फिलिपियों 2:26 - नुवो नेम (मेवड़ी नया नियम)

²⁶ वो थाँकाऊँ मलबा की वाट नाळरियो हे अन वो ओरी चन्ता में पड़ग्यो के, थाँ वींका बारा में हुण लिदो हे के, वो मांदो हे।

फिलिपियों 2:26 Cross References

मत्ती 11:28

“ओ थाँक्या, माँदा अन बोजऊँ दब्या तका मनकाँ, मारा नके आवो, मूँ थाँने आराम देवूँ।

मत्ती 26:37

वो पतरस अन जबदी का दुई छोरा ने हाते लेग्यो। ईसू दकी अन कायल वेबा लागो।

थरप्या तका का काम 21:13

पण पोलुस जवाब दिदो, “थाँ अस्यान रो-रोन मारी मन काँ तोड़ रिया हो। मूँ तो परबू ईसू का नाम वाते बेस बन्दवा वातेईस ने पण मरवा के वाते भी त्यार हूँ”।

रोमियों 1:11

मारी घणी मरजी हे के, मूँ थाँने देकूँ, काँके मूँ आत्मिक आसिरवाद थाँका हाते बाटणो छारियो हूँ, जणीऊँ थाँ विस्वास में गाटा बण सको।

रोमियों 12:15

ज्यो राजी हे वाँके हाते राजी रेवो अन ज्यो रोवे हे, वाँका हाते रोवो।

रोमियों 9:2

के, मने घणो दुक हे अन मारा मन में घणी पिड़ा हे।

1 कुरिन्थियों 12:26

ईं वाते यद्याँ देह में एक अंग दुक पावे हे तो वींके हाते हाराई अंग दुक पावे हे अन यद्याँ एक अंग की बड़ई वेवे हे तो हाराई अंग वींके हाते राजी वेवे हे।

2 कुरिन्थियों 9:14

वीं थाँका वाते परमेसरऊँ परातना करी, काँके वीं थाँकाऊँ गेरो परेम करे हे अन वीं जाणे हे परमेसर थाँ लोगाँ पे करती दया किदी हे।

गलातियों 6:2

थाँ एक-दूँजा का दुक में मदत करिया करो, अन यद्याँ अस्यान करो तो थाँ मसी का नेमा ने पूरा करो।

इपिसियों 3:13

ईं वाते मूँ हात-जोड़न केवूँ के, ज्यो कळेस थाँका वाते मने जेलणो पड़रिया हे, वीं मस हिम्मत ने छोड़ो, काँके ओ थाँकी भलई का वाते हे।

फिलिपियों 1:3

मूँ जद्याँ भी थाँने आद करूँ हूँ थाँका वाते आपणाँ परमेसर को धन्नेवाद करूँ हूँ

फिलिपियों 1:8

ईंमें परमेसर मारा गुवा हे के, मूँ ईसू मसी का लगावऊँ थाँ हाराई का वाते वाट नाळरियो हूँ।

फिलिपियों 2:25

मूँ ओ जरूरी हमजूँ हूँ के, आपणाँ भई इपापरदितुस, ज्यो मारे हाते काम करबा अन लड़ई करबा में मारो हण्डाळ्यो हे। अन जरूत में मारी सेवा-चाकरी करबावाळो थाँका आड़ीऊँ खन्दायो तको दूत हे, वींने थाँका नके खन्दाऊँ।

फिलिपियों 2:27

हाँची में वो मांदो वेग्यो हो अटा तईं के मरबा में हो, पण परमेसर वींपे दया किदी, अन बेस वींपेईस ने पण मारा पे भी किदी ताँके मूँ ओरी दकी ने वूँ।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

1 पतरस 1:6

ईं बात का वजेऊँ थाँ घणा राजी तो वेवो हो, पण थाँने थोड़ाक दनाँ का वाते तरे-तरे की परक में पड़न दुक जेलणो भी जरूरी हे।