1 तिमुतियूस 4:16 - नुवो नेम (मेवड़ी नया नियम)

¹⁶ खुद पे अन थाँरा उपदेसा पे ध्यान दे, अन अणामें अपणेआप पाको वे, काँके अस्यान करबाऊँ थूँ खुद ने अन थने हूणबावाळा ने बंचाबा को मस वेई।

1 तिमुतियूस 4:16 Cross References

मरकुस 13:9

“आपणाँ वाते खुद हेंचेत रेवो। वे मनक थाँने पकड़न कोरट में पेस केरी अन पछे थाँने वाँका परातना घर में मारी कुटी अन मारा वाते थाँने हाकम अन राजा के आगे ऊबो वेणो पेड़ी। ईंऊँ थाँ वाँने मारो हव हमच्यार हुणा सको।

लूका 21:34

“ईं वाते थाँ हेंचेत रो, अस्यो ने वे के, थाँ खाबा-पिबा में अन दनियाँ की चन्ता-फिकर में ने पड़ जावे अन वी दन फंदा का जस्यान थाँका ऊपरे अणाचेत आ जावे।

थरप्या तका का काम 26:22

पण परमेसर की मदतऊँ मूँ आज तईं रियो हो अन फोरा-मोटा हंगळा का हामे गवई देरियो हूँ, अन वणा बाताँ के छोड़न दूजी बाताँ ने केऊँ, जो परमेसर का आड़ीऊँ बोलबावाळा अन मूसे की हे जीं पुरी वेबावाळी हे,

थरप्या तका का काम 6:4

पण, माँ तो हाराई टेम परातना अन बचन हुणबा का काम में जीव लगा देवाँ।”

रोमियों 11:14

अस्यानीस मूँ छावूँ हूँ के, कस्यान भी मारा मनकाँ में होड़ा-होड़ ला सकूँ, जणीऊँ वाँका मूँ थोड़ागणा ने बचा लूँ।

रोमियों 16:17

हो मारा भायाँ, मूँ थाँकाऊँ अरज करूँ हूँ के, थाँने ज्या हिक मली, वींके खिलाप में थाँकामें फुट नाकबावाळा अन दूजाँ का विस्वास ने बगाड़बावाळाऊँ छेटी रेज्यो।

रोमियों 2:7

थोड़ाक मनक ज्यो धीरजऊँ हमेस्यान भला काम करता आरिया हे अन मेमा, मान अन अनंत जीवन की खोज में हे वाँने परमेसर अनंत जीवन देई।

1 कुरिन्थियों 1:21

परमेसर अस्यान होच-हमजन ते कर राक्यो हो के, अणी दनियाँ का मनक आपणाँ ग्यानऊँ परमेसर ने ने जाण पाई, तो परमेसर ने ओ बड़िया लागो के, ईं तरिया परच्यार का जरिये ज्यो आपाँ कराँ हा, ज्यो परच्यार दनियाँ का मनकाँ की नजराँ में मुरकता हे, ईंपे विस्वास करबावाळा मनकाँ ने बचावे।

1 कुरिन्थियों 9:22

मूँ कमजोरा मनकाँ का वाते कमजोर बण्यो ताँके वाँका मन ने जीत सकूँ। मूँ हाराई मनकाँ का वाते हारोई बण्यो, कस्यान भी करन मूँ नरई ने बंचा सकूँ।

1 कुरिन्थियों 9:27

पण मूँ आपणी देह ने घणी मेनत करान खुद का क्या में राकूँ हूँ, ताँके कटे अस्यान ने वे जावे के, दूजाँ का उपदेस देयाँ केड़े मूँ परमेसर का आड़ीऊँ बेकार मान्यो जाऊँ।

इपिसियों 4:14

जणीऊँ आपीं आगे बाळक कोयने रेवा, ज्यो ठग मनक की ठग-वद्‍याँ अन चतुराईऊँ, भेंम की बाताँ अन छळ का उपदेस का वइराऊँ ऊछाळ्यो जावे हे अन अटने-वटने भटके हे।

कुलुसियों 4:17

अन अर्खिप्पुसऊँ केज्यो के, ज्यो सेवा परबू में वींने हूँपी हे, वींने वो जरुर पुरी करे।

1 थिस्सुलुनिक्यों 2:16

वीं मनक जी यहूदी ने हे, वाँने बंचाबा को हव हमच्यार हुणाबा का वाते आपाँने रोके हे। अस्यान करबाऊँ वाँका पाप को घड़ो भरियो हे अन परमेसर को परकोप वाँका पे आग्यो हे।

1 तिमुतियूस 1:3

जद्याँ मूँ मकिदुनिया वेन जारियो हो, वीं दाण थने इपिसुस में रेवा वाते क्यो हो, जणीऊँ थूँ कुईक मनकाँ ने आदेस देवे के, वीं जूटी हिक ने देवे।

1 तिमुतियूस 4:15

वाँ वरदान ने काम में लेतो रे अन वणामें ध्यान लगाया राक, जणीऊँ थाँरी तरकी हाराई देक सके।

1 तिमुतियूस 4:6

यद्याँ थूँ विस्वास्याँ ने आ सला देई, तो थूँ ईसू मसी को हव दास केवाई अन विस्वास की बाताँ अन खरी हिक का वजेऊँ ज्याँने थूँ मानतो आयो हे, वाँकाऊँ थूँ खुद को आत्मिक तरियाऊँ पालण-पोसण करी।

2 तिमुतियूस 2:10

अणीऊँ मूँ चुण्या तका मनकाँ का वाते हारोई जेलूँ हूँ जणीऊँ वीं भी उदार ने ज्यो ईसू मसी में हे, अन वींका हाते कदी ने खतम वेबावाळा मेमा ने पा सके।

2 तिमुतियूस 3:14

पण थूँ वणा बाताँ पे ज्यो थें हिकी हे अन ज्याँका बारा में थने पको विस्वास हे। ओ जाणन के, थने वीं बाताँ हिकाबावाळा कूण हाँ, वणामें बण्यो तको रे।

2 तिमुतियूस 4:2

परमेसर का हव हमच्यार को परच्यार कर, पलई ईंने हाराई मनक ने माने, पण ईंका केड़े भी थूँ ईंने पूरा मनऊँ करतो रे। थूँ लोगाँ ने सई कर अन वाँका पापाँ को वाँने ध्यान करान चेता। हातेई हाते वाँने उदास मती वेबा दे, वाँने सला देती दाण हमेस्यान धीरज राकज्ये।

तीतूस 1:9

वीं भी हाँचा बचना पे टक्या तका रेवे, जीं धरम-उपदेस का जस्यान सई हे। जणीऊँ वाँने खरी हिक का उपदेस देबा में अन विरोद करबावाळा को मुण्डो बन्द करबा में मदत मले।

तीतूस 2:15

अणा बाताँ ने हिकान, पूरा हक का हाते वाँको धिज्यो बन्दा अन जटे जरूत वे वटे वाँने तापड़तो रे। पण ओ ध्यान राक के, कुई थाँरी रोळ ने करे।

तीतूस 2:7

थूँ थाँरी हारी बाताँ में हव वेवार को नमुनो बण। थाँरी हिक का वाते खरो अन हूँस्यार रे।

फिलेमोन 1:19

मूँ पोलुस खुद लिकूँ हूँ के, मूँ खुद वो नकसाण भर देऊँ। मने यो केवा की जरुरत कोयने हे के, थूँ आपणाँ जीवन तईं मारो करजदार रेई।

इब्रानियों 12:15

ध्यान देता रेवो, अस्यान ने वे, कुई परमेसर की करपाऊँ छुट जावे। कन अस्यी कई फुट पड़ जावे, ज्या दुक देवे, अन वणीऊँ नरई मनक असुद बण जावे।

इब्रानियों 13:9

अलग अलग तरियाँ का अणजाणी हिकऊँ भटको मती, काँके थाँका मन का वाते यो हव के, वो खाबा-पिबा की नेमा का बजाए दयाऊँ मजबूत बणे। अन जणा खाबा-पिबा का नेमाने मान्याँ वणाऊँ वाँको कदी भलो कोनी व्यो।

याकूब 5:20

तो वो हमजी ले के, वो पापी मनक ने मोतऊँ फेर लाई अन वींकी आत्मा ने अनंत मोतऊँ बंचाई अन वींका नरई पापाँ की मापी को कारण बणी।