फिलिपियों 3:1 - नुवो नेम (मेवड़ी नया नियम)

¹ अबे मारा भायाँ, परबू में गट-जोड़ऊँ थाँ खुस रेवो। वणाईस बाताँ ने आकोदाण लिकबा में मने तो कई परेसानी ने हे, काँके ईं थाँकी रुकाळी करी।

फिलिपियों 3:1 Cross References

मत्ती 5:12

तद्याँ थाँ राजी वेज्यो अन आणन्द मनाज्यो, काँके हरग में थाँने ईंको फळ मली। यो वस्यानीस हे जस्यान थाँकाऊँ पेल्याँ परमेसर का आड़ीऊँ बोलबावाळा लोगाँ ने हताया हा।

लूका 1:47

अन मारी आत्मा मने बंचाबावाळा परमेसरऊँ राजी हे।

रोमियों 5:11

अतरोकीस ने पण अबे आपणो परबू ईसू मसी का मस परमेसरऊँ मेल-मिलाप व्यो हे अन भगती करन गुमान करा हा।

2 कुरिन्थियों 13:11

हो विस्वासी भायाँ, मूँ अणा आकरी सबदा का हाते अणी कागद ने बन्द कररियो हूँ, राजी रिया करो, थाँका वेवार ने बदलो, एक-दूँजा ने हिम्मत बंदावो, सान्ती अन मेल-मिलापऊँ रो, तद्याँ परमेसर ज्यो परेम अन सान्ती का दाता हे थाँका हाते रेई।

इपिसियों 6:10

आकरी बात, परबू का गट-जोड़ अन वाँकी मोटी तागतऊँ ज्योरावर वेता रेवो।

फिलिपियों 3:3

हाँचा खतनावाळा तो आपींइस हा काँके परमेसर की आत्माऊँ वींकी भगती आपींइस करा हाँ अन आपीं आपणो भरोसो दिकबावाळा रिति-रिवाज पे ने पण ईसू मसी पे मेपणो राका हाँ।

फिलिपियों 4:4

परबू का गट-जोड़ में हरदाण राजी रेवो, मूँ पाछो कूँ हूँ, राजी रेवो।

फिलिपियों 4:8

आकरी में हो भायाँ, ज्यो ज्यो बाताँ हाँची हे अन ज्यो ज्यो बाताँ आदर करबा जस्यी हे अन ज्यो ज्यो बाताँ सई हे अन ज्यो ज्यो बाताँ ऊजळी हे अन ज्यो ज्यो बाताँ हुवावणी हे अन ज्यो ज्यो बाताँ हव गुण, बड़ई अन बड़िया हे वाँपे ध्यान लगाया करो।

1 थिस्सुलुनिक्यों 4:1

हो भायाँ-बेना, माँ थाँकाऊँ परबू ईसू का नाम में आ अरज करा अन थाँने हमजावा हाँ के, जस्यान थाँ माँकाऊँ परमेसर ने राजी करबावाळो जीवन जीणो हिक्यो अन वस्यानीस जीवो भी हो, वींमें ओरी बड़ता जावो।

1 थिस्सुलुनिक्यों 5:16

हमेस्यान राजी-खुसी रेवो।

याकूब 1:2

हो मारा भायाँ-बेना, जद्याँ थाँ तरे-तरे की बाताँऊँ परक्या जावो, तो राजी रेज्यो,

1 पतरस 3:8

मारी आकरी मरजी हे के, थाँ हाराई मनक एक मन रेवो अन थाँ हाराई ने मनकाँ का हाते मेल-मिलाप, भईचारा, दया करबावाळा अन भायाँ का हाते परेम-भावऊँ रेबावाळा बणणो छावे।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

2 पतरस 3:1

हो प्यारा भायाँ, अबे मूँ दूज्यो कागद थाँने लिकरियो हूँ। अन अणा दुई कागदऊँ मूँ थाँका पुवितर हरदा ने जगाबा की कोसीस कररियो हूँ।