1 तिमुतियूस 1:12 - नुवो नेम (मेवड़ी नया नियम)

¹² मूँ आपणाँ परबू ईसू मसी जणा मने तागत दिदी हे वींको गुणगान करूँ हूँ, काँके वणा मने विस्वास जोगो हमजन मने आपणी सेवा वाते चुण्यो हे।

1 तिमुतियूस 1:12 Cross References

मत्ती 20:4

अन वणीऊँ क्यो, ‘थूँ भी मारा बाग में जा अन ज्यो कई थने हव लागी, थने देऊँ।’ अस्यान वो भी परोग्यो।

यहुन्ना 5:23

ईं वाते हाराई लोग-बाग जस्यान परमेसर को आदर-मान करे हे वस्यानीस मारो भी आदर-मान केरी। ज्यो मारो आदर-मान ने करे हे, वीं वणा परमेसर को भी आदर-मान ने करी, जणा मने खन्दायो हे।

थरप्या तका का काम 16:15

जदी वा लुगई अन वींका परवारवाळा हंगळा हाते बतिस्मो लिदो तो वणी माँकी मनवार किदी के, “यद्याँ थाँ मने परमेसर में विस्वास करबावाळी लुगई हमजो, तो अटूँ मारे हाते चालो अन मारे घरे रो।” जद्याँ तईं माँ राजी ने व्या, तद्याँ तईं वा मनवार करतिइस री।

थरप्या तका का काम 9:15

पण, परबू वींने क्यो, “थूँ जा। काँके ईं मनक ने हारी जात्या, राजा अन इजराएल का लोगाँ में मारो नाम फेलाबा वाते चुण्यो हे।

थरप्या तका का काम 9:22

पण, साउल अणीऊँ भी हेली सगतिऊँ परच्यार करतो हो के, दमिसक में रेबावाळा यहूदियाँ की बोलती बन्द कर देतो हो अन ओ साबत करन केतो हो के, “ईसू ईं मसी हे।”

1 कुरिन्थियों 15:10

अन आज मूँ ज्यो कई भी हूँ परमेसर की दयाऊँ हूँ अन वींकी दया मारा वाते बेकार ने गी। काँके में दूजाऊँ हेली मेनत किदी हे, पण परमेसर की दया मारा पे हे जणीऊँ मूँ अस्यान कर सक्यो हूँ।

1 कुरिन्थियों 3:5

ओ बतावो अपुलोस कूण अन पोलुस कूण हे? बेस माँ तो परबू का सेवक हाँ, ज्याँके वजेऊँ थाँ विस्वास किदो हो। माकाँ मूँ हाराई बेस वोईस काम कर हे ज्यो परबू माने हूँप्यो हे।

1 कुरिन्थियों 7:25

कूँवारी लुगायाँ का बारा में परबू की कस्यी आग्या मने ने मली हे, पण विस्वास के जोगो वेबा का वाते ज्या दया परबू मारा पे किदी हे, वींके जस्यान मूँ थाँने सला दूँ हूँ।

2 कुरिन्थियों 4:1

आपाँने परबू की दयाऊँ आ सेवा मली हे, अणीऊँ आपाँ निरास ने वेवा हाँ।

गलातियों 3:26

थाँ हाराई ईसू मसी पे विस्वास करो हो, ईं वाते अबे थाँ परमेसर का बेटा-बेटी हो।

गलातियों 3:28

ईं वाते अबे ने कुई यहूदी, ने कुई युनानी, ने कुई दास ने आजाद, ने कुई मनक ने लुगई, काँके थाँ हाराई ईसू मसी में एक हो।

फिलिपियों 2:11

अन बापू परमेसर की मेमा का वाते हारई ओ मान ले के, ईसू मसीइस परबू हे।

फिलिपियों 4:13

मसीऊँ मली तकी तागतऊँ मूँ हारी टेम को सामनो कर सकूँ हूँ।

कुलुसियों 1:25

परमेसर मने आपणाँ बचनाँ को पूरो को पूरो परच्यार करबा की जिमेदारी हूँपी हे, ईं वाते वणा मने थाँकी भलई का वाते मण्डली को सेवक बणायो हे।

1 तिमुतियूस 1:1

मूँ पोलुस, आपाँने बंचाबावाळा परमेसर अन आपणी आस का आदार ईसू मसी की आग्याऊँ ईसू मसी को थरप्यो तको चेलो बण्यो,

1 तिमुतियूस 1:11

आ खरी हिक परम परदान परमेसर की मेमा का हव हमच्यार का जस्यान हे, ज्यो मने दिदो ग्यो हे।

1 तिमुतियूस 1:2

मूँ यो कागद तिमुतियुस ने लिकूँ हूँ, ज्यो विस्वास में मारो हाँचो बेटो हे। थने बापू परमेसर अन आपणाँ परबू ईसू मसीऊँ आसिरवाद, दया अन सान्ती मलती रेवे।

1 तिमुतियूस 6:13

परमेसर का हामे, जी हाराई ने जीवन देबावाळा हे अन पिलातुस का हामे, हिम्मत का हाते आपणाँ विस्वास ने बताबावाळा ईसू मसी में, मूँ थने आग्या दूँ हूँ के,

2 तिमुतियूस 2:2

परमेसर को परच्यार करती दाण नरई गवा की मोजुदगी में, जीं बाताँ थें माराऊँ हिकी हे, वाँने विस्वास जोगा मनकाँ ने हूँप दे, जीं दूजाँ ने हिकाबा को मन राकता वेवे।

2 तिमुतियूस 4:17

पण परमेसर मारा हाते ऊबारियो अन मने तागत दिदी, जणीऊँ तो मूँ ज्यो यहूदी ने हा, वणा हाराई में हव हमच्यार हुणा सक्यो अन मूँ मोत का दण्डऊँ बंचायो ग्यो।

तीतूस 1:4

हाराई के एक जस्या विस्वास की बजेऊँ तीतूस थूँ मारो हाँचो बेटो हे। बापू परमेसर अन आपाँने बंचाबावाळा ईसू मसी में थने दया अन सान्ती मले।

फिलेमोन 1:9

पण परेमऊँ मूँ थाँराऊँ अरज कररियो हूँ। मूँ पोलुस ज्यो अबे दानो अन ईसू मसी का हव-हमच्यार का वाते बंदी हूँ, थाँने आपणाँ धरम का बेटा उनेसिमुस का बारा में अरज कररियो हूँ ज्यो जेळ में ईसू पे विस्वास करन मारो बेटो बणग्यो हो।