2 तिमुतियूस 1:7 - नुवो नेम (मेवड़ी नया नियम)

⁷ काँके परमेसर आपाँने दरपणी के बजाय तागत, परेम अन खुद ने बंस में राकबा की आत्मा दिदी हे।

2 तिमुतियूस 1:7 Cross References

लूका 10:19

हुणो, में थाँने हापाँ अन बिच्छुवाँ ने पगाँऊँ कुछळवा को अन दसमण की हारी सगती पे अदिकार दिदो हे अन कस्यी भी चिजऊँ थाँको नकसाण ने वेई।

लूका 15:17

“जद्याँ वो आपणाँ आपाँ में आयो, तद्याँ वो केबा लागो के, ‘मारा बाप के कतराई दानक्याँ हे वाँने भरपेट खाणो मले हे अन मूँ अटे भूका मररियो हूँ।

लूका 24:49

अन देको, जणी पुवितर आत्मा ने देबा को वादो परमपिता किदो हो, वींने मूँ थाँका ऊपरे उतारू, पण जद्याँ तईं हरगऊँ तागत ने पावो तो थाँ ईं नगर मेंईस रेज्यो।”

लूका 8:35

अन लोग-बाग ज्यो व्यो हो वींने देकबा वाते आया, अन ईसू का नके आन वणी मनकऊँ हुगली आत्मा निकळी ही, वींने ईसू जी का चरणा बेट्यो तको अन वणी मनक गाबा पेरिया तका हा अन वींको दिमाग सई वेग्यो हो। यो देकन वीं मनक दरपग्या।

यहुन्ना 14:27

“मूँ थाँने सान्ती देन जारियो हूँ, आपणी खुद की सान्ती थाँने देवूँ हूँ। दनियाँ देवे हे वस्यान मूँ थाँने ने देवूँ हूँ। थाँको मन दकी ने वेवे अन ने थाँ दरपे।

थरप्या तका का काम 1:8

पण, जद्याँ पुवितर आत्मा थाँका पे आई, तो थाँ सगतिऊँ भर जावो अन आकाई यरूसलेम, यहूदियाँ अन सामरियाऊँ लगान धरती का खुणा-खुणा तईं मारा गवा बेणो।”

थरप्या तका का काम 10:38

ईसू नासरी का बारा में थाँ तो जाणो हो, परमेसर पुवितर आत्मा अन सगतिऊँ वींको तलक कस्यान किदो हो। वणी हव काम किदा अन सेतानऊँ दकी हारई जणा ने हव करतो तको च्यारूँमेर कस्यान गुमतो हो, काँके परमेसर वाँकी लारे हो।

थरप्या तका का काम 20:24

पण मूँ आपणाँ जीव ने कई ने हमजूँ। मूँ तो बेस वीं दोड़ अन सेवा का काम ने पूरो करणो छारियो हूँ, जिंने में परबू ईसुऊँ पाई हे, जो परमेसर की करपा का हव हमच्यार की गवई देणो हे।”

थरप्या तका का काम 21:13

पण पोलुस जवाब दिदो, “थाँ अस्यान रो-रोन मारी मन काँ तोड़ रिया हो। मूँ तो परबू ईसू का नाम वाते बेस बन्दवा वातेईस ने पण मरवा के वाते भी त्यार हूँ”।

थरप्या तका का काम 26:11

हारई यहूदियाँ का परातना घर में मूँ वाँने दण्ड दिया करतो अन परमेसर की नन्दयाँ करबा वाते वाँपे जोर नाकतो। वाँका पे मारो गुस्सो अतरो हो के, वाँने हताबा का वाते नरी जगाँ अन बारवास का गामाँ में जातो।

थरप्या तका का काम 26:25

पण पोलुस क्यो, “हो माटोऊँ मोटा फेसतुस, मूँ बेण्डो ने हूँ, पण हाँची अन हमज की बाताँ करूँ हूँ।

थरप्या तका का काम 6:8

इस्तीपनुस परमेसर की करपा अन सगतिऊँ भरियो तको मनक हो, वो लोग-बागाँ में मोटा-मोटा अचम्बा का काम अन अनोका हेन्याण बतातो हो।

थरप्या तका का काम 9:22

पण, साउल अणीऊँ भी हेली सगतिऊँ परच्यार करतो हो के, दमिसक में रेबावाळा यहूदियाँ की बोलती बन्द कर देतो हो अन ओ साबत करन केतो हो के, “ईसू ईं मसी हे।”

रोमियों 5:5

अन आ आस आपाँने निरास ने वेबा दे, काँके पुवितर आत्मा ज्यो आपाँने ज्यो दिदी गी हे, वींकाऊँ परमेसर को परेम आपणाँ मन में उन्दायो जावे हे।

रोमियों 8:15

काँके ज्या आत्मा थाँने दिदी हे, वाँ थाँने पाच्छा दास बणाबा का वाते ने अन नेई दरपवा का वाते हे, पण वाँ आपाँने वींकी ओलाद बणाबा का वाते हे, जणीऊँ आपाँ “ओ बापू, ओ पापाँ” केन बलावा हा।

1 कुरिन्थियों 2:4

अन मारा बचन अन मारा परच्यार में ग्यान की लोब वाळी बाताँ ने ही, पण वणामें परमेसर की आत्मा की तागत को सबूत हो,

गलातियों 5:22

पण आत्मा का फळ परेम, आणन्द, मेल-मिलाप, करपा, भलई, दया, धीरज,

कुलुसियों 1:8

वणी माँने भी ज्यो परेम पुवितर आत्मा थाँने दिदो हो वींने बतायो।

इब्रानियों 2:15

जतरा मोत की दरपणी में पूरा जीवन में गुलाम हे, वाँने छूड़ई ले।

1 पतरस 1:22

अबे जद्याँ थाँ हाँच ने मानता तका, हाँचा भईचारा का परेम ने बताबा का वाते आपणी आत्माने पुवितर कर लिदी हे, ईं वाते थाँ एक-दूँजा में पुवितर मनऊँ परेम करबा की मनसा बणालो।

1 यहुन्ना 4:18

ज्यो मनक परेम करे हे, वो दरपे कोयने, काँके परेम दरप ने छेटी करे हे। दरप को हण्डाळ्यो दण्ड हे। ईं वाते ज्यो मनक दरपे हे, वो मनक कदी भी पाको कोयने वे सके हे।