ฟีลิปปี 3:15 - ลีเทส่อพ๊าอาเซ เร๊อ เห่ขุทวาลู๊

¹⁵ ล๋อ เป เด๊อ อา ดุตาซิเหน่เต แลแค เฮ๊อ เด๊อ แหย่โย ตากยา เออเต๊เห่เนอ, เป โตเบ่ แด่ แซ่ลู เป ซิปล่อสู่เทอ ฮู๊ แว เฮ๊เป่เฮ๊อ ซี เออเนอ. หม่าแน๊เรอ เด๊อ ซีเกล เต๊เห่เห่ เนอ, อา เก่ แด่ โค๊ดื่อ อา ซิปล่อสู่เทอ เก่เฮ๊เรอ, จอแปแหร่ เก่ เด๊อ ซิเงโปลแร๊ ดื่อ ซี เตเตเน เด๊อ อาโต เนอเต๊เห่ ปา.

Eastern Kayah Shadaw Dialect

¹⁵ ꤜꤢꤪ꤭ ꤕꤢꤩ꤬ ꤘꤣ ꤢ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤏꤢꤪ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬, ꤕꤢꤩ꤬ ꤒꤥ꤭ꤙꤢꤩ꤬ ꤘꤢꤧ꤬ ꤞꤢꤧꤜꤢꤨ꤭ ꤕꤢꤩ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤟꤢꤨ ꤠꤢꤧ꤭ ꤟꤢꤩꤕ꤫ꤢꤩ꤬ꤟꤣꤧ ꤞꤤ꤭ ꤣꤧ꤭ꤔꤣꤧ꤬꤯ ꤗꤢ꤬ꤔꤢꤧꤚꤣꤧ꤬ ꤘꤣ ꤞꤤ꤭ꤊꤜꤢꤩ꤭ ꤒꤣꤧ꤬ꤟꤢꤩ꤬ꤟꤢꤩ꤬ ꤔꤣꤧ꤬, ꤢ꤬ ꤊꤢꤩ꤬ ꤘꤢꤧ꤬ ꤋꤥꤘꤢꤦ꤬ ꤢ꤬ ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤊꤢꤩ꤬ꤟꤢꤩꤚꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤊ꤫ꤢꤦ꤬ ꤘꤣꤧ ꤞꤤꤑꤢꤩ꤭ꤕꤜꤥ꤭ꤚꤢꤧ ꤘꤢꤦ꤬ ꤞꤤ꤭ ꤒꤢꤩ꤬ꤒꤣꤧ꤬ꤔꤢꤩ꤬ ꤘꤣ ꤢ꤬ꤒꤥ꤭ ꤔꤣꤧ꤬ꤒꤣꤧ꤬ꤟꤢꤩ꤬ ꤕꤢ꤭꤯

ฟีลิปปี 3:15 Cross References

มัทธิว 5:48

เมฮู๊เนอเรอ, ฮู๊ ซีเพ เด๊อ ม๊อขุ เออเตเพร อา แร๊เล๊อบา เนอ, แร๊เล๊อะบา แซ่เกอ เร๊อ อา เนอ นี๋.”

ꤜꤢꤨꤊꤢ꤬ 11:13

ซี หม่า แกแย เด๊อ อา จามู๊แหม่ เต๊เห่แพ๊ ตื๊อดื่อเรอ ซี ซิเง เด๊อะเอ่ ซีพู๊ซีเลอ เต๊เห่ เร๊อ เตเด๊อ อาแร๊ เต๊เห่ เจ๊อ เก่เฮ๊เรอ, เตเนแม๊มอ แลแค ซีเพ เด๊อ ม๊อขุ เออเตเพรเนอ, อา เก่ เด๊อ หม่าแหน่ เป่ เจ๊อ แกแย เด๊อ อา กุยแถ่ ลู แหย่โยบูโพ๊แบ่เจ่ เออเนอ ปา.”

ꤛꤥ꤭ꤟꤢ꤬ 6:45

เพรโพร เต๊เห่ ราโอ่แก เน๊อ, ‘จอแปแหร่ เก่ อิซว๊าอี๊แส่ เหย่ซี ล๋อ ปลี ปา.’ ล๋อ แกแย เด๊อ อา หนิโฮ เพ อา เตอิซว๊าอี๊แส่ เร๊อ อา แฮ อิซว๊าอี๊แส่ เต เด๊อ ลูโอ่ เต๊เห่เนอ, อา เก่ แฮ เด๊อ แวโอ่ ปา.

ꤛꤥ꤭ꤟꤢ꤬ 7:17

แกแย เตเพรเพร เก่ ซิหยื่อ ลือเมโต จอแปแหร่ อาซิปล่อ เฮ๊เนอ, เตอิซว๊าอี๊แส่ เออเต๊เห่ เนอหม่า อา โอ่ เด๊อ จอแปแหร่ อา โอ่แฮ แอ? หม่าโต่เรอ แว เฮ๊เบ่ เกอเร๊อดื่อ เน๊อ แว เตอเรอฉว่าชอ แอ, เนอ อาเกล๊ ซิเง แหน่ แพ๊.

ꤚꤥꤗꤢꤩ꤬ 15:1

เป เด๊อ อาโอ่ เร๊อ เตหยื่อเตแหน่ ชอ เออเต๊เห่เนอ, เป โตเบ่ แด่ทูซิปล่อ เร๊อ เมจว่า เป่เกอ แกแย เด๊อ อา เตหยื่อเตแหน่ ปีตี๊ปา เร๊อ อาซิปล่อ หร่ารอหร่าเหร่ ปา ดื่อเง เนอเต๊เห่. เป โต ลือเมโม แล เกอเร๊อดื่อ เปเหน่ โต่.

โครินธ์ อาเหร่อเล๊อ ต๊าบ่า 14:20

แว โคแบ๊ซว๊า ซี, เตเน แลแค แต่ ฮู๊ เป๊เจ่พู๊ เต๊เห่ เตเน เนอ แต่เหม่. หม่าแน๊เรอ ตื๊อแพ๊ เตมู๊แหม่รีแจ่ เออเต๊อเจ่อ เนอ แพ๊ เร๊อ ทวาแถ่ แซ๊ แลแค เร๊อ เป๊เจ่พู๊ อินู๊ปา เด๊อ อา ซิเง เกออู เตมู๊แหม่รีแจ่ โต่ เนอเต๊เห่ นี๋. หม่าแน๊เรอ เต เด๊อ แว รา เป่ ซี เออเต๊เห่เนอ, เตเน แลแค ฮู๊ แกแยดุเผระ เฮ๊อ เตเพร อา เตเตเน เนอ.

โครินธ์ อาเหร่อเล๊อ ต๊าบ่า 2:6

แกแย เด๊อ อา เตหยื่อชอ เต๊เห่เนอ, แว อิซว๊า เป่ เหย่ซี เน๊อ เตลีแมลีเพ๊ อาหรี่อาแก เต๊เห่ เตลีแมลีเพ๊ เออเต๊เห่เนอ, อา แฮ เด๊อ แกแยเห่ขุพู๊ อา โอ่ หม่าโต่ อา แฮ เด๊อ แกแยเห่ขุพู๊ เด๊อ อา โอ่ เน๊อ อา เตอเรอฉว่าชอ เนอเต๊เห่ อา โอ่ หม่าโต่โต่. เมเตเฮ๊เรอ เตเออเต๊เห่เนอ อา เก่ ปย๊าแก ลอ ปา.

ꤊꤢ꤬ꤜꤢ꤬ꤒꤤ 5:10

หม่าแน๊เรอ เด๊อ เป ทวาแถ่เฮ๊อ เตเตอเจ๋อ โต เร๊อ แบ่เจ่ เฮ๊อ อาขว่าอาคยา, แว หยื่อเอ่ เร๊อ ซี เตแม๊เถอะ เออเนอหมา อา ลูจว๊าโค๊ เร๊อ แว โต่. อูเป๊ เบ่เบ่ เด๊อ อา เมดู๊แด ซี เตเพรเพรเนอ, จอแปแหร่ เก่ เมจากาคยา ดื่อ ลู ปา.

เอเฟซัส 1:17

แว กุยจ๊อเบ ตื๊อดื่อปา เด๊อ เป แบ่เจ่ เหย่ซู่ครี๊ อา จอแปแหร่, หม่าเฮ๊อ เปเพ เด๊อ อาเตอเรอดุอาเตอเรอทู อาโพร อาเตอเรอ เออเตเพร อา โอ่. เร๊อ แซ่ฮู๊ ซี เก่ ซิเงแฮ ตาเต แร๊เล๊อโป่ จอแปแหร่ อาเงเนอ, แว กุยจ๊อเบ เร๊อ จอแปแหร่ อา แหย่โยบูโพ๊ เก่ เด๊อะ ซี เตลีแมลีเพ๊, เร๊อ อา เก่ เด๊อะโล เป่ ซี เร๊อ จอแปแหร่ ปา.

โคโลสี 1:28

แซ่ฮู๊ เป เก่ ซูโน แกแย ปว๋า เตเพร เด๊อ จอแปแหร่ เป๊เส่เง ฮู๊ แกแย เด๊อ อา ทวาแถ่ เฮ๊อ เตเต๊อเจ๋อ โต เน๊อ ครี๊ เร๊อ อา ดุเผร่ ตาเต เฮ๊อ เด๊อ แหย่โย ตากยา เต๊เห่ อาเงเนอ, เป แด๊โฉ่โด่แน เป่ เฮ๊อ อู ปว๋า เตเพร เน๊อ ครี๊ อาหรี่อาแก เฮ๊อ. โท๊โต่ เป เด๊อะรอเด๊อะเร เฮ๊อ อู ปว๋า เตเพร, เร๊อ เป อิซว๊าอี๊แส่ เป่ เฮ๊อ อู ปว๋า เตเพร เน๊อ ล๋อ ลีแมลีเพ๊ เออเนอเต๊เห่ เฮ๊อ.

โคโลสี 4:12

คูเอปาฟรัส หม่า ซี ดอกูพู๊ เตเพรเพร. อา หม่า อา ทวา ครี๊ อาหลู่ เตเพร. อา เฮ๊โมเฮ๊แร๊ แฮหนิ ซี. อา ซิปล่อฉว่า เร๊อ อา กุยจ๊อเบ โตโมโตโม เป่ เจ๊อ เด๊อ ซีเง เจ๊อ. แซ่ฮู๊ ซี เก่ โอ่หม่าโอ่กลอ เด๊อ ซี เตหยื่อเตแหน่ อากู เร๊อ ซี เก่ ดุแถ่เบ๊ แลแค เด๊อ แหย่โย ตากยา, โท๊โต่ แซ่ฮู๊ ซี เก่ หยื่อเอ่ ซิเงแฮ ตาเตโป่ จอแปแหร่ อา เตซิหยื่อ ปว๋า เต๊อเจ่อ อาเงเนอเรอ, อา กุยจ๊อเบ เป่ เด๊อ ซีเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 4:9

เตโมเร๊อ โป่แหว่ เด๊อ อา หยื่อเอ่แหน่ เต เต๊เห่ อาหรี่อาแก เนอ, เป โหล่ รา เป่ปา เร๊อ ซี โต่ เฮ๊อ. เมเตเฮ๊เรอ เต เด๊อ เบ่ โม เกอเร๊อ ลู เตเพร เร๊อ เตเพร เนอ ซี แหน่แบ่เจ่ เร๊อดื่อ, จอแปแหร่ อิซว๊าอี๊แส่ โทดื่อเฮ๊อ ซี เฮ๊อ.

ทิโมธี เนอบ่า ต๊าบ่า 3:17

เมเตเฮ๊เรอ แซ่ฮู๊ จอแปแหร่ อาแกแย เก่ เล๊อแถ่บาแถ่ เร๊อ เก่ โอ่ ตี๊หรี่แตแร อาเหน่ เน๊อ อา เก่ เมเต อาแร๊ ปว๋า เต๊อเจ่อ อาเงเนอเรอ, อา อิซว๊า เป่ อู เฮ๊อ.

ꤟꤤꤙꤚꤢꤨ 5:14

หม่าแน๊เรอ, เหล่เอ่ อา เพรอ เนอหม่า แกแย ดุเผร่ เด๊อ อา อิซว๊า ซิเงแฮ เบ่น๊อ โทเฮ๊อ อาเหน่ เด๊อ อา เก่ เบ่เพ๊ ซิเงแจ่ เตแร๊ เร๊อ เตมู๊แหม่ เนอเต๊เห่ อาเง แพ๊.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

หม่าแน๊เรอ อูเป เตเพร เบ่เบ่, อา เก่ จูเอ่ ลูโหง่ เฮ๊เนอ, เตโม เกอเร๊อ จอแปแหร่ เล๊อแถ่บาแถ่ หม่าแหน่ เจ๊อเฮ๊อ เด๊อ อากู เฮ๊อ. เด๊อ เป จูเอ่ อาโหง่ อาขว่าอาคยา, เป ซิเง ตาเต เจ๊อเฮ๊อ เร๊อ เป ทวาแถ่เฮ๊อ เตเตอเจ๋อโต เฮ๊อ เร๊อ จอแปแหร่ เฮ๊อ.