1 तिमुतियूस 3:13 - नुवो नेम (मेवड़ी नया नियम)

¹³ वीं दास ज्यो आपणो काम सई करे हे वीं खुद का वाते हव पद पाई अन वीं आपणाँ विस्वास का बारा में ज्यो ईसू मसी पे हे, वींने खुलन हिम्मत का हाते बोल सकी।

1 तिमुतियूस 3:13 Cross References

मत्ती 20:28

जस्यान के मनक को पूत ईं वाते ने आयो के, वींकी सेवा-चाकरी किदी जावे पण ईं वाते आयो के, नरई ने छुड़ाबा का वाते आपणी जीव देवे।”

मत्ती 25:21

“वींके मालिक वणीऊँ क्यो, ‘धन हे हव अन विस्वास जोगा दास, थूँ थोड़ा में विस्वास जोगो रियो। मूँ थने नरई चिजाँ को हकदार बणाऊँ। आपणाँ मालिक का घर में जान खुसी मना।’

लूका 19:17

वणी वींने क्यो, ‘धन्न हे हव दास, थने धन्न हे। थूँ थोड़ाक मेई विस्वास राक्यो। अबे थूँ दस ठिकाणा ऊपरे अदिकार राकी।’

थरप्या तका का काम 21:35

जद्याँ वीं पंगत्याँ तईं ग्या, तो अस्यान व्यो के वींने ऊसे तोकन ले जाणो पड़्यो, काँके वींका पाच्छे लोगाँ की भीड़ गुस्सा में हाका-भार करती तकी आरी ही।

थरप्या तका का काम 6:15

जद्याँ पछे यहूदी मोटी सबा में बेटा तका हारई लोग-बागाँ वींने धारन देक्यो के, वींको मुण्डो हरग-दुत जस्यान हो।

थरप्या तका का काम 6:5

आ बात हारी मण्डली के आसे आगी अन वाँकाणी परमेसर पे विस्वास राकबावाळो अन पुवितर आत्माऊँ भरियो तको इस्तीपनुस नाम को एक मनक ने, अन फिलिपुस, परखुरूस, नीकानोर, तीमोन, परमिनास अन यहूदी धरम में आया तका अन्ताकियावासी नीकुलायस ने थरप लिदा।

थरप्या तका का काम 6:8

इस्तीपनुस परमेसर की करपा अन सगतिऊँ भरियो तको मनक हो, वो लोग-बागाँ में मोटा-मोटा अचम्बा का काम अन अनोका हेन्याण बतातो हो।

1 कुरिन्थियों 16:15

थाँ स्तिपनूस का घराणा का बारा में तो जाणो हो के, वीं अखाया में मसी पे विस्वास करबाबाळा पेला मनक हे। वणा परबू का भगताँ की सेवा करबा का वाते काम तोक्यो हे। ईं वाते ओ विस्वासी भायाँ मूँ थाँकाऊँ अरज करूँ हूँ,

फिलिपियों 1:14

मारो जेळ में रेवा का मस परबू पे विस्वास राकबावाळा नरई भायाँ की हिम्मत बड़गी अन वाँको धिज्यो हव हमच्यार ने बना दरप्या हुणाबा का वाते नरोई बड़ग्यो हे।

1 थिस्सुलुनिक्यों 2:2

थाँ ओ भी जाणो हो के, थिस्सुलुनिक्यों आबाऊँ पेल्याँ फिलिप्पी नगर में माँ दुक उटायो अन बेजत व्या, पछे भी माँने परमेसर का आड़ीऊँ अस्यान की हिम्मत मली के, थाँने हव हमच्यार हूणावाँ।

1 तिमुतियूस 3:14

मूँ जट थाँरा नके आन मलबा की आस राकूँ हूँ, पण अबाणू तो मूँ ओ कागद लिकरियो हूँ,

2 तिमुतियूस 2:1

परबू में मारा बेटा तिमुतियुस, ईसू मसी में परमेसर जस्यी दया थाँरा पे दिकई हे, वींके जस्यान पाको बण्यो तको रे।

इब्रानियों 6:10

काँके परमेसर अन्यायी ने हे, के थाँका काम अन वीं परेम ने भुल जावे, ज्यो थाँ वींका नाम का वाते बतायो हे के, थाँ पुवितर लोगाँ की सेवा-चाकरी किदी अन कररिया हो।