2 तिमुतियूस 2:18 - नुवो नेम (मेवड़ी नया नियम)

¹⁸ वणा अस्यान केन हाँच को गेलो छोड़ दिदो के, आपणाँ ने पाछो जीवन पेल्याँई मलग्यो हे, नरई विस्वास्याँ का विस्वास को नास कर देवे हे।

2 तिमुतियूस 2:18 Cross References

मत्ती 15:13

तद्याँ ईसू क्यो, “जणी रूँकड़ा ने मारा हरग का बापू परमेसर ने लगायो, वो उकाड़्यो जाई।

मत्ती 22:29

ईसू वाँने क्यो, “थें नेमीई डापा में पड़ग्या, ने तो सास्तर जाणो हो अन ने परमेसर की तागत ने।

लूका 8:13

काँकरा वाळी जगाँ का बीज वणा मनकाँ का जस्यान हे के, जद्याँ वी हुणे, तो वी आणन्द का हाते परमेसर की वाणी ने माने हे। पण वीं जड़ ने पकड़वा का मस थोड़ीक दाण विस्वास करे हे अन परक की दाण वी भाग जावे हे।

थरप्या तका का काम 5:39

पण जदी ईं काम परमेसर की आड़ीऊँ हे तो, थाँ वाँने रोक ने सको अन थाँ खुद परमेसर के विरोद में लड़ता तका दिको। वाँकाणी वाँकी सला मान लिदी।

1 कुरिन्थियों 11:19

काँके फुट तो थाँकामें वेई, अणीऊँ थाँका बंच में में ज्यो खरा मनक ठेराया ग्या हा, वीं हामे आ जाई।

1 कुरिन्थियों 15:12

जद्याँ के थाँने एकीस हमच्यार हुणायो हो के, मसी ने मरिया तका मेंऊँ जीवतो किदो ग्यो हो तो थाँका मेंऊँ कुई कस्यान के सके हे के, मरिया केड़े पाछो जीवतो ने व्यो जा सके हे?

कुलुसियों 3:1

जदी थाँ हंगळा मसी के हाते आत्मा में पाच्छा जीवता व्या हो, तो थाँको मन हरग की चिजाँ पे लगावो। जटे ईसू मसी परमेसर का जीमणी पाड़े बेटा तका हे।

1 तिमुतियूस 1:19

विस्वास अन सुद अंतर-आत्मा राक। थोड़ाक मनक आपणी अंतर-आत्मा की ने हूणी, जणीऊँ वीं विस्वासऊँ पाच्छा फरग्या हे।

1 तिमुतियूस 6:10

काँके रिप्या-कोड़ी को लाळच हारी बुरई की जड़ हे। घणा मनक रिप्या-कोड़ी का चकर में, विस्वासऊँ मुण्डो फेरन घणा दुक मोल ले लिदो हे।

1 तिमुतियूस 6:21

काँके थोड़ाक मनक ईंपे विस्वास किदो, जिंको नतीजो ओ निकळ्यो के, वीं हाँचा विस्वास का गेलाऊँ भटकग्या। थाँ हाराई पे परमेसर की दया वेती रेवे।

2 तिमुतियूस 2:14

थाँरा मनकाँ ने, ईं बाताँ आद अवाड़ अन परमेसर का हामे चेतान केज्ये के, फोगट की बाताँ पे ने लड़े। अस्यान करणो हव ने हे, काँके वीं बाताँ हूणबावाळा का वाते नास की जड़ हे।

तीतूस 1:11

ओ जरूरी वेग्यो हे के, वाँको मुण्डो बन्द किदो जावे, जीं ईं गलत बाताँ हिकान विस्वास्याँ का घर ने बगाड़रिया हे अन ईं हाराई नीचपणाऊँ रिप्या-कोड़ी कमावा का चकर में अस्यान करता रेवे हे।

इब्रानियों 3:10

ईं वाते मूँ वीं टेम की पिड़ीऊँ गुस्सा में रियो अन क्यो हो के, ‘अणाको मन हमेस्यान भटक्यो तको रेई, अन ईं मारो गेलो जाणेई कोनी।’

याकूब 5:19

हो मारा भायाँ, जद्याँ कुई थाँका मेंऊँ हाँच का गेलाऊँ भटक जावे अन वींने कुई पाछो हाँच का गेला पे फेर लावे,

1 यहुन्ना 2:19

मसी का दसमण आपणाँ मेंऊँस बण्या हा, पण हाँची में वीं आपणाँ हाते कोयने हे, काँके यद्याँ वीं आपणाँ हाते वेता, तो आपाँने छोड़ता कोयने। पण वणा आपाँने छोड़ दिदा जणीऊँ वीं आपाँने ओ बता सके के, वीं हाँची में आपणाँ मेंऊँ कोयने।