1 तिमुतियूस 6:5 - नुवो नेम (मेवड़ी नया नियम)

⁵ अन वणा मनकाँ में लड़ई-जगड़ा वेवे हे जणाकी अकल मरगी हे, अन जीं हाँचऊँ छेटी वेग्या हे, वीं होचे हे के, परमेसर की सेवा धन कमावा को सादन हे।

1 तिमुतियूस 6:5 Cross References

मत्ती 12:33

“यद्याँ थाँ हव फळ पाणा छारिया हो तो थाँने एक हव रूँकड़ो लगाणो पड़ी अन बुरा रूँकड़ा लगावो तो बुरा फळइस पावो, काँके रूँकड़ो आपणाँ फळऊँ ओळक्यो जावे हे।

मत्ती 21:13

अन वाँकाऊँ क्यो, “सास्तर में लिक्यो हे, ‘मारो घर परातना को घर केवाई।’ पण, थाँ ईंने ‘चोरा को ठाणो’ बणा दिदो हे।”

मत्ती 23:13

“ओ कपटी, मूसा का नेमा ने हिकाबावाळा अन फरीसियाँ, थाँने धिकार हे! थाँ मनकाँ का वाते हरग का राज को बारणो बन्द करो हो, ने तो थाँ खुद परवेस करो हो अन ने वींमें परवेस करबावाळा ने परवेस करबा देवो हो।

1 कुरिन्थियों 11:16

पण यद्याँ कुई ईंको विरोद करणो छावे, तो मने केणो पड़ी के, आपणाँ अटे अन परमेसर की मण्डळ्याँ में अणी रिति-रिवाज ने छोड़न ओरी कई रीत ने हे।

2 थिस्सुलुनिक्यों 3:6

हो विस्वासी भायाँ, माँ थाँने परबू ईसू मसी में ओ आदेस देवा हा के, हरेक अस्या मनकाऊँ छेटी रेज्यो जीं आळकातक हे अन ज्या हिक माँ वाँने दिदी हे वींके जस्यान ने करे।

1 तिमुतियूस 1:6

थोड़ाक मनक ईं गेला ने छोड़न बेकार की बाताँ में फसग्या हे।

1 तिमुतियूस 3:3

वो दारू पियावाळो ने वेवे, लड़ई-जगड़ो करबावाळो ने वेवे, पण दयाऊँ भरियो तको अन सान्तीऊँ रेबावाळो वेणो छावे, वींको मन रिप्या-कोड़ी में ने वेवे।

1 तिमुतियूस 3:8

अणीस तरियाँ मण्डली का दास भी हाँचा अन हव वेवार का वेवे, वीं रिप्या-कोड़ी का भूका अन दारू पियावाळा ने वेवे।

1 तिमुतियूस 4:7

पण खुद ने, मनगड़त केण्याँऊँ छेटी राक, जणामें परमेसर ने हे, पण खुद ने परमेसर की सेवा में लगाया राक।

1 तिमुतियूस 4:8

देह की सेवाऊँ तो थोड़ोक नफो वेवे, पण परमेसर की सेवा तो हारी बाताँ में नफो करे हे, काँके अबाणू अन आबावाळा जीवन को वादो ईंमेंइस हे।

1 तिमुतियूस 6:6

ज्याँका नके ज्यो कई भी हे यद्याँ वो वींमें सबर राके, तो परमेसर वींने आपणी सान्ती देवे हे। पण परमेसर की सेवा सान्ती के हाते करणीइस हाँचो धन हे,

2 तिमुतियूस 3:5

वीं धरमीपणा को दिकावो तो करी, पण परमेसर की तागत ने ने मानी। अस्यान हिकबावाळा मनकाँऊँ खुद ने छेटी राक।

2 तिमुतियूस 3:8

ईं हिकबावाळा यन्नेस अन यमब्रेस का जस्यान हे, जणा मूसा को विरोद किदो हो, वस्यानीस ईं मनक हाँच को विरोद करी, ईं अस्यान का मनक हे जणाकी अकल मरगी हे अन ईं विस्वास में ने बण्या रे सकी।

तीतूस 1:11

ओ जरूरी वेग्यो हे के, वाँको मुण्डो बन्द किदो जावे, जीं ईं गलत बाताँ हिकान विस्वास्याँ का घर ने बगाड़रिया हे अन ईं हाराई नीचपणाऊँ रिप्या-कोड़ी कमावा का चकर में अस्यान करता रेवे हे।

2 पतरस 2:15

ईं हुदा गेला ने छोड़न भटग्या हे। ईं मनक बओर का बेटा बिलाम का गेला पे चालरिया हे, जिंने हराम की कमई घणी हव लागी ही।

2 पतरस 2:3

वीं लाळच की वजेऊँ थाँने दिकावटी बाताँ बोलन थाँकाऊँ धन कमाई। वाँको दण्ड तो पेल्याँऊँ परमेसर ते कर मेल्यो हे अन वाँको नास वाँकी वाट नाळरियो हे।

यहूदा 1:11

अणा मनक का वाते यो हराप वेई अन ईं केन के जस्यान वींके गेले चाले हे अन ईं बिलाम के जस्यान धन कमावा का वाते वींके जस्यान गलती करे हे। ईं वाते जस्यान कोरह का हाते जीं मनक विरोद कररिया हा, वाँको नास वेग्यो हे वस्यानीस अणाको भी नास वेई।

परकासितवाक्य 18:13

दाळ चीणी, मसाला, वाना आबावाळी धुप, रस गंध, लोबान, दाकरस, जेतुन को तेल, मेदो, गव, गाया, बळद, गारा, बकरी, रत घोड़ा। अन मनकाँ ने गुलाम बणाबा का वाते भी वसे हे।”

परकासितवाक्य 18:3

काँके वणा हाराई मनकाँ ने कुकरम का वासना को दाकरस पायो हे। अन ईं धरती का हाराई राजा वींके हाते कुकरम किदो। अन ईं धरती की हाराई लेण-देण करबावाळा, वींका भोगन विलास की वजेऊँ रिप्यावाळा वेग्या हा।”