फिलिपियों 4:12 - नुवो नेम (मेवड़ी नया नियम)

¹² कमी-पेसी में अन भरपुरी में रेणो मूँ जाणूँ हूँ। यद्याँ मूँ भुको कन धाप्यो तको हूँ अन मारा नके हेलो कन कम हे, कस्यी भी जगाँ में अन कणी भी टेम में सबर राकबा को ओ भेद में हिक लिदो हे।

फिलिपियों 4:12 Cross References

मत्ती 11:29

मारो जूँड़ो आपणाँ खादा पे जोत लो अन माराऊँ हिको, काँके मूँ हुदो हूँ अन मारो मन दयाऊँ भरियो तको हे अन थाँने भी आपणाँ मन में आराम मली,

मत्ती 13:52

वाँकाणी वाँने क्यो, “ईं वाते नेमा ने हिकाबावाळा ज्यो परमेसर का राज का चेला बण्या हे, वीं वणी घरवाळा का जस्यान हे ज्यो भण्डारऊँ नई अन जूनी चिजाँ बारणे काड़े हे।”

2 कुरिन्थियों 10:1

मूँ पोलुस, थाँका हामे मसी की नरमाई अन वींकी करपा की गवई देन थाँकाऊँ अरज करूँ हूँ। लोगाँ को केणो हे के, जद्याँ मूँ थाँका हामे रेऊँ हूँतो मूँ थाँका लारे नरमाईऊँ वेवार राकूँ हूँ, पण जद्याँ मूँ थाँका हामे ने रूँ तो मूँ नरमाई ने राकूँ हूँ।

2 कुरिन्थियों 10:10

ज्यो मनक मारो विरोद करे हे वीं केवे हे के, “वींका कागद तो जोरदार अन नरोगा रूपऊँ लिक्या तका वेवे हे पण जद्याँ वो हामे आवे हे तो वो देह में कमजोर अन बोलबा में भी अतरो खास ने दिके हे।”

2 कुरिन्थियों 11:27

में घणी मेनत किदी हे अन दुक का हाते जीवन जिदो हे। नरी दाण तो मूँ हूँ भी ने सक्यो। अन नरी दाण तो भुको-तरियो भी रियो हूँ, नरी दाण तो ठन्ड में बना गाबा के धूजतो रियो हूँ।

2 कुरिन्थियों 11:7

में खुद ने फोरो करन थाँने ऊपरे उटाबा का वाते फोगट में परमेसर को हव हमच्यार हुणान कई पाप कर दिदो हे?

2 कुरिन्थियों 11:9

जद्याँ मूँ थाँका नके हो तो मने कमी वीं हे तद्याँ भी में थाँका पे कई बोज ने नाक्यो, काँके मारा भायाँ मकिदुनियाऊँ आन मारी वणी कमी ने पुरी किदी हे। में हरेक दाण खुद ने थाँका पे बोज बणाबाऊँ रोक्यो, अन आगे भी रोक्यो रेऊँ।