फिलिपियों 3:3 - नुवो नेम (मेवड़ी नया नियम)

³ हाँचा खतनावाळा तो आपींइस हा काँके परमेसर की आत्माऊँ वींकी भगती आपींइस करा हाँ अन आपीं आपणो भरोसो दिकबावाळा रिति-रिवाज पे ने पण ईसू मसी पे मेपणो राका हाँ।

फिलिपियों 3:3 Cross References

रोमियों 1:9

परमेसर जिंकी सेवा मूँ मारा हरदाऊँ वाँका बेटा का हव हमच्यार को परच्यार करन करूँ हूँ, वो मारो गवा हे के, मूँ थाँने हमेस्यान आद करूँ हूँ।

रोमियों 15:17

ईं वाते ईसू मसी की वजेऊँ परमेसर की सेवा ज्या मूँ करूँ हूँ वींमें मूँ मेपणो करूँ हूँ।

रोमियों 7:6

पण अबे आपाँने नेमाऊँ छुटकारो मलग्यो हे। काँके जणा नेमा को आपणाँ पे हक हो, वींका वाते आपाँ मरग्या हा। ताँके पुराणा लिक्या तका नेमाऊँ ने, पण आत्मा की नुवी रितऊँ परमेसर की सेवा करा।

रोमियों 8:15

काँके ज्या आत्मा थाँने दिदी हे, वाँ थाँने पाच्छा दास बणाबा का वाते ने अन नेई दरपवा का वाते हे, पण वाँ आपाँने वींकी ओलाद बणाबा का वाते हे, जणीऊँ आपाँ “ओ बापू, ओ पापाँ” केन बलावा हा।

रोमियों 8:39

अन ने उचाई, ने गेराई अन ने जग की कुई चीज आपाँने परमेसर का वीं परेमऊँ अलग कर सकी, ज्यो आपणाँ परबू ईसू मसी में हे।

रोमियों 9:6

अस्यान ने के, परमेसर आपणाँ वादा ने पूरो ने किदा वे, काँके ज्यो इजराएल का बंस का हे, वीं हाराई परमेसर का मनक ने हे।

2 कुरिन्थियों 11:18

काँके नरई मनक तो आपणी देह जस्यानीस मेपणो करे हे, तो पछे मूँ भी मेपणो करूँ।

गलातियों 5:25

यद्याँ आपीं पुवितर आत्माऊँ जीवता हा, तो आपाँने पुवितर आत्मा का जस्यानीस चालणो हे।

गलातियों 6:16

ईं वाते जतरा भी अणी रिती पे चाली वणा हाराई परमेसर का मनकाँ पे दया अन सान्ती वेती रेई।

इपिसियों 6:18

हरेक तरियाँ की अरज अन विनती का हाते आत्माऊँ हर टेम परातना करिया करो। ईं मस जागता रेवो अन हारई पुवितर लोगाँ का वाते हरदाण अरज करता रेवो।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

फिलिपियों 3:12

ओ ने के, मूँ ईंने पा चुक्यो हूँ कन पाको वे चुक्यो हूँ, पण मूँ वीं ईनाम ने जीतबा का वाते कल्ड़ी मेनत कररियो हूँ, जीं मस ईसू मसी मने खुद का वाते जीत ग्या हा।

फिलिपियों 3:14

मूँ मकसद का आड़ी दोड़्यो जाऊँ हूँ, ताँके वो ईनाम पाऊँ ज्याँका वाते परमेसर मने ईसू मसी का गट-जोड़ में ऊपरे जीवन का वाते बलायो हे।

कुलुसियों 2:11

वींका मेंईस थाँको अस्यो हाँचो खतनो व्यो, ज्यो हातऊँ ने वेवे हे पण मसी को खतनो, जिंका में सारिरिक देह की हारी बुरी मरजी उतार दिदी जावे हे।

यहूदा 1:20

पण हो भायाँ, थाँ एक-दूँजा ने आत्मिक रूपऊँ पुवितर विस्वास का हाते आगे बड़ता रेज्यो अन पुवितर आत्मा का हाते परातना करतो रेज्यो।