2 थिस्सुलुनिक्यों 1:4 - नुवो नेम (मेवड़ी नया नियम)

⁴ ईं वाते माँ खुद ईं परमेसर की मण्डली में थाँका पे मेपणो करा हा, काँके जतरा भी दुक अन कळेस हाँ, वाँने थाँ जेल्या, ईं हारी बाताँऊँ थाँके धीरज अन विस्वास का बारा में पतो चाले हे।

2 थिस्सुलुनिक्यों 1:4 Cross References

रोमियों 12:12

आपणी आस में राजी रो, दुक में हिम्मत राको। हमेस्यान परातना करता रेवो।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

रोमियों 8:25

पण जिंने आपाँ कोयने देकाँ हा, वींकी आस करा हा, तो धीरज राकन वींकी वाट भी नाळा हा।

1 कुरिन्थियों 7:17

परबू जिंने जस्यो वरदान दिदो हे अन जिंने जस्या रूप में चुण्यो हे, वींने वस्यानीस रेणो छावे। हारी मण्डळ्याँ में मूँ ओईस आदेस दूँ हूँ।

2 कुरिन्थियों 12:10

ईं तरियाँ मूँ मसी का आड़ीऊँ मारी कमजोरियाँ में, बेजत वेन में, दुक में, हताव में, तकलिप में, अबकी टेम में मूँ राजी रूँ हूँ। जद्याँ मूँ कमजोर वेवूँ हूँ, तद्याँईस मूँ जोरावर बणूँ हूँ।

2 कुरिन्थियों 7:14

थाँका वाते जीं बाताँ बड़-चड़न किदी ही, वणी वाते मने हरमा ने मरणो पड़्यो, पण जस्यान माँ थाँने हाँची-हाँची क्यो हो, वस्यानीस थाँका बारा में, में मारो मेपणो तीतूस का हामे हाँच का हाते परगट किदो हे।

2 कुरिन्थियों 7:4

मूँ थाँका पे भरोसो करूँ हूँ। मने थाँका पे मेपणो हे। थाँ मने घणी हिम्मत दिदी अन माँकी दुक तकलिपाँ में भी मूँ थाँके वजेऊँ राजी-खुसी हूँ।

2 कुरिन्थियों 9:2

काँके मूँ जाणूँ हूँ, ईं काम ने करबा का वाते थाँ हमेस्यान त्यार रेवो हो अन ईं बात ने मकिदुनिया का मनकाँ का हामे केवाऊँ मेपणो वेई के, अखाया का मनक पालाँ साल ऊँइस त्यार वेग्या हा अन थाँका काम ने देकन नरई मनकाँ ने काम करबा की हिक मली हे।

2 कुरिन्थियों 9:4

यद्याँ अस्यान ने व्यो तो जद्याँ मकिदुनिया का मनक मारा हाते, थाँका नके आई अन वीं थाँने त्यार ने देकी तो, मारा वणी विस्वास की वजेऊँ ज्यो माँ थाँकामें बतायो हो, माँने हरमा मरणो पड़ी अन थाँने तो घणोइस हरमा मरणो पड़ी।

1 थिस्सुलुनिक्यों 1:3

बापू परमेसर का हामे थाँका विस्वास का काम ने, परेम का वाते घणी मेनत ने अन परबू ईसू मसी का पाच्छा आबा की थाँकी पाकी आस ने हमेस्यान आद करा हाँ।

1 थिस्सुलुनिक्यों 2:14

हो भायाँ-बेना, थाँका हाते भी वस्यानीस व्यो जस्यान यहूदियाँ परदेस में परमेसर की मण्डली का हाते व्यो हो, काँके वीं भी ईसू मसी ने मानता हाँ। थाँने भी थाँका मनकाँऊँ वस्योईस दुक मल्यो जस्यान वाँने यहूदी लोगाऊँ मल्यो हो।

1 थिस्सुलुनिक्यों 2:19

थाँईस बतावो, माकाँ वाते माँकी आस, खुसी अन बड़ई को मुकट कूण हे? कई आपणाँ परबू ईसू का हामे वाँका आबा की टेम में थाँईस ने वेवो?

2 थिस्सुलुनिक्यों 3:5

परबू थाँका मन ने परमेसर का परेम ने हमजबा अन मसी की धिरजपणा की सगती का आड़ी बड़ावे।

इब्रानियों 10:36

अन थाँने बरदास करणो छावे, ताँके थाँ परमेसर की मरजी ने पुरी करन मोटो फळ पा सको, जिंको परमेसर वादो किदो हो।

इब्रानियों 6:12

माँ यो ने छावाँ हाँ के, थाँ आळसी बण जावो, पण वाँके जस्यान चालो, जीं विस्वास अन धिज्या का हाते वणा चिजाँ ने पारिया हे, ज्याँको परमेसर वादो किदो हो।

इब्रानियों 6:15

अणी तरियाँ धीरज का हाते वाट नाळन अबराम वो पायो, जिंको परमेसर वादो किदो हो।

याकूब 5:11

देको, आपाँ धीरज राकबावाळा ने धन्न हमजा हा। थाँ अयुब का धीरज का बारा में तो हुण्योईस हे अन परबू वींने वींको ज्यो फळ दिदो हो, यो थाँ तो जाणोइस हो, काँके परबू तरस अन दया करबावाळा हे।

2 पतरस 1:6

अन हमज में खुद ने काबू में राकबा में अन खुद ने काबू में राकबा में धीरज ने अन धीरज में परमेसर की भगती ने,

परकासितवाक्य 14:12

ज्यो भी परमेसर की आग्या माने अन ईसू पे विस्वास करे हे अणा पुवितर मनकाँ को धिज्यो ईंमेंइस हे।