1 तिमुतियूस 3:7 - नुवो नेम (मेवड़ी नया नियम)

⁷ वो अस्यान को मनक वेणो छावे जिंको मण्डली का अलावा दूजाँ मनक भी मान करे, ताँके वो बदनाम ने वेवे अन सेतान का जाळ में ने फसे।

1 तिमुतियूस 3:7 Cross References

मरकुस 4:11

ईसू वाँने बतायो, “थाँने तो परमेसर का राज को भेद बता दिदो हे। पण, दूजाँ लोग ज्यो बारणे हे, वाँने वीं हंगळी बाताँ केणी में हुणाई जाई।

थरप्या तका का काम 10:22

वे बोल्या, “माँ ने फोज का सरदार कुरनेल्युस खन्दाया हे, जो एक धरमी अन परमेसरऊँ दरपबावाळो मनक हे। हाराई यहूदी मनकाँ में वींको घणो मान-समान हे। वींने परबू के हरग-दुत क्यो के, वो थाँने आपणाँ घरे बलावे अन जो थें केवो, वो हुणे।”

थरप्या तका का काम 22:12

तद्याँ वटे हनन्या नाम को वेवस्ता ने मानबावाळो एक मनक हो, जिंकी वटे रेबावाळा हंगळा यहूदियाँ में हव पेट ही,

थरप्या तका का काम 6:3

ईं वाते ओ भई-लोगाँ, थाँ आपणाँ मूँ मोतबीर, पुवितर आत्माऊँ भरिया तका अन हव अकलवाळा हात मनकाँ ने थरप लो, ताँके माँ वाँने ओ काम हूँप सका।

1 कुरिन्थियों 10:32

थाँ कदी भी ने तो यहूदियाँ अन ने ज्यो यहूदी ने हा अन ने परमेसर की मण्डळ्याँ का वाते ठोकर का मस बणज्यो।

1 कुरिन्थियों 5:12

ज्यो अविस्वासी हे, मण्डळ्याँ का ने हे, वाँको न्याव करबा में मारो कई काम? कई थाँने वणाकोईस न्याव करणो छावे जीं मण्डळ्याँ का हे?

2 कुरिन्थियों 6:3

माँ कणी का वाते ठोकर ने बणा, जणीऊँ किंने भी माँकी सेवा में कई कमी ने मले।

2 कुरिन्थियों 8:21

काँके ज्यो बाताँ परबू की देकणी मेंईस ने पण मनकाँ की देकणी में भी सई हे, माँ वणा बाताँ की चन्ता कररिया हा।

कुलुसियों 4:5

हाराई मोका ने हव तरियाऊँ काम में लेता तका अविस्वासी मनकाँ का हाते हव अकलऊँ वेवार करो।

1 थिस्सुलुनिक्यों 4:12

जणीऊँ थाँने बना विस्वास करबावाळाऊँ आदर-मान मले अन थाँने कणी बात की कमी ने रेवे।

1 थिस्सुलुनिक्यों 5:22

हारी तरियाँ की बुरईऊँ बचन रेवो।

1 तिमुतियूस 3:6

वो विस्वास में पाको वेणो छावे, काँके कटे अस्यान ने वेवे के, वो सेतान के जस्यान मेपणो करन दण्ड पावे।

1 तिमुतियूस 5:14

ईं वाते मूँ छावूँ हूँ के, मोट्यार विदवा लुगई ब्याव करन बाळक जनमे, अन आपणाँ घर की देक-रेक करे, जणीऊँ वाँ आपणाँ दसमणा ने आपणाँ खिलाप बुरो केवाँ को मोको ने देवे।

1 तिमुतियूस 6:9

पण ज्याँने धन भावे, वीं लाळच अन उजाड़ करबावाळी बुरी मरजी में पड़ी, ज्या मनक ने बरबादी अन नास का गेला में नाके हे।

2 तिमुतियूस 2:26

अन वीं चेतो लगान, सेतान का जाळऊँ बंच जावे, ज्यो वाँने आपणी मरजी मानबा का वाते पकड़न राके हे।

तीतूस 2:5

वीं खुद पे काबू राकबावाळी, पुवितर, भली अन आपणाँ धणी का क्या में चालबावाळी, घर ने बणाबावाळी हव लुगई वे, जणीऊँ कुई भी परमेसर का नकेऊँ आबावाळा हमच्यार का बारा में बुरा ने बोले।

तीतूस 2:8

अस्यी मिटी बोली बोल के, जिंपे कुई आँगळी ने तोके। थाँरा दसमण हरमा मरे जणीऊँ वाँने आपणाँ बारा में बुरो केवा को मोको ने मले।

3 यहुन्ना 1:12

दिमेत्रियुस का बारा में जाणबावाळा हाराई वींका बारा में हव गवई दिदी हे अन ओ हाँच भी हे। माँ खुद भी वींकी गवई देवाँ हा। थाँ तो जाणोइस हो, मारी गवई हाँची हे।