2 तिमुतियूस 2:19 - नुवो नेम (मेवड़ी नया नियम)

¹⁹ पण परमेसर की पाकी नीम हाले कोयने, जिंपे आ छाप लागरी हे के, “परबू आपणाँ मनकाँ ने जाणे हे,” अन, “ज्यो कुई परबू को नाम लेवे हे, वींने बुरा कामऊँ बच्यो तको रेणो छावे।”

2 तिमुतियूस 2:19 Cross References

मत्ती 24:24

मूँ ओ केवूँ हूँ काँके जूटा मसी अन जूटा मनक परमेसर का आड़ीऊँ बोलबा का वाते ऊबा वेई अन अस्या अस्या नरोगा हेन्याण बताई अन अचम्बावाळा काम केरी के, वीं चुण्या तका ने भी भटका देई।

मत्ती 28:19

ईं वाते जावो, अन हाराई देसा का लोगाँ ने चेला बणावो अन बापू, पूत अन पुवितर आत्मा का नामऊँ बतिस्मो दो,

मत्ती 7:23

तद्याँ मूँ वाँने खोलन केऊँ के, ‘में थाँने कदी भी ने ओळक्या, हो कुकरम करबावाळा, मारा नकेऊँ परा जावो।’

मत्ती 7:25

अन बरका वरी अन नंदी ढावा ऊपरे आई अन डूँज चाली, अन वीं घर पे लागी, पछे भी वो घर ने हड़्यो, काँके वाँकी नीम छाँट पे बणईगी ही।

मरकुस 12:16

तो वे चान्दी को रिप्यो लेन आया। पछे ईसू वाँने पूँछ्यो, “ईंका पे किंको नाम अन छाप लगई तकी हे?” वाँकाणी क्यो, “रोम का राजा की।”

मरकुस 13:22

काँके जूटा मसी अन जूटा मनक परमेसर का आड़ीऊँ बोलबावाळा आई। वे अस्या अस्या गजब का परच्या बतई अन अस्या अचम्बा में नाकबा का काम करी के, वे सके तो वे परमेसर का चुण्या तका लोगाँ ने भी डापा में नाक देई।

लूका 13:27

“पण, वी थाँकाऊँ केई के, ‘मूँ थाँने केरियो हूँ के, मूँ थाँने ने जाणूँ हूँ के, थाँ कूण हो, ओ बुरा करमवाळा, मारा नकेऊँ परा जावो।’

लूका 6:48

वीं वणी मनक का जस्यान वेई, जणी घर बणाती दाण नीम ने उण्डी खोदन मोटी छाँट पे घर बणायो हो अन बाड़ अई जद्याँ वणी के टकरई पण वणी घर ने हला ने सकी, काँके वो सई तरियाऊँ पाको बण्यो तको हो।

यहुन्ना 10:14

हव गवाळ मूँ हूँ, मूँ मारा गारा ने ओळकूँ हूँ अन मारा गारा मने ओळके हे।

यहुन्ना 13:18

“मूँ थाँका हाराई का वाते ने केवूँ हूँ, जाँने में चुण लिदा वाँने मूँ जाणूँ हूँ, पण यो ईं वाते हे के, पुवितर सास्तर को यो लेक पूरो वे, ‘ज्यो मारा रोटा खावे हे, वीं मारा पे लात उठई।’

यहुन्ना 3:33

जणी भी वाँकी बात मान लिदी, वणी वाँकी बात ने मान लिदी हे के, परमेसर हाँचो हे।

थरप्या तका का काम 11:26

पछे बरनबास वींने अन्ताक्या में लायो अन वीं मण्डली का लोगाँ में भेळा वेता हा अन नरई लोगाँ का समू ने हिकाता हा। अन्ताक्या मेंईस पेली दाण चेला “मसीही” केवाया।

थरप्या तका का काम 15:17

ईंका वाते हारी दनियाँ का लोग जो बंच्या तका हे, वीं परबू ने होदे जो यहूदी ने हे, वाँने में बलाया हे, वे हारई मारा नके आई।

थरप्या तका का काम 9:14

अन अटे भी ओ मोटा याजकाँऊँ अदिकार लेन थाँका नाम पे भरोसो राकबावाळा मनकाँ ने बन्दी बणाबा वाते आयो हे।”

रोमियों 11:2

परमेसर आपणाँ इजराएली मनकाँने ने नकारिया हे, ज्याँने वीं पेल्याँई जाणता हा। कई थाँ ने जाणो हो के, एलिया का बारा में सास्तर कई केवे हे, जद्याँ एलियो इजराएल का मनकाँ का विरोद में अरज कररियो हो?

रोमियों 12:9

थाँको परेम हाँचो वेवे। बुरईऊँ नपरत राको अन खरईऊँ जुड़या तका रो।

रोमियों 15:20

मारी हमेस्यान आ मनसा हे के, मूँ हव हमच्यार को परच्यार वटे करूँ, जटे कुई मसी को नाम भी ने जाणे, ईंकी वजे आ हे के, मूँ कुई दूजाँ मनक की नाकी तकी नीम पे सणई ने करूँ।

रोमियों 15:9

ईं वाते जीं यहूदी ने हे, वीं मनक भी परमेसर ने वींकी दया का वाते मेमा देवे हे, जस्यान के सास्तर में लिक्यो तको हे, “ईंका वाते मूँ ज्यो यहूदी ने हे, वणा मनकाँ में थाँरी बड़ई करूँ, मूँ थाँका नाम की मेमा वाँमें गाऊँ।”

रोमियों 8:28

अन आपाँ जाणा हा के, ज्यो मनक परमेसरऊँ परेम राके हे, वणा का वाते हारी बाताँ मलन भलई लावे हे। जीं परमेसर का मकसद का जस्यान बलाया ग्या हे।

रोमियों 9:11

जोड़ला बाळक का जनमऊँ पेल्याँ अन वाँका कुई भी भलो-बुरो करबाऊँ पेल्याँ, परमेसर रिबकाऊँ क्यो, “मोटो बेटो फोरा की सेवा करी।” ताँके परमेसर के चुणाव को मकसद पूरो वेवे के, परमेसर को चुणाव वाँ दुयाँ के करमा का जस्यान ने हो। पण परमेसर की बुलाहट का जस्यान हे।

1 कुरिन्थियों 1:2

कुरिन्तुस में परमेसर की वणा मण्डळ्याँ का नाम लिक्यो, जीं ईसू मसी में पुवितर किदी गी, ज्याँने परमेसर आपणाँ मनक बणाबा का वाते चुण्या हा, जीं हरेक जगाँ आपणाँ अन वाँका परबू ईसू मसी को नाम लेवे हे।

1 कुरिन्थियों 8:3

पण यद्याँ कुई परमेसरऊँ परेम करे हे तो वींने परमेसर जाणे हे।

2 कुरिन्थियों 7:1

हो मारा प्यारा भायाँ, आपणाँ नके परमेसर को दिदो तको करार हे। ईं वाते थाँ आवो, अन परमेसर को मान करता तका खुद ने पुवितर करबा का वाते खुद की आत्माने अन देह ने मयनेऊँ अन बारणेऊँ हुगली चिजाँऊँ पुवितर करो।

गलातियों 4:9

पण अबे तो थाँ परमेसर ने जाणग्या हो अन परमेसर थाँने ओळक लिदा हे, तो थाँ दनियाँ की कमजोर अन हूंगळी बाताँ का आड़ी पाच्छा काँ जावो हो? अन थाँ पाच्छा काँ वींका दास बणणा छारिया हो?

इपिसियों 2:20

थाँ अस्यो एक मेल हो जणी की नीम थरप्या तका अन परमेसर का आड़ीऊँ बोलबावाळा हे, अन वींके नासीक को भाटो खुद ईसू मसी हे।

इपिसियों 3:15

ज्याऊँ हरग अन दनियाँ में, हाराई परवाराँ ने ओळकाण मले।

इपिसियों 4:30

परमेसर की पुवितर आत्माने दकी मती करो, काँके छुड़ाबा के दन का वाते वा खुद छाप थाँका पे लागी हे।

1 तिमुतियूस 3:15

पण यद्याँ मारा आबा में टेम लागी तो, ईं कागदऊँ जाण जाज्यो के, आपणाँ परमेसर को घराणो, जीं जीवता परमेसर की मण्डली हे या हाँच की नीम अन थम्बो हे, वींके हाते आपाँने कस्यान को वेवार करणो छावे।

1 तिमुतियूस 6:19

अस्यान करन वीं खुद का वाते अस्यान को धन को भण्डार भेळा करे, ज्यो आबावाळा टेम तईं एक पाकी नीम बण जाई, तद्याँ वी हाँचा जीवन ने जीतबा का जोगा वेई।

इब्रानियों 11:10

काँके अबराम वणी नगर की वाट नाळरियो हो, जिंकी नीम मजबूत हे अन जिंने परमेसर माढ्यो अन बणायो हो।

2 पतरस 3:14

ईं वाते हो मारा लाड़ला भायाँ, थाँ अणा बाताँ की वाट नाळरिया हो, ईं वाते थाँ पुरी कोसीस करो के, परमेसर की नजरा में खरा, बना दोस का अन सान्तीऊँ रेबावाळो केवावो।

1 यहुन्ना 2:19

मसी का दसमण आपणाँ मेंऊँस बण्या हा, पण हाँची में वीं आपणाँ हाते कोयने हे, काँके यद्याँ वीं आपणाँ हाते वेता, तो आपाँने छोड़ता कोयने। पण वणा आपाँने छोड़ दिदा जणीऊँ वीं आपाँने ओ बता सके के, वीं हाँची में आपणाँ मेंऊँ कोयने।

परकासितवाक्य 17:8

जीं डरावणा जनावर ने थें देक्यो हे, वो अबे ने, पण पेल्याँ जीवतो हो, पण वो पाताळऊँ निकळबा वाळो हे, अन तद्याँ वींको नास वे जाई। धरती पे रेबावाळा वीं मनक ज्याँका नाम सरुआतऊँ ईं जीवन की किताब में ने लिक्या हे, वीं ईं डरावणा जनावर ने देकन अचम्बो करी, काँके ओ पेला जीवतो हो पण अबे ने, तद्याँ भी वो आबावाळो हे।

परकासितवाक्य 2:13

मूँ जाणूँ हूँ के, थूँ वटे रेवे हे जटे सेतान की गाद्दी हे। अन मारा ईं नाम पे विस्वास करे हे जद्याँ के, थाँरा नगर में मारो विस्वास जोगो दास अन्तिपास वटे मारिया ग्यो, जटे सेतान की जगाँ हे। तो भी थूँ विस्वासऊँ ने छेटी व्यो।

परकासितवाक्य 21:14

नगर को परकोटो बारा नीमा का भाटाऊँ बणायो ग्यो हो अन वींपे मेमना का बाराई थरप्या तका चेला का नाम लिक मेल्या हा।

परकासितवाक्य 22:4

वींको मुण्डो देकी अन वींको नाम वींका माता पे लिक्यो तको वेई।

परकासितवाक्य 3:8

मूँ थाँका काम ने जाणूँ हूँ। देको, में थाँका हामे एक बारणो खोल्यो हे, जिंने कुई भी जड़ ने सके। मूँ जाणूँ हूँ के, थाँरा नके थोड़ीक तागत हे, तो भी थें मारी आग्या मानी हे, अन मारो नाम लेणो भी ने छोड़्यो।