1 तिमुतियूस 4:8 - नुवो नेम (मेवड़ी नया नियम)

⁸ देह की सेवाऊँ तो थोड़ोक नफो वेवे, पण परमेसर की सेवा तो हारी बाताँ में नफो करे हे, काँके अबाणू अन आबावाळा जीवन को वादो ईंमेंइस हे।

1 तिमुतियूस 4:8 Cross References

मत्ती 12:32

ज्यो कुई मनक का पूत का विरोद में कई भलो-बुरो बात केई, वींको ओ गुनो परमेसर माप कर सके हे, पण ज्यो कुई पुवितर आत्मा का विरोद में कई केई, वाँको यो गुना ने तो ईं जुग में अन नेई आबावाळा जुग में माप किदो जाई।

मत्ती 19:29

अन जणी कणी घर, भायाँ, बेना, बाप, बई, छोरा-छोरी अन खेता ने मारा नाम का वाते छोड़ दिदा हे, वाँने हो गुणी मली। अन वो हरग में अनंत जीवन को हकदार वेई।

मत्ती 6:33

ईं वाते पेल्या थाँ परमेसर का राज ने होदो अन हाँच पे चालो, तो ईं हारी चिजाँ भी थाँने मल जाई।

मरकुस 10:30

वींने ईं जमारा मेंऊँ हो गुणा हेला घर-बार, भई-बेन, बई, छोरा-छोरी अन खेत-कूड़ा ने मली, पण हताव का हाते आबावाळा जमाना में अनंत जीवन मली।

लूका 5:38

ईंके बजाये नुवो अंगूरा को रस हमेस्यान नुवी मसका मेंईस भरियो जावे हे।

रोमियों 8:28

अन आपाँ जाणा हा के, ज्यो मनक परमेसरऊँ परेम राके हे, वणा का वाते हारी बाताँ मलन भलई लावे हे। जीं परमेसर का मकसद का जस्यान बलाया ग्या हे।

1 कुरिन्थियों 3:22

पछे पलई पोलुस वे, अपुलोस वे कन केफा हो पलई दनियाँ वे, जीवन वे कन मोत, पलई ईं आज की बाताँ वे कन आबावाळा दन की वी, हारोई थाँकोईस हे।

1 कुरिन्थियों 8:8

पण वो परसाद तो आपाँने परमेसर का नके ने लेजाई। यद्याँ आपीं ने खावा तो आपणो कई नकसाण ने वेई अन खावा तद्याँ भी आपाँने कई नफो ने वेई।

1 तिमुतियूस 4:7

पण खुद ने, मनगड़त केण्याँऊँ छेटी राक, जणामें परमेसर ने हे, पण खुद ने परमेसर की सेवा में लगाया राक।

1 तिमुतियूस 6:3

यद्याँ कुई भी सई अन आपणाँ परबू ईसू मसी की हरग की हिक ने ने माने हे अन कुई तो अलग ईं हिकावे हे,

1 तिमुतियूस 6:5

अन वणा मनकाँ में लड़ई-जगड़ा वेवे हे जणाकी अकल मरगी हे, अन जीं हाँचऊँ छेटी वेग्या हे, वीं होचे हे के, परमेसर की सेवा धन कमावा को सादन हे।

1 तिमुतियूस 6:6

ज्याँका नके ज्यो कई भी हे यद्याँ वो वींमें सबर राके, तो परमेसर वींने आपणी सान्ती देवे हे। पण परमेसर की सेवा सान्ती के हाते करणीइस हाँचो धन हे,

2 तिमुतियूस 3:5

वीं धरमीपणा को दिकावो तो करी, पण परमेसर की तागत ने ने मानी। अस्यान हिकबावाळा मनकाँऊँ खुद ने छेटी राक।

तीतूस 3:8

आ हाँची बात हे। मूँ छावूँ हूँ के, अणी मामला में थूँ खासतोर जोर देन के, जणीऊँ परमेसर पे विस्वास करबावाळा भला काम करता रेवे। ईं बाताँ मनकाँ का वाते हव अन नफा की हे।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

1 यहुन्ना 2:25

खुद मसी आपाँने अनंत जीवन देबा को वादो किदो हे।

परकासितवाक्य 3:12

ज्यो भी जिती वींने मूँ परमेसर का मन्दर को थम्बो बणाऊँ। अन वींके केड़े, वो कदी बारणे ने जाई। मूँ वींपे मारा परमेसर को नाम लिकूँ। मूँ वींपे नुवो यरूसलेम को नाम लिकूँ, जो परमेसर का हरगऊँ उतरबावाळो हे। मूँ वींपे मारो नुवो नाम भी लिकूँ।

परकासितवाक्य 3:21

ज्यो भी जिती मूँ वींने मारी हाते मारा गादी पे बेवाड़ऊँ। वस्यानीस जस्यान मूँ जित्या केड़े मारा बापू की गादी पे बेट्यो हूँ।