फिलिपियों 1:21 - नुवो नेम (मेवड़ी नया नियम)

²¹ काँके मारा वाते जीवतो रेणो मसी हे, अन मर जाणो नफो हे।

फिलिपियों 1:21 Cross References

1 कुरिन्थियों 1:30

अन परमेसर का आड़ीऊँ थाँ ईसू मसी में हो, मसी ज्यो परमेसर का आड़ीऊँ आपणाँ वाते ग्यान ठेरियो अन वींका वजेऊँ आपाँ परमेसर का हामे सई अन पुवितर मनक बण्या अन आपाँने छुटकारो मल्यो।

1 कुरिन्थियों 3:22

पछे पलई पोलुस वे, अपुलोस वे कन केफा हो पलई दनियाँ वे, जीवन वे कन मोत, पलई ईं आज की बाताँ वे कन आबावाळा दन की वी, हारोई थाँकोईस हे।

2 कुरिन्थियों 5:1

आपाँ जाणा हाँ के, ईं धरती पे आपणी देह रूपी घर भगाड़ दिदो जाई पछे आपाँने परमेसर का आड़ीऊँ हरग में कदी नास ने वेबावाळो घर मली वो मनकाँ का हाताऊँ बणायो तको ने वेई।

2 कुरिन्थियों 5:6

ईं वाते आपाँने हिम्मत राकणी छावे काँके आपाँ जाणा हाँ के, जद्याँ तईं आपाँ ईं देह रूपी घर में हाँ, तद्याँ तईं परबू का हाते ने हाँ।

2 कुरिन्थियों 5:8

ईं वाते आपाँ हिम्मत राका हाँ अन खुद की देह ने छोड़न, परबू का हाते वाँका घर में रेणो छावाँ हाँ।

गलातियों 2:20

मूँ अबे जीवतो कोयने हूँ, पण मूँ ईसू मसी में जीवतो हूँ अन मूँ अणी देह में जीवतो हूँ तो बेस ईसू पे विस्वास करबा का मस जीवतो हूँ, ज्यो परमेसर को बेटो हो अन वणी माराऊँ अतरो परेम किदो के, आपणाँ खुद ने मारा वाते दे दिदो।

गलातियों 6:14

मने परबू ईसू मसी की हूळी ने छोड़न ओरी दूजी कणी बात में मेपणो ने वेवे हे। काँके मूँ दनियाँ का नजर में अन दनियाँ मारा नजर में हूळी पे चड़ई तकी हे।

फिलिपियों 1:20

मूँ तो याईस मरजी अन आस राकूँ हूँ के, ज्यो काम मूँ कररियो हूँ वींमें मूँ कदीई हरमाऊँ कोयने, पण पुरी हिम्मत का हाते मसी की मेमा मारा डीलऊँ हरदाण वेती ही, खासतोरऊँ अबे भी वेती रेई, पलई मूँ जीवूँ कन मर जऊँ।

फिलिपियों 1:22

यद्याँ मूँ जीवतो रेऊँ तो ओरी भला काम करूँ पण मूँ ने जाणूँ के, किंने चुणू।

फिलिपियों 1:23

मूँ ईं दुया का बचमें लटक्यो तको हूँ। मारो जी तो छारियो हे के, ओ डील छोड़न मसी का नके जान रूँ, काँके ओ घणोइस हव हे,

फिलिपियों 2:21

काँके हारई आपणाँ हवारत की भाळ में रेवे हे, ने के ईसू मसी की।

कुलुसियों 3:4

थाँको जीवन मसी हे। जद्याँ वो मेमा का हाते परगट वेई, तद्याँ थाँ भी वींका मेमा में हाते परगट वेवो।

परकासितवाक्य 14:13

जद्याँ मूँ अस्यान बोलरियो हो के, तद्याँ हरगऊँ आ अवाज हुणई, “ईंने लिकी ले। ज्यो परबू की सेवा करता करता मरे हे वीं धन्न हे।” आत्मा केवे हे के, “वीं आपणाँ कामाँऊँ आराम पाई, अन वाँका काम वाँके हाते हे।”