फिलिपियों 2:22 - नुवो नेम (मेवड़ी नया नियम)

²² थाँ ईं बात ने जाणो हो के, वणी ओ साबत किदो के वो ईंका वाते जोगो हे। जस्यान एक बेटो आपणाँ बाप का हाते काम करे हे, वस्यानीस वणी हव हमच्यार ने फेलाबा में मारा हाते एक दास के जस्यान काम किदो।

फिलिपियों 2:22 Cross References

थरप्या तका का काम 16:2

वींकी लुस्त्रा अन इकुनियम का विस्वास्याँ में हव पेट ही।

रोमियों 5:4

अन ईं धीरजऊँ परक्यो तको मनक खरो निकळे हे अन खराऊँ आस आवे हे।

1 कुरिन्थियों 16:10

जद्याँ थाँका नके तिमुतियुस आवे तो थाँ वींको ध्यान राकज्यो, ताँके वींने फिकर ने वेवे। काँके वो भी मारा जस्यानीस परबू को काम करे हे।

1 कुरिन्थियों 4:17

ईं वाते मूँ तिमुतियुस ने ज्यो परबू का गट-जोड़ में लाड़लो अन मारा विस्वास जोगो बेटो हे, वींने थाँका नके खन्दायो हे, वो थाँने ईसू मसी में मारा वेवार का बारा में बताई, जिंने में हरेक जगाँ अन हरेक मण्डळ्याँ में हिकऊँ हे।

2 कुरिन्थियों 2:9

अन में ओ देकबा का वाते या बात लिकी ही के, थाँ परक में खरा निकळो के ने अन हारी बाताँ में मानबावाळा हो कन ने।

2 कुरिन्थियों 8:22

वाँका हाते माँ माकाँ एक ओरी भई ने खन्दारिया हाँ, जिंने माँ घणी बाताँ में अन घणी दाण भलई करबा का वाते त्यार देक्यो हे अन अबे वींने थाँका पे घणो विस्वास हे, जणीऊँ वींने थाँकी मदत करबा की मरजी घणी हेली वेगी हे।

2 कुरिन्थियों 8:24

ईं वाते थाँ वाँने परेम करन बताज्यो, माँ थाँका पे अतरो मेपणो काँ कराँ हाँ। ईं बात ने थाँ साबत करज्यो, जणीऊँ हारी मण्डली वींने देक सके।

2 कुरिन्थियों 8:8

आ बात में आग्या देन ने की, पण दूजाँ मनकाँ के खुला मनऊँ दान देबा की भावना का बारा में केन थाँका परेम का हाँच की परक करणो छारियो हूँ।

फिलिपियों 1:12

अबे हो भायाँ अन बेना, मूँ छावूँ हूँ के, थाँ ओ जाण लो के, मारा पे ज्यो बीती हे, वींऊँ हकीकत में हव हमच्यार की बड़ोतरी वीं हे।

फिलिपियों 1:16

भली मनसाऊँ करबावाळा परेमऊँ परच्यार करे हे काँके ओ जाणन के, हव हमच्यार ने सबूत देन साबत करबा का वाते मने चुण्यो हे।

फिलिपियों 1:5

काँके जद्याँऊँ हव हमच्यार हुण्यो हो वीं पेला दनऊँ लेन आज दन तईं हव हमच्यार फेलाबा में मारी मदत किदी हे।

फिलिपियों 1:7

थाँ हाराई का वाते मने अस्याईस बच्यार राकणा हव हे, काँके थाँ हाराई मारा मन में बस्या तका हो। अन जद्याँ मूँ हाकळाऊँ बन्दयो तको हूँ अन हव हमच्यार ने साबत करबा अन पाको बणाबा में भी लागरियो हूँ, थाँ मारा हाते परमेसर की दिदी तकी अणीस करपा में भागी हो।

फिलिपियों 2:20

काँके माकाँ नके अस्यो कुई ने हे जिंका बच्यार मारे जस्यान का वे अन थाँकी भलई का वाते हाँचा मनऊँ चन्ता करे।

1 तिमुतियूस 1:18

हे मारा बेटा तिमुतियुस, वाँ बाताँ का जस्यान ज्याँने पेल्याइस थाँरा बारा में परमेसर का आड़ीऊँ किदी गी हे, मूँ वाँके जस्यानीस थने आदेस दूँ हूँ के, थूँ वाँ बाताँनेइस काम में लेन हव लड़ई लड़तो रे।

1 तिमुतियूस 1:2

मूँ यो कागद तिमुतियुस ने लिकूँ हूँ, ज्यो विस्वास में मारो हाँचो बेटो हे। थने बापू परमेसर अन आपणाँ परबू ईसू मसीऊँ आसिरवाद, दया अन सान्ती मलती रेवे।

1 तिमुतियूस 4:6

यद्याँ थूँ विस्वास्याँ ने आ सला देई, तो थूँ ईसू मसी को हव दास केवाई अन विस्वास की बाताँ अन खरी हिक का वजेऊँ ज्याँने थूँ मानतो आयो हे, वाँकाऊँ थूँ खुद को आत्मिक तरियाऊँ पालण-पोसण करी।

2 तिमुतियूस 1:2

मूँ परबू में, मारा लाड़ला बेटा तिमुतियुस थने, ओ कागद लिकरियो हूँ। बापू परमेसर अन आपणाँ परबू ईसू मसी में थने करपा, दया अन सान्ती मले।

2 तिमुतियूस 3:10

पण थूँ मारी हिक, वेवार, अन जीवन का वाते मारा मकसद ने माने हे, थूँ मारो विस्वास, मारो धीरज, मारो परेम, मारी सेण करबा की तागत, मारा पे व्या जुलम, अन मारा दुक में मारे हाते रियो हे। अन्ताक्या, इकुनियम अन लुस्त्रा में ज्यो कई व्यो हो अन कई-कई दक-भरिया जुलम ने सेण किदा हाँ, वाँमें भी थूँ मारे हाते हो। पण परबू मने वणा हाराईऊँ बंचायो हो।

तीतूस 1:4

हाराई के एक जस्या विस्वास की बजेऊँ तीतूस थूँ मारो हाँचो बेटो हे। बापू परमेसर अन आपाँने बंचाबावाळा ईसू मसी में थने दया अन सान्ती मले।