1 तिमुतियूस 5:1 - नुवो नेम (मेवड़ी नया नियम)

¹ दाना मनकाँ ने कदी तापड़ज्ये मती, पण वाँकाऊँ आदर-मान का हाते बोलज्ये, जस्यान खुद का बापूऊँ बोले हे। मोट्यार ने खुद का भई का जस्यान हमजज्ये।

1 तिमुतियूस 5:1 Cross References

मत्ती 23:8

“पण थाँ मनकाँऊँ खुद ने ‘गरुजी’ मती केवाज्यो, काँके थाँको तो एकीस गरू हे, अन थाँ हाराई जस्यान हो।

थरप्या तका का काम 14:23

वटे की हरेक विस्वास्याँ की मण्डली में बुड़ा-ठाड़ा ने थरप्या अन वाँने वरत अन परातना करन परबू का हाताँ में हूँप दिदी, जिंपे वीं विस्वास करता हा।

थरप्या तका का काम 15:4

जद्याँ वीं यरूसलेम पराग्या, तो वटा की मण्डली का थरप्या तका अन बड़ाबा वाकाँऊँ घणा आणन्दऊँ मल्या अन वीं मनकाँ ने बतावा लागा के, परमेसर माकाँ लारे कस्या-कस्या काम किदा।

थरप्या तका का काम 15:6

तद्याँ थरप्या तका अन बुड़ा-ठाड़ा मनक वीं बात पे बच्यार करबा के वाते भेळा व्या।

थरप्या तका का काम 20:17

पोलुस मिलेतुसऊँ इपिसुस में संदेसो खन्दायो के, मण्डली में बुड़ा-ठाड़ा ने बलावो।

रोमियों 13:7

किंकी भी उदारी हे तो वींने चुका दो, अन ज्यो कर थाँने देणो हे वो दिदो। किंको जद्याँ हाँसल निकळे, तो वींने दिदो। जणीऊँ दरपणो छावे, वणीऊँ दरप। जिंको आदर करणा छावे, वींको आदर कर।

गलातियों 6:1

हो भायाँ, यद्याँ कुई मनक कस्याई पाप में पकड़यो जावे, तो ज्यो थाँ आत्मिक हो थाँने अस्यान करणो छावे के, थाँ दया-भावऊँ वींने पाछो धरम का गेला पे लाबा का वाते वींकी मदत करो, ताँके वो पाछो धरम का गेला में आ जावे। थाँ आपणाँ खुद को भी ध्यान राकज्यो के, थाँ परक में ने पड़ो।

1 तिमुतियूस 5:17

एक परदान का रूप में जतरा भी मोतबीर मनक हव काम करे हे, वीं दुणा आदर-मान के जस्यान हमज्या जावे, खास तरियाऊँ वीं ज्यो परच्यार अन हिकाबा में घणी मेनत करे हे।

1 तिमुतियूस 5:2

दानी लुगायाँ ने बई के जस्यान अन मोट्यार लुगायाँ ने पुरी खरई का हाते बेन हमजन हमजाज्ये।

तीतूस 2:2

भूण्डा मनकाँ ने हिक दे, ताँके वीं धीरज राकबावाळा, हमजदार अन खुद पे काबू राकबावाळा वेवे अन वीं विस्वास, परेम अन सेवा में पाका रेवे।

तीतूस 2:6

अस्यानीस थूँ मोट्यार छोरा ने हमजा के, वे खुद पे काबू राकबावाळा बण्या तका रेवे।

याकूब 3:17

पण ज्यो ग्यान हरगऊँ आवे हे वो हाराऊँ पेल्याँई तो पुवितर वेवे अन वींके केड़े सान्तीऊँ भरियो तको, सेण करबावाळो, बात मानबावाळो, दयाऊँ भरियो तको, हव फळवाळो अन बना पकसपात को अन बना कपट को वेवे हे।

याकूब 5:14

अन थाँकामें ज्यो कुई मांदो हे, वो मण्डली का अगुवाँ ने बलावे, जणीऊँ वीं वींके तेल मलन परबू का नामऊँ परातना करे।

1 पतरस 5:1

अबे मूँ वाँने जो थाँका मयने परदान मान्याँ जावे हे, वाँकाऊँ परातना करूँ हूँ, मूँ खुद एक दानो परदान हूँ अन जो दुक मसी जेल्यो हो वींको मूँ गवा हूँ अन आबावाळी मेमा को मूँ भागी हूँ।

2 यहुन्ना 1:1

मूँ मण्डली को अगुवो यहुन्ना, मारो ओ कागद वीं लुगई का नाम हे, जिंने परमेसर चुणी हे अन वींके बाळक का नाम भी लिकरियो हूँ, जणाऊँ मूँ वाँका हाँच पे चालबा की वजेऊँ परेम करूँ हूँ। मूँईस थाँकाऊँ परेम ने करूँ, पण वीं हाराई ज्यो हाँच ने जाणे हे, वीं भी थाँकाऊँ परेम करे हे।

3 यहुन्ना 1:1

मूँ मण्डली को मुक्यो यहुन्नो, यो कागद गयुस ने लिकरियो हूँ। जणीऊँ मूँ हाँच पे चालबा की वजेऊँ घणो परेम करूँ हूँ।

परकासितवाक्य 4:4

वीं गादी का च्यारूँमेर चोवीस गाद्‍याँ ओरी ही, वाँके ऊपरे चोवीस पुरवज बेट्या तका हा। वणा धोळा गाबा पेरन मेल्या हा अन वाँके माता पे होना का मुकट हा।