1 तिमुतियूस 3:16 - नुवो नेम (मेवड़ी नया नियम)

¹⁶ कुई ने नट सके के, आपणाँ धरम को भेद कस्यो मोटा हे, वो ज्यो मनक का रूप में परगट व्यो, पुवितर आत्मा जिंने धरमी बतायो, अन हरग-दुत जिंने देक्यो, देसा देसा में वींको परच्यार करियो ग्यो, दनियाँ में वींपे विस्वास करियो ग्यो, अन मेमावान हरग में उठा लिदो ग्यो।

1 तिमुतियूस 3:16 Cross References

मत्ती 1:23

“देको, एक कूँवारी गरबवती वेई अन एक बेटा ने जनम देई, अन वींको नाम इम्मानुएल राक्यो जई,” जिंको मतलब हे, “परमेसर आपणी हाते हे।”

मत्ती 13:11

वणी क्यो, “थाँने हरग का राज का भेद की हमज दिदी हे पण अणा लोगाँ ने ने दिदी हे।

मत्ती 28:2

अन वटे अणाचेत को एक मोटो भूकम आयो, काँके परबू को एक दूत हरगऊँ आयो अन वाँका नके आन वो भाटो तोकन हरका दिदो, अन वींपे बेटग्यो।

मत्ती 3:16

अन तद्याँ ईसू बतिस्मो लिदो अन जस्यानी वो पाणीऊँ बारणे आयो तो आकास खुलग्यो अन वणी परमेसर की आत्माने एक परेवड़ा का जस्यान रेटे उतरती अन आपणाँ माता पे आती देकी।

मत्ती 4:11

पछे सेतान ईसू ने छोड़न भागग्यो अन हरग-दुत आन वाँकी सेवा-चाकरी करबा लागा।

मरकुस 1:13

जटे चाळी दनाँ तईं सेतान वींकी जाँच-परक करतो रियो। वटे वीं हुन्ना काँकड़ का जनावराँ का लारे हा अन हरग-दुत वाँकी सेवा-चाकरी करता हाँ।

मरकुस 16:19

जदी परबू ईसू वाँकाऊँ बात कर लिदी, तो वे हरग में उठा लिदा ग्या। वो परमेसर का जीमणा पाल्ड़े जान बेटग्या।

मरकुस 16:5

पछे जदी वे कबर में गी, तो वाँकाणी देक्यो एक मोट्यार धोळा-फट गाबा पेरिया जीमणा पाल्ड़े बेटो हे, तो वे दरपगी।

लूका 2:32

वो जी यहूदी ने हे, वाँका वाते थाँकी मुगती को गेलो बताबावाळो उजितो अन थाँका इजराएल का मनकाँ ने मेमा देबावाळो हे।”

लूका 20:44

“ईं तरियाँ दाऊद तो मसी ने ‘परबू’ केवे हे, तो पसे वो वींकी ओलाद कस्यान वे सके?”

लूका 22:43

तद्याँ एक हरग-दुत वटे परगट व्यो अन वाँने धिज्यो बंदायो।

लूका 24:4

तद्याँ वे ईं बातऊँ दरप अन संका में आगी ही अन देको अणाचेत का वाँका नके चमकता तका गाबा पेरियाँ तका दो मनक आन ऊबा वेग्या।

लूका 24:51

अन पसे आसिरवाद देतो तको ईसू वाँकाऊँ न्यारो वेन हरग में उठा लिदो ग्यो।

यहुन्ना 1:14

अन बचन देह रूप धारण लिदो अन दया अन हाँचऊँ भरियो-पुरयो वेन आपणाँ बचमें वास किदो। आपाँ वींकी अस्यी मेमा देकी, या बापू परमेसर का एकाएक बेटा की मेमा ही।

यहुन्ना 13:3

ईसू, यो जाणता हा के, “परमेसर हारोई मारा हाताँ में कर दिदो हे अन मूँ परमेसर का नकेऊँ आयो हूँ अन परमेसर का नके जावूँ हूँ।”

यहुन्ना 15:26

“पण जद्याँ वो हण्डाळी आई, जिंने मूँ थाँका नके बाप का आड़ीऊँ खन्दाऊँ, ईंको मतलब हाँच की आत्मा ज्यो बाप का आड़ीऊँ हे, तो वाँ मारी गवई देई।

यहुन्ना 16:28

हा, मूँ परमेसर का आड़ीऊँ ईं दनियाँ में आयो अन अबे ईं दनियाँ ने छोड़न बापू का नके जारियो हूँ।”

यहुन्ना 17:5

अन अबे हो बापू, थूँ आपणाँ हाते मारी मेमा वीं मेमाऊँ करज्यो दनियाँ का बणावाऊँ पेल्याई आपणाँ हाते ही।

यहुन्ना 20:12

अन जटे ईसू की लास मेली ही, वटे दो हरग-दुताँ ने चमकण्या गाबा पेरया तका एक ने तो हराणे अन दूजाँ ने पगात्याँ बेटा देक्या।

यहुन्ना 6:62

अन यद्याँ थाँ मनक का पूत ने जटे वो पेल्याँ हो, वीं जगाँ पाछो ऊपरे हरग में जाता तको देको, तो कई करो?

थरप्या तका का काम 1:19

आ बात यरूसलेम में रेबावाळा हाराई जणा जाणग्या हा। ईं वाते वीं खेत ने वाँकी बोली में हकेलदामा केता हा जिंको मतलब हे, “लुई को खेत”।

थरप्या तका का काम 10:34

पछे पतरस बोलबा लागो के, “अबे हाँचई में मूँ हमजग्यो हूँ के, परमेसर कई दूज-भराँत ने करे।

थरप्या तका का काम 14:27

जदी वणा वटे जान वटा की विस्वास्याँ की मण्डली का मनकाँ ने भेळा किदा, अन जो काम परमेसर वाँका हाते किदो हो वींने बतायो, अन केबा लागा के जो यहूदी ने हे, वाँका वाते भी विस्वास करबा ने परमेसर गेलो खोल नाक्या हे।

थरप्या तका का काम 20:28

ईं वाते थाँ आपणो अन आपणी हाराई गारा को ध्यान राको जिंने पुवितर आत्मा थाँका हात में हुप्याँ हे के, थाँ परमेसर की मण्डली की रुकाळी करो, ज्याँने परमेसर आपणाँ बेटा का लुईऊँ मोल लिदी हे।

रोमियों 10:12

यहूदी मनकाँ में अन ज्यो यहूदी ने हे वाँ मनकाँ में कई फरक ने हे, काँके वीं हाराई को एकीस परबू हे। अन वींकी मान दया वाँ हाराई वाते हे ज्यो वींको नाम लेवे हे।

रोमियों 10:18

पण मूँ बोलूँ हूँ, “कई वणा उपदेस ने हुण्यो?” हा, पकोई हुण्यो। सास्तर बोले हे, “वाँकी अवाज हारी धरती पे फेलगी, अन वाँका बचन धरती का ईं खुणाऊँ वीं खुणा तईं पोंछग्यो हे।”

रोमियों 16:25

परमेसर की बड़ई वेवे। ईसू मसी का हव हमच्यार जिंको मूँ परच्यार करूँ हूँ, ईंके अन परमेसर को अबाणू परगट किदो ग्यो ईं भेंद जस्यान जिंको हाँच जुग-जुगऊँ हप्यो तको हे, वींके जस्यान परमेसर थाँने गाटा बणाबा में तागतवर हे।

रोमियों 16:26

पण जिंने हमेस्यान बण्या रेबावाळा परमेसर की आग्याऊँ परमेसर की आड़ीऊँ बोलबावाळा का लेकाँ का जरिये ज्यो यहूदी ने हे, वाँ हाराई मनकाँ में परगट करन बता दिदो ग्यो हे जणीऊँ वीं विस्वास करन आग्या माने।

रोमियों 3:4

कदी भी अस्यान ने वेवे, यद्याँ हाराई मनक जूटा हे, तो भी परमेसर हाँचा हे। जस्यान सास्तर में लिक्यो तको हे के, “जणीऊँ थूँ थाँरी बाताँ में धरमी वेवे अन न्याव करती टेम में थूँ जे पावे।”

रोमियों 8:3

काँके ज्यो काम नेम मनकाँ का पापी हाव-भाव का मस कमजोर वेन ने कर सक्या, वो काम परमेसर किदो, मतलब ओ के, परमेसर आपणाँ बेटा ने आपणी जस्यान पाप की देह में आपणाँ पाप का वाते बली वेबा का वाते खन्दायो। जणीऊँ वो पापी देह में पाप ने दण्ड दिदो।

रोमियों 9:5

बड़ाबा भी वाँकाऊँ सम्बधं राके हे अन मनक का रूप में मसी वाँका मेंईस जनम्याँ हा, ज्यो हाराई को परमेसर हे अन हमेस्यान धन्न हे। आमीन।

1 कुरिन्थियों 15:47

पेलो मनक धरती का गाराऊँ बणायो ग्यो हो पण दूज्यो मनक ज्यो मसी हे, वो हरगऊँ आयो हो।

1 कुरिन्थियों 2:7

पण आपाँ परमेसर का वीं भेद का ग्यान ने बतावा हा ज्यो मनकाँऊँ छाने हो, जिंने परमेसर सरुवातऊँ आपणाँ हाराई की मेमा का वाते ठेरायो हे।

2 कुरिन्थियों 1:19

काँके थाँका बचमें में अन सिलवानुस, तिमुतियुस परमेसर का बेटा ईसू मसी को ज्यो परच्यार किदो हो, वो हाँ अन ने में कोयने किदो हो पण वो ईसू मसी में हाँ मेंईस हो।

गलातियों 2:8

काँके जणा पतरसऊँ यहूदी मनकाँ में परच्यार को काम मोटा रूपऊँ करवायो, वस्यानीस वणा माराऊँ भी ज्यो यहूदी ने हे वणा लोगाँ में काम करवायो।

गलातियों 4:4

पण जदी ते किदो टेम पूरो वेग्यो, तो परमेसर आपणाँ छोरा ने आपणाँ नके खन्दायो, ज्यो एक कूँवारी लुगईऊँ जनम्यो अन मूसा का नेमाँ का केबा में रियो।

इपिसियों 1:9

वाँका मरजी का राज ने आपणाँ में परगट किदो, जिंने ईसू मसीऊँ पूरो करबा का वाते वणा पेल्याइस खुसीऊँ ते कर लिदो हो।

इपिसियों 6:19

अन मारा वाते भी अरज करज्यो, ताँके जद्याँ मूँ बोलूँ वीं दाण परमेसर मने अस्यो बचन देवे के, मूँ हिम्मत राकन हव हमच्यार को भेंद बता सकूँ।

कुलुसियों 1:23

ओ तद्याँ वेवे हे जद्याँ थाँ विस्वास में अटल बण्या रेवो अन ज्यो हव हमच्यार थाँ हुण्यो हो वणीऊँ मली तकी आस में गाटा बण्या तका रेवो। अणी हव हमच्यार को परच्यार आकास का रेटे हारी दनियाँ में व्यो हे। अन मूँ पोलुस ईंको सेवक हूँ।

कुलुसियों 1:27

वाँ बात परमेसर जिंका पे परगट करणो छारिया हो, वाँने ध्यान वीं जावे के, वीं परमेसर की मेमा को मोल हाराई मनकाँ में कई हे, अन वाँ बात आ हे के, मसी ज्यो मेमा की आस हे वाँ थाँकामें बणी तकी रेवे हे।

कुलुसियों 2:2

मूँ यो ईं वाते करूँ हूँ, ताँके वाँका मन ने हिम्मत मले अन थाँ आपस में परेमऊँ बन्द जावो, जणीऊँ थाँ पुरी हमजऊँ हारोई धन पा लेवो अन बापू परमेसर का भेदऊँ भररियो हाँच ने, मतलब ईसू मसी ने जाण ले।

2 थिस्सुलुनिक्यों 1:10

ओ वीं दन वेई जद्याँ वो आपणाँ हाराई पुवितर मनकाँऊँ जतरा वींपे विस्वास करी मेमा अन आदर-मान लेवा आई। तो थाँ भी वाँका में भेळा वेवो, काँके माँ ज्यो हव हमच्यार थाँने बतायो हे, वींको थाँ विस्वास किदो हे।

2 थिस्सुलुनिक्यों 2:7

काँके पाप को भेद अबाणू भी काम करतो जारियो हे, पण अबाणू तईं वींने एक रोकबावाळो हे अन ओ ईंने जद्याँ तईं रोक्यो राकी, तद्याँ तईं रोकबावाळो छेटी ने वे जावे।

1 तिमुतियूस 3:9

वीं विस्वास का हाँच ने सई मनऊँ बताबावाळा वेणा छावे।

इब्रानियों 1:3

वो बेटो परमेसर की मेमा को उजितो हे अन जस्यान परमेसर का लकण हे, वस्यानीस वींका भी लकण हे। वो हारी चिजाँ ने आपणाँ जबरा बचनाऊँ हमाळी राके हे। मनकाँ का पापाँ ने माप करन वो हरग में जान मेमामय परमेसर का जीमणे पाल्डे बेटग्यो हे।

इब्रानियों 12:2

विस्वास का मालिक अन वींने सिद करबावाळा ईसू मसी का आड़ी आपाँ देकता रा। जणी आपणाँ हामें राक्या तका आणन्द का वाते लाज-सरम की चन्ता ने किदी अन हूळी पे दुक जेल्यो अन परमेसर की गादी के जीमणे पाल्डे जान बेटग्यो।

इब्रानियों 7:7

ईंमें कई सक ने के, मोटो फोरा ने आसिरवाद देवे हे।

इब्रानियों 8:1

ज्यो कई आपाँ केरिया हा, वणा मूँ खास बात तो या हे के, आपणाँ नके एक अस्यो मायाजक हे ज्यो हरग में मेमावान परमेसर का गादी का जीमणा पाल्डे बेट्यो तको हे।

1 पतरस 1:12

वाँने यो भी दरसावो व्यो के, जीं बाताँ का बारा में वीं बताता तका सेवा किदी ही, वणीऊँ वीं खुद की सेवा ने कररिया हे, पण थाँकी सेवा कररिया हा। वीं बाताँ थाँने हरगऊँ खन्दई तकी पुवितर आत्मा के वजेऊँ हव हमच्यार ने हुणाबावाळा का जरिये पेल्याँई बता दिदी गी ही। ईं बाताँ ने जाणबा का वाते तो हरग-दुत भी तरसे हे।

1 पतरस 1:20

वींने ईं धरती की रचना वेबाऊँ पेल्याँई चुण लिदो ग्यो हो, पण थाँ लोगाँ का वाते आकरी दनाँ में वींने परगट किदो ग्यो।

1 पतरस 1:21

थाँ भी मसी का वजेऊँईस परमेसर पे विस्वास करो हो, जणा वाँने मरिया तका मेंऊँ पाछो जीवतो कर दिदो अन वींने मेमा भी दिदी। ईं वाते थाँको विस्वास अन थाँकी आस परमेसर में गाटी बणी तकी रेवे।

1 पतरस 3:18

काँके मसी भी आपणाँ पापाँ का वाते दुक जेल्यो हो। ईंको मतलब ओ हे के, वो निरदोस हो तो भी वो आपणाँ पाप का वाते एक दाण मरग्यो, जणीऊँ वो आपाँने परमेसर का नके ले जावे। वो देह का रूप में तो मरग्यो, पण आत्मिक रूप में जिवायो ग्यो हे।

1 पतरस 3:22

वो हरग में परमेसर का जीमणा पाल्डे बेट्यो तको हे, अन अबाणू हरग-दुत, अदिकारी अन हारी सगत्याँ वींके बंस में कर दिदी गी हे।

1 यहुन्ना 1:2

वीं जीवन को ग्यान आपाँने करायो ग्यो। आपाँ वींने देक्यो। आपीं वींका गवा हा अन अबे थाँने भी वींके बारा में बतावा हाँ, ज्यो बापू परमेसर का हाते हे अन आपाँ पे परगट व्यो हो।

1 यहुन्ना 3:5

थाँ ओ तो जाणो हो के, मसी लोगाँ का पापाँ ने धोवा का वाते परगट व्या हो अन वींके मयने कई पाप कोयने हे।

1 यहुन्ना 3:8

ज्यो भी मनक पाप करतो रेवे हे, वो सेतान को हे, काँके सेतान सरुआतऊँ पाप करतो आयो हे। ईं वाते तो परमेसर को बेटो परगट व्यो, ताँके वो सेतान का कामाँ ने नास कर देवे।

परकासितवाक्य 17:5

वींके माता पे एक भेद वाळो नाम लिक्यो हो, “मोटा नगर बाबुल, धरती की वेस्याँ अन हुगली चिजाँ की बई।”

परकासितवाक्य 17:7

तद्याँ वीं हरग-दुत माराऊँ क्यो, “थूँ अचम्बो में काँ पड़ग्यो? मूँ थने ईं लुगई अन वीं डरावणा जनावर का बारा में जिंका हात माता अन दस हिंगड़ा हे, वींको भेद बताऊँ।

परकासितवाक्य 7:9

ईंका केड़े में कई देक्यो के, मनकाँ का मोटी भीड़ हे जिंने कुई भी गण ने सके, वीं भीड़ में हारी जात्या का, हाराई कुल का, हारी बोली बोलबावाळा अन हाराई देसा का मनक हा, वीं वणी गादी अन उन्याँ का हामे ऊबा हा, वणा धोळा गाबा पेर मल्या हा अन हाताँ में खजुर की डाळ्याँ ले राकी ही।