फिलिपियों 1:8 - नुवो नेम (मेवड़ी नया नियम)

⁸ ईंमें परमेसर मारा गुवा हे के, मूँ ईसू मसी का लगावऊँ थाँ हाराई का वाते वाट नाळरियो हूँ।

फिलिपियों 1:8 Cross References

लूका 1:78

आपणाँ परमेसर की दयाऊँ आपणाँ पे मुगतीदातो एक उगता तका सुरज का उजितो का जस्यान हरगऊँ आपणाँ ऊपरे वेई,

रोमियों 1:9

परमेसर जिंकी सेवा मूँ मारा हरदाऊँ वाँका बेटा का हव हमच्यार को परच्यार करन करूँ हूँ, वो मारो गवा हे के, मूँ थाँने हमेस्यान आद करूँ हूँ।

रोमियों 9:1

मूँ मसी में हाँची बोलरियो हूँ। मूँ जूट ने बोलूँ अन मारो मन ज्यो पुवितर आत्माऊँ मारी गवई देवे हे

2 कुरिन्थियों 13:9

जद्याँ माँ कमजोर वेवा हाँ अन थाँ जोरावर वेवो हो तो माँ राजी वेवा हा, अन आ परातना भी करा हाँ के, थाँ पाकाऊँ पाका बणो।

2 कुरिन्थियों 6:12

ज्यो परेम माँ थाँकाऊँ करा हाँ, वो कम ने व्यो हे, पण थाँ माँकाऊँ परेम करणो छोड़ दिदो हे।

2 कुरिन्थियों 7:15

वो जद्याँ ओ आद करे हे के, थाँ हाराई कस्यान वींकी आग्या मानी ही अन दरपऊँ धूँजता तका कस्यान वींकी आवभगत किदी ही, तो वींको परेम थाँका वाते ओरू भी हेलो बड़ जावे हे।

गलातियों 1:20

अन जीं बाताँ मूँ थाँने लिकरियो, देको, वीं परमेसर का होगन खान केवूँ हूँ के, ईं बाताँ जूटी कोयने।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 4:19

हो लाड़ला बाळकाँ, जद्याँ तई थाँ मसी का रूप में ने बण जावो, वीं टेम तईं मूँ छोरा-छोरी जणवा की टेम वेबावाळी तकलिप का जस्यान दुक सेण करतो रेऊँ हूँ।

फिलिपियों 2:1

यद्याँ मसी थाँकी हिम्मत बड़ावे, वाँको परेम थाँने धिज्यो देवे, पुवितर आत्मा थाँके हाते रेवे, अन थाँ एक-दूँजा का वाते दया अन बाळ राको हो

फिलिपियों 2:26

वो थाँकाऊँ मलबा की वाट नाळरियो हे अन वो ओरी चन्ता में पड़ग्यो के, थाँ वींका बारा में हुण लिदो हे के, वो मांदो हे।

फिलिपियों 4:1

ईं वाते हो मारा लाड़ला भायाँ, मूँ थाँने देकणा छारियो हूँ। थाँ मारी खुसी हो अन मने थाँका पे मेपणो हे। मारा लाड़ला भायाँ, वस्यानीस परबू में अटल रो।

कुलुसियों 2:1

मूँ छावूँ हूँ के, थाँकाणी जाण लो के, “थाँके अन ज्यो लोदकिया नगर में हे, अन वाँकाणी हंगळा का वाते जणा मारो मुण्डो कदी ने देक्यो के, वाँका वाते मूँ कस्यान मेनत कररियो हूँ?

कुलुसियों 3:12

काँके थाँ परमेसर का चुण्या तका लाड़ला अन पवितर मनक हो, ईं वाते दया, भलई, नरमाई, सेण करणो अन हुदापणा ने धारण करो।

1 थिस्सुलुनिक्यों 2:5

थाँ ईं बात ने हव तरियाऊँ जाणो हो के, माँ कदी फोगट की बड़ाई की बाताँ ने किदी अन नेई लोब-लाळच का वाते कस्यो बानो बणायो। ईं बात का परमेसर भी गवा हे।

1 थिस्सुलुनिक्यों 2:8

पण थाँका परेम में, माँ थाँने खाली हव-हमच्यारइस ने हुणायो, पण ईंका हाते माँ थाँका वाते जान देबा ने भी राजी हाँ, काँके थाँ माकाँ खास भई बणग्या हा।

2 तिमुतियूस 1:4

थाँरा आँसूवा ने आद करन हमेस्यान मारा हरदा में आ मरजी वेवे के, मूँ थाँराऊँ वेगोई मलूँ अन राजी वे जऊँ।

फिलेमोन 1:12

मूँ वींने थाँरा नके पाछो खन्दारियो हूँ ज्यो मारो जीव को जड़ी हे।

फिलेमोन 1:20

हे भई मूँ परबू में थाँराऊँ ओ नफो लेणो छारियो हूँ। मसी में मारा हरदा ने राजी कर दे।

1 यहुन्ना 3:17

अगर थाँकामूँ किंने कणी चीज की जरूत वेवे अन थाँकापाँ वाँ चीज वेता तकाँ भी थाँ वींकी मदत ने करो। तो आपाँ कस्यान के सका हाँ के, आपाँ में परमेसर को परेम हे।