1 तिमुतियूस 2:2 - नुवो नेम (मेवड़ी नया नियम)

² राजा माराजा अन हाराई अदिकारियाँ का वाते परमेसरऊँ परातना किदी जावे, ताँके आपाँ सक-चेन अन सान्ती का हाते भगती अन खरईऊँ परमेसर वाते जीवन जी सका।

1 तिमुतियूस 2:2 Cross References

लूका 1:6

वीं दुई परमेसर की देकणी में घणा धरमी हा। अन परमेसर की आग्या को अन वींका नेमाँ को वीं पुरी तरियाऊँ पालण करता हा।

लूका 2:25

वीं टेम यरूसलेम में समोन नाम को एक मनक हो, वो धरमी अन भगत हो। वो इजराएल की सान्ती की वाट नाळरियो हो अन पुवितर आत्मा वींका हाते ही।

थरप्या तका का काम 10:22

वे बोल्या, “माँ ने फोज का सरदार कुरनेल्युस खन्दाया हे, जो एक धरमी अन परमेसरऊँ दरपबावाळो मनक हे। हाराई यहूदी मनकाँ में वींको घणो मान-समान हे। वींने परबू के हरग-दुत क्यो के, वो थाँने आपणाँ घरे बलावे अन जो थें केवो, वो हुणे।”

थरप्या तका का काम 24:16

ईं वाते मूँ भी परमेसर अन लोगाँ के हामे हमेस्यान आपणी अंतर आत्माने पुवितर राकबा के वाते कोसीस करतो रेऊँ हूँ।

रोमियों 12:18

जटे तईं वेवे, हाराई मनकाँ का हाते सान्तीऊँ रेवो।

फिलिपियों 4:8

आकरी में हो भायाँ, ज्यो ज्यो बाताँ हाँची हे अन ज्यो ज्यो बाताँ आदर करबा जस्यी हे अन ज्यो ज्यो बाताँ सई हे अन ज्यो ज्यो बाताँ ऊजळी हे अन ज्यो ज्यो बाताँ हुवावणी हे अन ज्यो ज्यो बाताँ हव गुण, बड़ई अन बड़िया हे वाँपे ध्यान लगाया करो।

1 थिस्सुलुनिक्यों 4:11

जस्यान माँ थाँने क्यो हो, वस्यानीस छाना-माना रेवो अन आपणाँइस काम पे ध्यान देन आपणाँ हातऊँ कमान खाबा की कोसीस करता रेवो।

इब्रानियों 12:14

हाराई का हाते सान्ती का हाते रेवा वाते अन पुवितर वेबा का वाते हरेक तरियाऊँ कोसीस करता रेवो। काँके बना धारमिकता के कुई भी परबू का दरसण ने कर सकी।