फिलिपियों 1:15 - नुवो नेम (मेवड़ी नया नियम)

¹⁵ कतरा तो रिस्याँ बळन अन लड़ई का मस मसी को परच्यार करे हे अन कतराई भली मनसाऊँ करे हे।

फिलिपियों 1:15 Cross References

मत्ती 23:5

“वीं आपणाँ हाराई काम लोगाँ ने बतावा का वाते करे हे। वीं हात अन माता पे बांदबा वाळा आपणाँ ताबीजा ने जिंमें वीं सास्तर ने लिकता हा, वाँने मोटा करे हे अन आपणी जोळ्या ने वदावे हे। ताँके मनक वाँने धरमी हमजे।

थरप्या तका का काम 10:36

थाँ ईं सन्देस ने जाणो हो, जो इजराएली लोगाँ का वाते खन्दायो ग्यो हे, जो हाराई को परबू ईसू मसीऊँ सान्ती मले हे, वीं हव हमच्यार की घोसणा हे।

थरप्या तका का काम 11:20

सायरस अन कुरेन का थोड़ाक विस्वासी लोग अन्ताक्या में आया अन ज्यो यहूदी ने हा, वाँ लोगाँ ने परबू का हव हमच्यार हुणाबा लागा।

थरप्या तका का काम 5:42

पछे वीं हरेक दन मन्दर अन घर-घर में हिकाता अन हव हमच्यार को परच्यार करता तका कदी ने रूक्या के, “ईसू ईं मसी हे।”

थरप्या तका का काम 8:35

तद्याँ फिलिपुस बखाण करणो सरू कर किदो अन सास्तर का अणीस पाटऊँ सरू करते तके वींने ईसू को हव हमच्यार हुणायो।

थरप्या तका का काम 8:5

फिलिपुस सामरिया नगर में परोग्यो अन वटे लोग-बागाँ में अस्यान परच्यार करबा लागो के, ईसू ईं मसी हे।

थरप्या तका का काम 9:20

पछे वो यहूदी परातना घर में पूगो अन तरत परच्यार करबा लागो के, “ईसू ईंस परमेसर को पूत हे।”

रोमियों 2:8

पण दूजाँ ज्यो हवारती हे, हाँचने कोयने माने, पण बुरई करे हे, वाँका पे परमेसर को गुस्सो अन रीस पड़ी।

1 कुरिन्थियों 1:23

पण आपाँ तो वीं हूळी पे चड़ाया तका मसी का उपदेस देवा हाँ। एक अस्यो उपदेस ज्यो यहूदी का वाते ठोकर को मस हे अन ज्यो यहूदी ने हे वाँका वाते मुरकता हे।

1 कुरिन्थियों 13:3

अन यद्याँ मूँ मारी हारी धन-दोलत गरीबा ने बाँट दूँ, अन मूँ हव-हमच्यार हुणाबा का वाते मारी देह ने बाळन बली दी दूँ अन पच्छे भी परेम ने करूँ तो मने कई नफो ने हे।

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

2 कुरिन्थियों 11:13

काँके अस्या मनक जूटा खन्दाया तका चेला हे अन धोकाऊँ काम करबावाळा हे, अन मसी का खन्दाया तका चेला को रूप धारण करबावाळा हे।

2 कुरिन्थियों 12:20

काँके मने दरपणी हे के, जद्याँ मूँ थाँका नके आऊँ अन जस्यान थाँने देकणा छावूँ वस्यान थाँ मने ने मलो। जस्यान थाँ मने देकणा छारिया हो, वणीऊँ अलग मूँ थाँने ने मलूँ। मने आ भी दरपणी हे के, कदी थाँका मयने आपस की लड़ई, जळन, गुस्सो, एक दूजाँ की के हुणई, थाँकी खुद की कस्यी बुरी चाल, अन बेजती, आमी-हामी अन दादागिरी अन काम बगाड़्यो तको ने मले।

2 कुरिन्थियों 4:5

अन माँ खुद को परच्यार ने कराँ हाँ पण परबू का रूप में ईसू मसी को परच्यार कराँ हाँ अन माँ माकाँ बारा में तो अस्यान केवाँ हाँ के, माँ ईसू का मस थाँका दास हाँ।

गलातियों 2:4

अन यो वणा जूटा भायाँ ज्यो छानेकूँ आपणाँ बचमें आग्या हाँ ताँके ज्यो आजादी आपाँने आपणाँ मसी ईसू की दयाऊँ मली वींको भेद लेन माँने दास बणा सके।

फिलिपियों 2:3

खुद का हवारतऊँ कई मती करो अन जूटो मेपणो मती करो, पण नरमाईऊँ खुदऊँ हेला एक-दूँजा ने हव हमजो।

1 तिमुतियूस 3:16

कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।