फिलिपियों 3:8 - नुवो नेम (मेवड़ी नया नियम)

⁸ बेस अणा बाताँइस ने पण हारी बाताँ ने मारा परबू ईसू मसी ने जाणणो, ज्यो घणो मोटो हे, वींका हामे वल हमजूँ हूँ। वीं मसी का वाते में हारी चिजाँ ने छोड़ दिदी अन वाँने कचरो हमजूँ हूँ, ताँके मूँ मसी ने पाबा को नफो पा सकूँ

फिलिपियों 3:8 Cross References

लूका 1:43

अन आ दया मारा ऊपरे कटू वीं काँके मारा परबू की बई मारा नके अई।

लूका 11:20

पण यद्याँ मूँ परमेसर की ताकतऊँ हुगली आत्माने काड़ू हूँ। तो हमजी लो परमेसर को राज थाँका बचमें आ पूग्यो हे।

यहुन्ना 14:20

वीं दन थाँ जाणो के, मूँ आपणाँ बाप में हूँ अन थाँ मारा में अन मूँ थाँकामें हूँ।

यहुन्ना 14:7

जद्याँ थाँ मने ओळक लेता, तो मारा बाप ने भी जाणा जाता। पण अबे थाँ परमेसर ने जाणो हो अन देक्यो हे।”

यहुन्ना 16:3

वीं यो ईं वाते करी काँके, वीं बापू परमेसर ने ने जाणे अन ने मने जाणे हे।

यहुन्ना 17:3

अन अनंत जीवन यो हे के, वीं एकाएक हाँचा परमेसर ने अन ईसू मसी ने, जिंने थाँ खन्दायो हे, ओळके।

यहुन्ना 17:8

काँके ज्यो बचन थाँ मने दिदो, में वाँने वोईस बचन दिदो। अन वणा वींको विस्वास किदो। अन वीं ईं हाँच ने जाण लिदो हे के, मूँ थाकी आड़ीऊँ आयो हूँ, अन विस्वास कर लिदो हे के, थाँईस मने खन्दायो हे।

यहुन्ना 20:13

वाँकाणी वींने क्यो, “ए लुगई, थूँ काँ रोवे हे?” वणी क्यो, “वीं मारा परबू ने ले पराग्या हे अन मूँ ने जाणूँ हूँ के, वींने कटे मेल्यो हे?”

यहुन्ना 20:28

ओ हुणन थोमा जबाव दिदो, “ओ मारा परबू, ओ मारा परमेसर।”

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

रोमियों 8:18

मूँ होचूँ हूँ के, ईं टेम ज्यो दुक आपाँ भोगरिया हा, वो वीं मेमा का आगे कईस ने हे, ज्याँ आगे आपणाँ पे आबावाळी हे।

रोमियों 8:39

अन ने उचाई, ने गेराई अन ने जग की कुई चीज आपाँने परमेसर का वीं परेमऊँ अलग कर सकी, ज्यो आपणाँ परबू ईसू मसी में हे।

1 कुरिन्थियों 2:2

काँके में ओ ते कर मेल्यो हो के, थाँका बचमें रेन मूँ ईसू मसी अन हूळी पे वीं वाँकी मोत की बात ने छोड़न ओरी कस्यी बात ने ने जाणूँ।

1 कुरिन्थियों 9:10

ने, खासतोरऊँ आपणाँ वाते केवे हे। हाँ आपणाँ वातेईस लिक्यो ग्यो हे, काँके हव हे के, हाकबावाळा आसऊँ हाके, अन काटबावाळा पावा की आस राके।

2 कुरिन्थियों 4:4

ईं दनियाँ को सेनापती ज्यो सेतान हे, वो वणा मनकाँ की अकल ने बन्द कर मेली हे जीं विस्वास ने करे हे। जणीऊँ वीं परमेसर का रूप में मसी ने अन वाँकी मेमावान उजिता का हव हमच्यार ने ने देक सके।

2 कुरिन्थियों 4:6

काँके परमेसर क्यो हो के, “अन्दारा में उजितो चमकी” अन वोईस आपणाँ हरदा में चमक्यो हे, जणीऊँ आपाँने ईसू मसीऊँ परमेसर की मेमा का वाते ग्यान को उजितो मल सके।

गलातियों 1:16

जद्याँ परमेसर की मरजी वीं के, मारा में वींका पूत ने परगट करे अन मूँ ज्यो यहूदी ने हे वणामें वींको हव हमच्यार हूँणऊँ तो वणी दाण में ईं बात पे कणी मनकऊँ सला ने लिदी।

इपिसियों 4:13

ओ तद्याँ तईं वेई जद्याँ तईं आपाँ हाराई विस्वास में अन परमेसर का बेटा का ग्यान में एक कोयने वे जावाँ अन मसी का हारई गुण में पाका कोयने वे जावाँ।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

फिलिपियों 3:10

मूँ मसी ने जाणणो अन वाँकी मरन जी उठबा की सगती ने मेसूस करणो छारियो हूँ अन वाँका दुक में भागी वेन वाँकी मोत में वाँके जस्यान वेणो छारियो हूँ।

फिलिपियों 3:12

ओ ने के, मूँ ईंने पा चुक्यो हूँ कन पाको वे चुक्यो हूँ, पण मूँ वीं ईनाम ने जीतबा का वाते कल्ड़ी मेनत कररियो हूँ, जीं मस ईसू मसी मने खुद का वाते जीत ग्या हा।

फिलिपियों 3:7

पण मूँ हमजूँ हूँ के, ज्यो ज्यो बाताँ मारा नफा की ही, वाँने अबे मूँ मसी का मस मारा वाते कई काम की ने हे।

2 तिमुतियूस 4:6

मूँ मारो यो जीवन परमेसर की सेवा करबा का वाते दे चुक्यो हूँ। ओ वो टेम हे जद्याँ मने यो सरीर छोड़णो पड़ी।

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

1 पतरस 2:7

थाँ जो वींपे विस्वास करो हो वो थाँका वाते तो बनामोल को हे, पण जो वींपे विस्वास ने करे वाँके वाते, “वोईस भाटो, जिंने राज कारीगर बेकार मान्यो हे वोईस खुणा को खास भाटो बणग्यो।”

2 पतरस 1:2

थाँ तो परमेसर अन परबू ईसू ने जाण लिदा हे, ईं वाते थाँका पे परमेसर की दया अन अनुगरे वेतो रेवे।

2 पतरस 1:3

जीवन जीवबा का वाते अन परमेसर की सेवा करबा का वाते जो कई भी आपणे छावे हे, वो हारोई परमेसर आपणी तागतऊँ आपाँने दिदो हे। काँके आपाँ वींने जाणा हाँ, जणी आपणी धारमिकता अन मेमा की वजेऊँ आपाँने बलाया हे।

2 पतरस 1:8

काँके यद्याँ थाँकामें ईं हारी बाताँ रेई अन थाँ अणा बाताँ में बड़ता रेवो, तो परबू ईसू मसी के ओळकाण में ईं थाँने बेकार ने वेबा देई।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।

1 यहुन्ना 1:3

माँ वींने देक्यो अन हुण्यो हे। अन अबे थाँकामें भी वींके बारा में परच्यार करा हाँ, जणीऊँ थाँ भी मारा हाते भेळा वे जावो। काँके आपाँ परम बापू अन वींकी बेटा ईसू मसी का हाते भेळा हा।

1 यहुन्ना 2:19

मसी का दसमण आपणाँ मेंऊँस बण्या हा, पण हाँची में वीं आपणाँ हाते कोयने हे, काँके यद्याँ वीं आपणाँ हाते वेता, तो आपाँने छोड़ता कोयने। पण वणा आपाँने छोड़ दिदा जणीऊँ वीं आपाँने ओ बता सके के, वीं हाँची में आपणाँ मेंऊँ कोयने।

1 यहुन्ना 5:20

अणी बात ने भी आपाँ जाणा हाँ के, परमेसर का बेटा ईसू मसी आया अन आपाँने हमज दिदी, जणीऊँ हाँचा परमेसर ने जाण सका अन आपाँ वींके हाते रेवा ज्यो हाँचो हे मतलब वींका बेटा ईसू मसी का हाते। योईस हाँचो परमेसर अन अनंत जीवन देबावाळो हे।