फिलिपियों 3:12 - नुवो नेम (मेवड़ी नया नियम)

¹² ओ ने के, मूँ ईंने पा चुक्यो हूँ कन पाको वे चुक्यो हूँ, पण मूँ वीं ईनाम ने जीतबा का वाते कल्ड़ी मेनत कररियो हूँ, जीं मस ईसू मसी मने खुद का वाते जीत ग्या हा।

फिलिपियों 3:12 Cross References

मत्ती 5:48

ईं वाते थाँ पाका बणो, जस्यान थाँका हरग का परम बापू हे।”

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

रोमियों 8:39

अन ने उचाई, ने गेराई अन ने जग की कुई चीज आपाँने परमेसर का वीं परेमऊँ अलग कर सकी, ज्यो आपणाँ परबू ईसू मसी में हे।

1 कुरिन्थियों 13:10

पण जद्याँ वो पूरो करबावाळो आई तो या कमी ने रेई।

1 कुरिन्थियों 13:12

अबे तो आपाँने धूँदळा काँस में धूँदळो-धूँदळो दिके हे, पण वीं टेम आपाँ आमे-हामे देकाँ। ईं टेम मारो ग्यान पूरो ने हे पण वीं टेम पूरो वे जाई, जस्यान मूँ परमेसरऊँ ओळक्यो जाऊँ।

1 कुरिन्थियों 9:24

कई थाँ ने जाणो हो के, दोड़ में तो हाराई दोड़बावाळा दोड़े हे, पण ईनाम तो वींनेईस मले ज्यो जीते हे, ईं वाते थाँ अस्यान दोड़ो के जीत थाँकी वे।

2 कुरिन्थियों 13:9

जद्याँ माँ कमजोर वेवा हाँ अन थाँ जोरावर वेवो हो तो माँ राजी वेवा हा, अन आ परातना भी करा हाँ के, थाँ पाकाऊँ पाका बणो।

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

गलातियों 5:17

काँके देह का मरजी अन पुवितर आत्मा एक-दूँजा के खिलाप हे अन आपस में बेरी हे। ईं वाते ज्यो थाँ करणा छावो हो, वो ने कर सको हो।

इपिसियों 1:4

जस्यान के, वाँकाणी अणी दनियाँ ने बणाबाऊँ पेल्याऊँ मसीऊँ गट-जोड़ करन आपाँने चुण लिदा, ताँके आपीं वणा की नजरा में पुवितर अन बना दोस का बण्या तका रेवा।

इपिसियों 4:12

वणा ओ ईं वाते किदो के, वी हाराई पुवितर मनकाँ ने सेवा करबा का वाते त्यार करे ताँके मसी को डील तकड़ो वेतो जावे।

फिलिपियों 1:1

ईसू मसी का दास पोलुस अन तिमुतियुस, फिलिपी नगर का हाराई मसी का गट-जोड़ में रेबावाळा परमेसर का पुवितर मनकाँ, मण्डली की देकरेक कराबावाळा अन काम में मदत करबावाळा ने ओ कागद लिकरिया हा।

फिलिपियों 3:16

पण परमेसर आपाँने ज्यो भी बतायो हे, वींके जस्यानीस आपाँ हाराई ने जीवणो छावे।

फिलिपियों 3:3

हाँचा खतनावाळा तो आपींइस हा काँके परमेसर की आत्माऊँ वींकी भगती आपींइस करा हाँ अन आपीं आपणो भरोसो दिकबावाळा रिति-रिवाज पे ने पण ईसू मसी पे मेपणो राका हाँ।

फिलिपियों 3:8

बेस अणा बाताँइस ने पण हारी बाताँ ने मारा परबू ईसू मसी ने जाणणो, ज्यो घणो मोटो हे, वींका हामे वल हमजूँ हूँ। वीं मसी का वाते में हारी चिजाँ ने छोड़ दिदी अन वाँने कचरो हमजूँ हूँ, ताँके मूँ मसी ने पाबा को नफो पा सकूँ

1 थिस्सुलुनिक्यों 5:15

कुई भी बुरई का बदले बुरई ने करे, पण एक दूजाँ को अन हाराई मनकाँ को भलो करबा का वाते आगता रेवो।

2 थिस्सुलुनिक्यों 2:13

परबू का लाड़ला भायाँ-बेना, थाँका वाते माँने हमेस्यान परमेसर को धन्नेवाद करतो रेणो छावे, काँके परमेसर आपणी पुवितर आत्मा की सगतिऊँ थाँने बंचान वाँका पुवितर मनक बणाबा का वाते अन हाँच पे थाँका विस्वास की वजेऊँ बंचाबा का वाते पेल्याइस थाँने चुण्या हा।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

1 तिमुतियूस 6:19

अस्यान करन वीं खुद का वाते अस्यान को धन को भण्डार भेळा करे, ज्यो आबावाळा टेम तईं एक पाकी नीम बण जाई, तद्याँ वी हाँचा जीवन ने जीतबा का जोगा वेई।

इब्रानियों 12:14

हाराई का हाते सान्ती का हाते रेवा वाते अन पुवितर वेबा का वाते हरेक तरियाऊँ कोसीस करता रेवो। काँके बना धारमिकता के कुई भी परबू का दरसण ने कर सकी।

इब्रानियों 12:23

अन पाठव्या की आणन्द की सबा में मतलब जणा विस्वास्याँ का नाम हरग में लिक मेल्या हे अन हाराई को न्याव करबावाळा परमेसर का नके अन सिद बण्या तका धरमिया की आत्मा का नके,

याकूब 3:2

काँके आपणाँऊँ नरी दाण चूक वेजावे हे, पण जो बोलवा में चूक ने करे, वोईस पाको मनक हे अन वो आपणी हारी देह पे लगाम लगा सके हे।

1 पतरस 5:10

अबे परमेसर, जीं दया करबावाळा अन दया का दाता हे, वींइस थाँने मसी में जुग-जुग का वाते खुद की मेमा करबा वाते बलाया हे। थाँने थोड़ोक दुक जेलबा केड़े, वो खुदई थाँने गाटा, जोरावर अन पाका बणाई।

2 पतरस 3:18

पण थाँ आपणाँ परमेसर अन छुटकारो देबावाळा ईसू मसी की दया अन ग्यान में आगे बड़ता जावो। वींकी मेमा अबेऊँ लेन जुग-जुग तईं वेती रेवे। आमीन।