1 तिमुतियूस 3:2 - नुवो नेम (मेवड़ी नया नियम)

² एक मण्डली को परदान बना दोसवाळो वेणो छावे, वींके एकीस लुगई वे, खुद ने बंस में राकबावाळो, धीरज करबावाळो अन मरयादा में रेबावाळो, वो आपणाँ घर में अणजाण की भी आवभगत करे, वो हिकावाबाळा वेवे।

1 तिमुतियूस 3:2 Cross References

लूका 1:6

वीं दुई परमेसर की देकणी में घणा धरमी हा। अन परमेसर की आग्या को अन वींका नेमाँ को वीं पुरी तरियाऊँ पालण करता हा।

लूका 2:36

असेर गोत में फनुएल की बेटी परमेसर का आड़ीऊँ बोलबावाळी ही। वींको नाम हन्ना हो अन वाँ डोकरी ही। वाँ पन्याँ केड़े आपणाँ धणी का लारे खाली हात वर तईं री ही।

रोमियों 12:13

परमेसर का मनकाँ की जरुरत में वाँकी मदत करो। मेमान की आवभगत करबा को मोको होदता रेवो।

फिलिपियों 2:15

ताँके थाँ ईं टेड़ी अन नसंगी हुगली पीड़ी का बचमें परमेसर का खरा, स्यवकार अन बना दोस का छोरा-छोरी वे जावो। थाँ अस्यी दनियाँ में तारा के जस्यान चमको,

1 तिमुतियूस 3:12

मण्डली का दास के, एकीस लुगई वेवे अन वो आपणाँ बाळकाँ अन आपणाँ परवार ने सई तरियाऊँ चलाबावाळो वेवे।

1 तिमुतियूस 3:8

अणीस तरियाँ मण्डली का दास भी हाँचा अन हव वेवार का वेवे, वीं रिप्या-कोड़ी का भूका अन दारू पियावाळा ने वेवे।

1 तिमुतियूस 4:3

अस्यान का मनक ब्याव करबा ने गलत अन खाबा की कई चिजाँऊँ रका राकबा की हिक देई, पण परमेसर वणा चिजाँ ने ईं वाते बणई के, विस्वास अन हाँच ने जाणबावाळा वाँने परमेसर को धन्नेवाद देन खावे।

1 तिमुतियूस 5:10

अन जिंको हव काम करबा में नाम मान्यो तको वे, अन ज्या आपणाँ बाळकाँ ने हव तरिया पालण किदो वे, जणी अणजाण की भी सेवा किदी वे, परमेसर का लोगाँ की आपणाँ घर में आवभगत किदी वे, दकी मनकाँ की मदत किदी वे, अन जणी खुद हाराई भला काम करबा में आपणो मन लगायो वे।

1 तिमुतियूस 5:22

लोगाँ का माता पे आसिरवाद देबा का वाते हात मेलन वाँने परमेसर की सेवा में देबा का वाते आगत मती करज्ये। दूजाँ का पाप में भेळो मती वेज्ये, खुद ने खरो बणान राकज्ये।

1 तिमुतियूस 5:9

बेस वणी विदवा लुगई को नामइस सेवा करबा की पोती में लिकज्यो, ज्या हाठ वराऊँ कम ने वेवे, अन वणी एक दाणइस ब्याव किदो तको वेवे।

2 तिमुतियूस 2:24

परमेसर को दास लड़बावाळो ने, पण हाराई पे दया दिकाबावाळो, धीरज राकबावाळो अन हिक देबा जोगो वेणो छावे।

तीतूस 2:2

भूण्डा मनकाँ ने हिक दे, ताँके वीं धीरज राकबावाळा, हमजदार अन खुद पे काबू राकबावाळा वेवे अन वीं विस्वास, परेम अन सेवा में पाका रेवे।

इब्रानियों 13:2

अणहेन्दा की आवभगत करणी मती भुलो, काँके अस्यान करता तकाईस नरई लोगाँ अणजाण में हरग-दुताँ की आवभगत किदी हे।

इब्रानियों 3:14

यद्याँ आपीं अंत तईं आपणाँ पेला विस्वास में मजबूत रेवा हा, तो आपीं मसी में भागीदार वे जावा हा।

1 पतरस 4:7

वाँ टेम नके हे, जद्याँ हारोई नास वे जाई। ईं वाते थाँ हमजदार बणो अन खुद ने बंस में राको, जणीऊँ थाँने परातना करबा में मदत मले।

1 पतरस 4:9

बना बड़बड़ करिया, थाँ एक दूजाँ की आवभगत करिया करो।

1 पतरस 5:8

थाँ हूँस्यार रेवो अन जागता रेज्यो, काँके थाँको दसमण सेतान दहाड़ करबावाळो नार की जस्यान ईं भाळ में हे के, वो थाँने फाड़न खावे।