फिलिपियों 1:7 - नुवो नेम (मेवड़ी नया नियम)

⁷ थाँ हाराई का वाते मने अस्याईस बच्यार राकणा हव हे, काँके थाँ हाराई मारा मन में बस्या तका हो। अन जद्याँ मूँ हाकळाऊँ बन्दयो तको हूँ अन हव हमच्यार ने साबत करबा अन पाको बणाबा में भी लागरियो हूँ, थाँ मारा हाते परमेसर की दिदी तकी अणीस करपा में भागी हो।

फिलिपियों 1:7 Cross References

थरप्या तका का काम 20:23

बेस ओ के पुवितर आत्मा हरेक नगर में गवई देन मने केवे हे के, हतकड़ी अन दक-तकलिप मारा वाते वेबावाळी हे,

थरप्या तका का काम 21:33

तद्याँ सेनापती पोलुस नके आयो अन वींने पकड़ लिदो अन दो हाकळाऊँ बांदबा को हुकम देन पूँछ्यो के “ओ कूण हे, अन अणी कई किदो?”

1 कुरिन्थियों 13:7

वो हारी बाताँ ने सेण करे हे, अन हारी बाताँ पे विस्वास राके हे, अन हारी बाताँ की आस राके हे अन हारी बाताँ का वाते धीरज राके हे।

1 कुरिन्थियों 9:23

ओ हारोई मूँ हव हमच्यार का वाते करूँ हूँ, ताँके वींका वरदानाँ में मारो भी भाग वे।

2 कुरिन्थियों 3:2

मारो कागद तो थाँ खुद हो, ज्यो मारा हरदा पे लिक्यो तको हे जिंने हाराई मनक जाणे अन भणे हे।

2 कुरिन्थियों 7:3

मूँ ईं बाताँ थाँने नीचा दिकाबा का वाते ने केरियो हूँ, काँके का थाँ तो जणोईस हो के, थाँ माकाँ हरदा में बस्या तका हो अन अटे तईं के, माँ थाँ हाते जीवाँ अन मरबा का वाते त्यार रेवा हाँ।

गलातियों 5:6

काँके ईसू मसी ने मानबा का वाते ने तो खतनो करबा की जरूत हे अन ने खतनो ने करबा की, पण वाँमें तो बेस परेम का हाते विस्वास करबा की जरूत वेवे हे।

इपिसियों 3:1

मूँ पोलुस थाँ ज्यो यहूदी ने हा थाँका वाते ईसू मसी को दास हूँ, ईंवाते जेळ में बन्द हूँ।

इपिसियों 4:1

ईं वाते मूँ ज्यो परबू की सेवा का वाते बन्दयो तको हूँ, थाँकाऊँ हाता-जोड़ी करूँ हूँ के, जीं मनसाऊँ परमेसर थाँने बलाया, वींके जस्यानीस चाल चालो।

इपिसियों 6:20

अणी हव हमच्यार को परच्यार करबा का वाते मूँ हाकळाऊँ बंद्‍यो तको परमेसर को दूत हूँ। मारा वाते परातना करो के, जस्यान मने परच्यार करणो छावे, वस्यानीस मूँ बना दरपणीऊँ कर सकूँ।

फिलिपियों 1:12

अबे हो भायाँ अन बेना, मूँ छावूँ हूँ के, थाँ ओ जाण लो के, मारा पे ज्यो बीती हे, वींऊँ हकीकत में हव हमच्यार की बड़ोतरी वीं हे।

फिलिपियों 1:13

अणीऊँ रोम माराजा के मेल का हंगळा पेरादार अन हाराई लोग ओ तो हमजग्या हे के, मूँ मसी का वाते जेळ में हूँ।

फिलिपियों 1:14

मारो जेळ में रेवा का मस परबू पे विस्वास राकबावाळा नरई भायाँ की हिम्मत बड़गी अन वाँको धिज्यो हव हमच्यार ने बना दरप्या हुणाबा का वाते नरोई बड़ग्यो हे।

फिलिपियों 1:5

काँके जद्याँऊँ हव हमच्यार हुण्यो हो वीं पेला दनऊँ लेन आज दन तईं हव हमच्यार फेलाबा में मारी मदत किदी हे।

फिलिपियों 2:22

थाँ ईं बात ने जाणो हो के, वणी ओ साबत किदो के वो ईंका वाते जोगो हे। जस्यान एक बेटो आपणाँ बाप का हाते काम करे हे, वस्यानीस वणी हव हमच्यार ने फेलाबा में मारा हाते एक दास के जस्यान काम किदो।

फिलिपियों 4:14

कई भी वे थाँ मारा कळेस में मारी मदत करन हव किदो हे।

फिलिपियों 4:15

हो फिलिपियों, थाँ खुदई जाणो हो के हव हमच्यार का परच्यार की सरुआत में मूँ जद्याँ मकिदुनिया परदेस छोड़न परोग्यो, तद्याँ थाँने छोड़न अन कणी विस्वास्याँ की मण्डली मारी रिप्या-कोड़ी में मदत ने किदी।

फिलिपियों 4:3

हे हाँचा हण्डाळ्याँ, मूँ थाँराऊँ भी अरज करूँ हूँ के, थूँ वीं लुगायाँ की मदत कर, काँके वणा मारा हाते हव हमच्यार हुणाबा का काम में, क्लेमेंस अन मारा दूजाँ काम करबावाळा का हाते मेनत किदी, ज्याँको नाम जीवन की पोती में लिक्यो तको हे।

कुलुसियों 4:18

मूँ ज्यो पोलुस खुद थाँने नमस्कार लिकरियो हूँ। मारी हतकड़ीया आद राकज्यो। परमेसर की दया थाँका पे वेती रेवे। आमीन।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

1 थिस्सुलुनिक्यों 5:5

काँके थाँ रात अन अंदारा का ने हो, पण थाँ हाराई दन अन उजिता की ओलाद हो।

2 तिमुतियूस 1:8

ईं वाते थूँ आपणाँ परबू अन मारी गवई देबा का वाते, ज्यो मसी का वाते बन्दी हूँ, हरमाज्ये मती, पण अस्यान करबा के, बजाय परमेसर, ज्या तागत थने दिदी हे, वींने मारा हाते हव हमच्यार का वाते दुक उटाबा में लगाज्ये।

2 तिमुतियूस 2:9

अन ईं हव हमच्यार ने परच्यार करबा की वजेऊँ मूँ दुक जेलरियो हूँ अन एक गुनेगार के, जस्यान हाँकळा में बन्दयो तको हूँ, पण परमेसर का बचना पे कुई बन्धन कोयने हे।

फिलेमोन 1:13

मूँ हव हमच्यार का वाते जेल में हूँ, मूँ वींने आपणाँ नकेईस राकणो छारियो हो, ताँके वो थाँकी जगाँ में मारी सेवा करे।

इब्रानियों 3:1

हो पुवितर भायाँ, थाँ ज्यो हरग का बलावा में भागीदार हो, वीं थरप्या तका अन मायाजक ईसू पे ध्यान लगावो, जिंने आपीं मानाँ हा।

1 पतरस 4:13

पण राजी वेवो के, थाँने मसी का जस्यान दुक जेलबा को मोको मल्यो हे। जणीऊँ जद्याँ ईसू मसी की मेमा परगट वेई तद्याँ थाँ भी राजी अन खुसी रे सको।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

2 पतरस 1:13

काँके मूँ खुद का वाते आ बात हव तरियाऊँ जाणूँ हूँ के, जद्याँ तईं मूँ ईं देह में हूँ, ईं बाताँ आद अवाड़न थाँने हमजातो रेऊँ।

1 यहुन्ना 3:14

काँके आपाँ मोतऊँ निकळ अनंत जीवन पाबा का वाते आग्या हा। ईंके वजे आ हे के, आपाँ आपणाँ भायाँऊँ परेम करा हा। ज्यो भी मनक परेम ने करे, वो अबे भी मोत को गुलाम हे।