फिलिपियों 2:25 - नुवो नेम (मेवड़ी नया नियम)

²⁵ मूँ ओ जरूरी हमजूँ हूँ के, आपणाँ भई इपापरदितुस, ज्यो मारे हाते काम करबा अन लड़ई करबा में मारो हण्डाळ्यो हे। अन जरूत में मारी सेवा-चाकरी करबावाळो थाँका आड़ीऊँ खन्दायो तको दूत हे, वींने थाँका नके खन्दाऊँ।

फिलिपियों 2:25 Cross References

यहुन्ना 13:16

मूँ थाँने सई-सई केवूँ हूँ, हाळी मालिकऊँ मोटो ने हे, अन नेई खन्दायो तको आपणाँ खन्दाबा वाळाऊँ।

यहुन्ना 17:18

जस्यान थाँ मने दनियाँ में खन्दायो, वस्यानीस में भी वाँने दनियाँ में अलग अलग जगाँ में खन्दाया हे।

रोमियों 16:3

ईसू मसी में मारा हाते काम करबावाळी प्रिस्किला अन अक्‍विला ने मारो नमस्कार केज्यो।

रोमियों 16:9

मसी में मारी हाते काम करबावाळा उरबानुस अन मारा लाड़ला भई इस्तुखुस ने मारो नमस्कार।

1 कुरिन्थियों 3:9

काँके माँ परमेसर का वाते काम करबावाळा हाँ। थाँ परमेसर का खेत हो अन परमेसर का मन्दर हो।

2 कुरिन्थियों 2:13

पण मारा विस्वासी भई तीतूस ने वटे ने देकन मारो मन घणो दकी व्यो, तो मूँ वटेऊँ हिक लेन मकिदुनिया आड़ी चाल पड़्यो।

फिलिपियों 2:26

वो थाँकाऊँ मलबा की वाट नाळरियो हे अन वो ओरी चन्ता में पड़ग्यो के, थाँ वींका बारा में हुण लिदो हे के, वो मांदो हे।

फिलिपियों 4:18

थाँ ज्यो खन्दायो हो वो मने मल्यो हे, वो मारा वाते नरोई हे। अबे ज्यो कई छारियो हे वो मारा नके हे। थाँ ज्यो खन्दायो हो इपापरदितुस मने दिदो हे। ईं चिजाँ परमेसर ने हव लागबा वाळी बली का जस्यान हे अन अणाने वीं माने हे अन अणीऊँ वीं राजी हे।

फिलिपियों 4:3

हे हाँचा हण्डाळ्याँ, मूँ थाँराऊँ भी अरज करूँ हूँ के, थूँ वीं लुगायाँ की मदत कर, काँके वणा मारा हाते हव हमच्यार हुणाबा का काम में, क्लेमेंस अन मारा दूजाँ काम करबावाळा का हाते मेनत किदी, ज्याँको नाम जीवन की पोती में लिक्यो तको हे।

कुलुसियों 1:7

माकाँ हाते काम करबावाळो लाड़लो इपफरासऊँ थाँ आ बात हिक्या हा। ज्यो आपणाँ वाते मसी का विस्वास जोगो सेवक हे।

कुलुसियों 4:11

अन यसू जिंने युसतुस भी बोले हे। वो थाँने आद कररियो हे। मारा नके बेस ईं तीन ईंस यहूदी विस्वासी मनक हे ज्यो परमेसर की राज की बढोतरी का वाते मारा हाते काम करे हे। अणा मारी घणी मदत किदी हे।

1 थिस्सुलुनिक्यों 3:2

अन तिमुती ने ज्यो मसी का हव हमच्यार में मारो विस्वासी भई अन परमेसर को दास हे वींने थाँका नके खन्दावाँ जणीऊँ वो थाँने पाका करे अन विस्वास का बारा में हमजावे अन थाँकी हिम्मत बड़ावे।

फिलेमोन 1:24

मारा हण्डाळ्याँ मरकुस, अरिस्तखुस, देमास अन लूका भी थाँने आद करे हे।

इब्रानियों 3:1

हो पुवितर भायाँ, थाँ ज्यो हरग का बलावा में भागीदार हो, वीं थरप्या तका अन मायाजक ईसू पे ध्यान लगावो, जिंने आपीं मानाँ हा।