इपिसियों 3:3 - नुवो नेम (मेवड़ी नया नियम)

³ अन परमेसर आपणी गुप्त की बाताँ ने मारा पे परगट किदो, जिंका बारा में, में थोड़ोक पालाँ पाटाँ में लिक चुक्यो हूँ।

इपिसियों 3:3 Cross References

थरप्या तका का काम 22:17

जद्याँ मूँ पाछो यरूसलेम में आन मन्दर में परातना कररियो हो तो एक दरसावो देक्यो,

थरप्या तका का काम 22:21

अन परबू माराऊँ क्यो, “जा, काँके मूँ थने जो यहूदी ने हे वाँका बचमें नरई छेटी-छेटी खन्दाऊँ।”

थरप्या तका का काम 23:9

तद्याँ सबा में लड़ई वेगी, अन कुई मूसा का नेमा ने हिकाबावाळा जो फरीसी हा, ऊबा वेग्या अन ओ केन लड़ई करबा लागा के, “माँ ईं मनक में कई दोस ने पावाँ, अन तद्याँ कुई आत्मा कन हरग-दुत अणीऊँ बात किदी, तो पछे ओ सई हे।”

रोमियों 11:25

हो मारा भायाँ, कटे अस्यान ने वे के, थाँ खुद ने घणा हूँस्यार हमजबा लागो, ईं वाते मूँ थाँने ईं छाने का हाँचऊँ अणजाण ने राकणा छावूँ हूँ, काँके इजराएल का मनक अस्यानीस गाटा बणा दिदा ग्या हे अन अस्यानीस तद्याँ तईं गाटा बण्या रेई जद्याँ तईं जी यहूदी ने हे वाँ मनकाँ मेंऊँ जीं चुण्या तका हे, वीं हाराई परमेसर का नके ने आ जावे।

रोमियों 16:25

परमेसर की बड़ई वेवे। ईसू मसी का हव हमच्यार जिंको मूँ परच्यार करूँ हूँ, ईंके अन परमेसर को अबाणू परगट किदो ग्यो ईं भेंद जस्यान जिंको हाँच जुग-जुगऊँ हप्यो तको हे, वींके जस्यान परमेसर थाँने गाटा बणाबा में तागतवर हे।

2 कुरिन्थियों 12:1

मेपणो करबा को कई नफो ने हे, तो भी मूँ करूँ हूँ, ईं वाते मूँ परबूऊँ मल्या दरसण अन परकासण को बखाण करूँ।

गलातियों 1:12

काँके वो मने मनकाँ की ओरुँ ने मल्यो अन ने मने हिकायो ग्यो, पण ओ हव हमच्यार मने परबू ईसू मसी की पुवितर आत्माऊँ मल्यो हे।

इपिसियों 1:17

मूँ अरज करिया करूँ हूँ के, आपणाँ परबू ईसू मसी का परमेसर जी मेमाऊँ भरिया तका हे, थाँने अकल अन चोड़ो करबावाळी आत्मा दे देई, ताँके थाँ परमेसर ने जान सको।

इपिसियों 3:4

जणीऊँ थाँ, भणन हमज सको हो के, मूँ वीं मसी का राज ने कतरोक हव जाण हूँ।

इपिसियों 3:6

ओ राज ओ हे के, हव-हमच्यारऊँ यहूदियाँ का हाते ज्यो यहूदी ने हे वी भी वारिस वेवे अन एकीस डील का भाग वे अन ईसू मसी का गट-जोड़ऊँ परमेसर का वादा में पाँती लेवे।

इपिसियों 3:9

अन हाराई पे परमेसर का राज की ओजणा ने परगट करूँ, ज्यो हारई चिजाँ ने बणाबावाळा परमेसर ठेटऊँ छाने राक्यो हो,

इपिसियों 6:19

अन मारा वाते भी अरज करज्यो, ताँके जद्याँ मूँ बोलूँ वीं दाण परमेसर मने अस्यो बचन देवे के, मूँ हिम्मत राकन हव हमच्यार को भेंद बता सकूँ।

कुलुसियों 2:2

मूँ यो ईं वाते करूँ हूँ, ताँके वाँका मन ने हिम्मत मले अन थाँ आपस में परेमऊँ बन्द जावो, जणीऊँ थाँ पुरी हमजऊँ हारोई धन पा लेवो अन बापू परमेसर का भेदऊँ भररियो हाँच ने, मतलब ईसू मसी ने जाण ले।

कुलुसियों 4:3

अन ईंका हातेई हाते माकाँ वाते भी परातना करता रेवो के, परमेसर माँके परच्यार करबा को अस्यो गेला खोल देवे के, माँ मसी का वीं भेद को बखाण कर सका। अन परच्यार करबा के मस मूँ जेल में बन्द हूँ।

इब्रानियों 13:22

हो भायाँ, मूँ थाँकाऊँ अरज करूँ हूँ के, अणा हिम्मत बन्दाबावाळा उपदेस पे चालो, काँके में कागद में हेली बाताँ ने लिकी हे।

1 पतरस 5:12

मूँ सिलवानुस ने विस्वास जोगो भई जाणूँ हूँ अन वींकी मदतऊँ यो कागद लिकन थाँकी हिम्मत बड़ाणी छारियो हूँ अन आ गवई देरियो हूँ के, परमेसर की हाँची दया याईस हे। थाँ ईंमें पाका बण्या तका रेज्यो।

2 पतरस 3:15

आपणाँ परमेसर का धीरज ने छुटकारो हमजो। जस्यान आपणो प्यारो भई पोलुस परमेसर की आड़ीऊँ ज्यो ग्यान वींने मल्यो हो, वणीऊँ वीं थाँने लिक्यो हो।