाते थाँने वणा बलाया हे। अन जणी हक ने वो आपणाँ हारई पुवितर लोगाँ ने देई, वो कतरो मोटो अन अनमोल हे।

इपिसियों 1:7

मसीऊँ गट-जोड़ वेबाऊँ वणा आपाँने आपणाँ लुईऊँ छुड़ाया, ईंको मतलब गुनाऊँ मापी देवाड़े हे। ओ परमेसर की मोटी करपा का मस व्यो।

इपिसियों 2:7

अणा अस्यान किदो ताँके वो आबावाळा जुग में दया का हाते ईसू मसीऊँ ओ दिकाई के खुद की करपा ज्यो आपाँने दिकई ही वा कतरीक हेली हे।

इपिसियों 3:16

परमेसर आपणी आत्माऊँ आपणाँ मेमा भरिया धनऊँ थाँकी अंतर-आत्मा जोरावर वेबा का वाते थाँने तागत देवे।

इपिसियों 3:8

मूँ हाराई पुवितर मनकाँऊँ फोरो हूँ, पण मारा पे आ करपा वीं के, मूँ मसी का अनमोल धन ने ज्यो हमजऊँ बारणे हे वींका हव हमच्यार ने ज्यो यहूदी ने हे वाँ लोगाँ ने हूणाऊँ

फिलिपियों 4:7

तद्याँ परमेसर की सान्ती, ज्यो हारी हमजऊँ बारणे हे, थाँका हरदा अन थाँका बच्याराँ ने ईसू मसी का गट-जोड़ में हमाळ राकी।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

कुलुसियों 3:16

मसी का बचना ने आपणाँ हरदा में नराऊँ-नरा वसबा दो अन हाराई ग्यानऊँ एक दूजाँ ने हिकावो अन हेंचेत करता रेवो। थाँका हरदाऊँ परमेसर को धन्नेवाद करता तका भजन, बड़ई का गीत अन आत्मिक गीत गाता रेवो।

1 थिस्सुलुनिक्यों 2:12

जणीऊँ थाँको चालचलन परमेसर जोगो वेवे, जीं थाँने आपणाँ राज अन मेमा में बलावे हे।

1 तिमुतियूस 6:17

जतरा मनक ईं धरती पे रिप्यावाळा हे वाँने आग्या दे के, वीं ईंपे मेपणो ने करे, पण वाँकी आस ईं नास वेबावाळा चिजाँ की बजाय परमेसर पे वेवे, ज्यो आपाँने आपणाँ आणन्द का वाते हारी चिजाँ देवे हे।

फिलेमोन 1:4

हाराई परमेसर का पुवितर मनकाँ का हाते थाँका परेम अन परबू ईसू पे थाँका विस्वास का बारा में हुणन, मूँ हरदाण परमेसर को धन्नेवाद करूँ हूँ अन परातना में थाँने आद करूँ हूँ।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

1 पतरस 5:10

अबे परमेसर, जीं दया करबावाळा अन दया का दाता हे, वींइस थाँने मसी में जुग-जुग का वाते खुद की मेमा करबा वाते बलाया हे। थाँने थोड़ोक दुक जेलबा केड़े, वो खुदई थाँने गाटा, जोरावर अन पाका बणाई।