फिलिपियों 2:29 - नुवो नेम (मेवड़ी नया नियम)

²⁹ ईं वाते थाँ परबू पे विस्वास राकबावाळा भई के जस्यान वींकी आवभगत घणा आणन्दऊँ करज्यो अन अस्या मनकाँ को मान करिया करो।

फिलिपियों 2:29 Cross References

लूका 9:5

जणी नगर में थाँकी आवभगत ने वेवे, वटूँ निकळता तका आपणाँ पगाँ को धूळो वटेईस जाटक दिज्यो, ताँके ईं बात को वाँने पतो पड़ जावे के, वाँका नास को कारण वे खुदईस हे।”

यहुन्ना 13:20

मूँ थाँने सई-सई केवूँ हूँ के, ज्यो मने खन्दाबावाळा ने माने हे, वो मने माने हे। अन ज्यो मने गरेण करे हे, वो मने खन्दाबावाळा ने भी गरेण करे हे।”

थरप्या तका का काम 2:46

वीं हरेक दन एक मन वेन मन्दर में मलता रेता हा। वीं आपणाँ घराँ में राजी वेता तका हुदा मनऊँ मल-जुलन रोटी तोड़ता अन खाता हा

थरप्या तका का काम 28:10

वाँकाणी माने घणो दान देन माँको मान किदो, जद्याँ माँ जाबा में हा तो वणा माँके जरुरत की चिजाँ ने लान जाँज में मेली।

थरप्या तका का काम 8:8

ईं वाते वीं नगर में घणो आणन्द हो।

रोमियों 10:15

अन हुणाबावाळा ने खन्दावाँ, तो वीं कस्यान हुणा सकी? जस्यान के सास्तर में लिक्यो हे, “हव हमच्यार हुणाबावाळा का पग करता हुवावणा हे।”

रोमियों 16:2

के, थाँ वींकी ईं तरियाऊँ आवभगत करज्यो, जणी तरियाऊँ परमेसर का मनकाँ की किदी जावे हे। वींने थाँकाऊँ ज्या भी मदत छावे, वाँ मदत वींने दिज्यो, काँके वणी घणा मनकाँ की मदत किदी अन मारी भी मदत किदी।

1 कुरिन्थियों 16:10

जद्याँ थाँका नके तिमुतियुस आवे तो थाँ वींको ध्यान राकज्यो, ताँके वींने फिकर ने वेवे। काँके वो भी मारा जस्यानीस परबू को काम करे हे।

1 कुरिन्थियों 16:18

वणा मारी अन थाँकी आत्माने राजी किदी हे, ईं वाते थाँ अस्या मनकाँ को मान करज्यो।

2 कुरिन्थियों 10:18

काँके ज्यो आपणी खुद की बड़ई करे हे, वो मान्यो ने जावे हे पण जिंकी बड़ई परबू करे हे, वोईस मान्यो जावे हे।

2 कुरिन्थियों 7:2

थाँ थाँका हरदा में माँने जगाँ दिज्यो। माँ किंको भी कई ने वगाड़्यो हे, ने माँ किंका हरदा ने दुक दिदो हे अन ने माँ किंकोई कई नफो उटायो हे।

फिलिपियों 2:28

ईं मस मूँ वींने खन्दाबा का वाते ओरू भी छावूँ हूँ के, थाँ वणीऊँ पाच्छी भेंट करन खुस वे जावो अन मारो भी दुक खतम वे जावे।

कुलुसियों 4:10

मारा हाते का केदी अरिस्तखुस भी थाँने आद कररियो हे वस्यानीस बरनबास को भई मरकुस भी थाँने आद करे हे। (जद्याँ मरकुस थाँका नके आई तो थाँ वींकी आवभगत करज्यो ईंका वाते में थाँने पेल्याँई आदेस दे दिदो हो।)

1 थिस्सुलुनिक्यों 5:12

हो भायाँ-बेना माँ थाँकाऊँ आ अरज करा हाँ के, जतरा भी मण्डली का अगुवाँ थाँका वाते मेनत करे, परबू में थाँने गेलो बतावे हे अन आदेस देवे हे, वाँको मान करिया करो।

1 तिमुतियूस 5:17

एक परदान का रूप में जतरा भी मोतबीर मनक हव काम करे हे, वीं दुणा आदर-मान के जस्यान हमज्या जावे, खास तरियाऊँ वीं ज्यो परच्यार अन हिकाबा में घणी मेनत करे हे।

इब्रानियों 13:17

आपणाँ आत्मिक मुक्या को भरोसो करो अन वाँके बंस में रो। वीं परमेसर का हामें थाँको लेको देबावाळा का जस्यान वीं जागता तका थाँके जीव की रुकाळी करे हे। अन यद्याँ वस्यानीस करो, तो वीं यो काम राजी वेन करी, पण थाँ वस्यान ने करो, तो वीं यो काम दकऊँ करी। अन अणीऊँ थाँको कई नफो ने वेई।

3 यहुन्ना 1:10

ईं वाते जद्याँ मूँ आऊँ तद्याँ बताऊँ के, वो कई-कई करे हे। वो जूट बोल बोलन आपणाँ पे जूटा दोस लगावे हे अन वो योईस ने करे, पण भायाँ की आवभगत भी ने करे अन ज्यो कुई वाँकी आवभगत करणो भी छावे हे, तो वाँने वो करबा भी ने देवे अन वो वाँने मण्डली का बारणे काड़ देवे हे।