ฟีลิปปี 3:13 - ลีเทส่อพ๊าอาเซ เร๊อ เห่ขุทวาลู๊

¹³ โป่แหว่ ซี๋, เออเตเห่ เนอหม่า, แว พย๊าหนิ โทเฮ๊อ แว เตเน โต่น๊อ เร๊อ ฮู๊เนอ แล๋ โต่. หม่าแน๊เรอ แว เมแพ๊ เต๊อเจ่อแพ๊. แว เม เออเต๊อเจ่อ เนอหม่า หม่าเฮ๊อ แว โชตาปาแก เต เด๊อ อา โทเฮ๊อ เนอเต๊เห่, เร๊อ ทู๋ แว แฮโต่ เด๊อ อู แด่โอ่ เตเมเป่ม๊าโบ เนอเต๊อเจ่อ อา โอ่ อาเงเนอ, แว แอ๊จื๊อแอ๊เหร่ แหน่เจ๊อ.

Eastern Kayah Shadaw Dialect

¹³ ꤕ꤫ꤥ꤬ꤠ꤫ꤢꤧ꤬ ꤞꤤ꤭꤮, ꤣꤧ꤭ꤒꤣꤧ꤬ꤟꤢꤩ꤬ ꤔꤣꤧ꤬ꤗꤢ꤬, ꤠꤢꤧ꤭ ꤔ꤫ꤤ꤬ꤙꤢꤩ꤬ ꤓꤥ꤭ꤟꤣꤧ ꤠꤢꤧ꤭ ꤒꤣꤧ꤬ꤔꤢꤩ꤬ ꤒ꤫ꤥ꤬ꤔꤢꤪ ꤔꤢꤧ ꤟꤢꤨꤔꤣꤧ꤬ ꤜꤢ꤭ꤟꤤ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤠꤢꤧ꤭ ꤗꤢꤩ꤬ꤖꤢꤧ ꤒꤣ꤬ꤡꤣ꤬ꤖꤢꤧ꤯ ꤠꤢꤧ꤭ ꤗꤢꤩ꤬ ꤣꤧ꤭ꤒꤣ꤬ꤡꤣ꤬ ꤔꤣꤧ꤬ꤗꤢ꤬ ꤗ꤫ꤢ꤬ꤟꤣꤧ ꤠꤢꤧ꤭ ꤏꤥ꤭ꤒꤣꤧ꤬ꤕꤢ꤬ꤊꤢꤧ꤭ ꤒꤢꤩ꤬ ꤘꤣ ꤢ꤬ ꤓꤥ꤭ꤟꤣꤧ ꤔꤣꤧ꤬ꤒꤣꤧ꤬ꤟꤢꤩ꤬, ꤚꤣꤧ꤬ ꤓꤢꤨ꤮ ꤠꤢꤧ꤭ ꤟꤢꤧ꤭ꤒ꤫ꤥ꤬ ꤘꤣ ꤢꤨ꤭ ꤘꤢꤧ꤬ꤥ꤬ ꤒꤢꤩ꤬ꤗꤢꤩ꤬ꤕ꤫ꤢꤩ꤬ꤗꤢꤙꤥ꤭ ꤔꤣꤧ꤬ꤒꤣ꤬ꤡꤣ꤬ ꤢ꤬ ꤥ꤬ ꤢ꤬ꤑꤢꤩ꤭ꤔꤣꤧ꤬, ꤠꤢꤧ꤭ ꤡ꤫ꤢ꤬ꤖꤚꤣꤧ꤭ ꤢꤧꤡꤢꤦꤢꤧꤚꤢꤩ꤬ ꤔꤢꤧ꤬ꤡꤣꤧ꤯

ฟีลิปปี 3:13 Cross References

ꤜꤢꤨꤊꤢ꤬ 10:42

หม่าแน๊เรอ เต เด๊อ อาโหล่เนอ อา โอ่ แพ๊ เต๊อเจ่อเจ๊อ แพ๊. เร๊อ เหมาะมารีย์ นว๊าพย๊า โทเฮ๊อ เต เด๊อ อาแร๊เล๊อ เออเต๊อเจ่อ เฮ๊อ. อู พย๊าเผ่แก แจ่ ปา อา เตเพร่ว โต่ เฮ๊อ.”

ꤜꤢꤨꤊꤢ꤬ 9:62

เหย่ซู่ เฮ๊ฉื่อ อา เน๊อ, “แกแย เตเพร เพร เด๊อ อา ปื่อ ท๊าเท เร๊อ อา ตีรี๊แม๊ กาคยา เนอ, อาบุ๊ยเตอเรอ โอ่ เด๊อ จอแปแหร่ อาเทออาเก่ อาเง เตอเจ๋อ โต่.”

โครินธ์ เนอบ่า ต๊าบ่า 5:16

ฮู๊เนอเรอ กู๊แหน่เออ เป ทวาแถ่ เฮ๊อ เตเต๊อเจ๋อ แพ๊ เน๊อ ครี๊ เฮ๊อ อาขว่าอาคยา, ฮู๊ แกแย เด๊อ อา หยื่อเอ่ ครี๊ โต่ เต๊เห่ แด่ดุ เตโอ่โล เด๊อ อากลอ เต๊เห่เนอ, เป แด่ดุเกอ ปา ฮู๊เนอโต่ เฮ๊อ. เด๊อ เนอเค เป เตเนซื๊อแต่ ครี๊ ฮู๊เนอเฮ๊อ หม่าแน๊เรอ กู๊แหน่เออ เป เตเนซื๊อ ปา อา ฮู๊เนอ โต่ เฮ๊อ.

ฟีลิปปี 2:12

ฮู๊เนอเรอ, โคแบ๊ซว๊าโม ซี๋ เบ๊อะแว โอ่เต่อเกอ เร๊อ ซี เบ๊อะเนอ, ซี หนิดา แว โหง่, กู๊แหน่เออ แว โอ่ยา เร๊อ ซี อาขว่าอาคยา, ซี โตเบ่ หนิดา เล๊อ ปา เจ๊อ แวโหง่ เจ๊อ. แซ่ฮู๊ ซี เก่ เมเล๊อบาแถ่ เตเมแลเปล๊กา ซี อาเงเนอ, แอ๊จื๊อ เม แลแค เต เด๊อ เตแด่หยื่อแด่แหน่ จอแปแหร่ อากู, เร๊อ เม เต่อเกอดื่อ เร๊อ เตชิอิเช แตแนตากยา เจ๊อ อาเนอ นี๋.

ฟีลิปปี 3:12

เตเออเต๊เห่เนอ แว พย๊าหนิ โทเฮ๊อ แว เฮ๊น๊อ เร๊อ ฮู๊เนอโต่, โทเร๊อ แว เตโอ่เซอเพร เออเนอ, อา เล๊อบา ลอเฮ๊อ แว เฮ๊น๊อ เร๊อ ฮู๊เนอ โต่โต่. หม่าแน๊เรอ แซ่ฮู๊ แว เก่ ซิเง ครี๊ เร๊อ แว เก่ ทวาแถ่ แฮเง แซ่เกอเร๊อ อา อาเงเนอ, แว แอ๊จื๊อแอ๊เหร่ แหน่เจ๊อ. ครี๊ นว๊าแถ่ เฮ๊อ แว เร๊อ เตหรี่เตแก เออเต๊เห่ อาคยาเฮ๊อ.

ฟีลิปปี 3:8

ตื๊อเนอโท๊โต่, กู๊แหน่เออ แว ล๋อ ซิเงแฮเฮ๊อ เร๊อ ซิเงเฮ๊อ แว แบ่เจ่ เหย่ซู่ครี๊ เออเนอ อา งูดุงูชอ เล๊อปา เจ๊อ เร๊อ เตล๋อ ปลี อาขว่าอาคยา, ล๋อ เต เออเต๊เห่เนอ, แว แด่แก อา ฮู๊ เตโอ่เล๊อโอ่กลอ เต๊เห่เนอ แพ๊. เด๊อ ครี๊ อาเง อาขว่าอาคยา, แว วีแก ลอเฮ๊อ ปว๋า เต๊อเจ่อ เฮ๊อ. แซ่ฮู๊ แว เก่ พย๊าหนิ ครี๊ เร๊อ แว เก่ ทวาแถ่ เต เตอเจ๋อโต เร๊อ ครี๊ อาเงเนอ, ล๋อ เต เออเต๊เห่เนอ, แว เตเนแก อา ฮู๊ ส่อซุ๊ย เต๊เห่เนอ แพ๊.

ꤟꤤꤙꤚꤢꤨ 6:1

ฮู๊เนอเรอ เป แด่โอ่แก ลอ เป เตอิซว๊าอี๊แส่ เป่ อู ครี๊ อาหรี่อาแก เด๊อ อา แก่ช๊าแก่แร เนอเต๊เห่ เร๊อ เป จว๊า แฮเง เกอโป่ อู เด๊อ เง เร๊อ แม๊ปู อิซว๊า ซิเง เกอโป่ อู เด๊อ แกแย ดุเผระเง อา เตอิซว๊า เออเต๊เห่ โป๋. กาคยา แฮ งยา งย๋า อู อิซว๊า เป่ เป เตอิซว๊าอี๊แส่ อา แก่ช๊าแก่แร เด๊อ อา เฮ๊ เน๊อ, ซี เบ่ วีแก เตเม เด๊อ อาบุ๊ย โอ่โต่ เนอเต๊เห่, เร๊อ ซี เบ่ หยื่อเอ่ จอแปแหร่, เตอิซว๊า ฮู๊เออ เต๊เห่เนอ, เป เก่ แม๊ปูซิเง แฮเงกาคยา ปาโต่, เป เก่ จว๊า แฮเง เกอโป่ อู เด๊อ เง โป๋.

เปโตร เนอบ่า ต๊าบ่า 3:8

โคโม ซี๋, โชตาปาแก แต่ เตเออเตอเจ๋อ แต่เหม่ นี๋. เด๊อ แบ่เจ่ อาเงเนอ, เตอเนอเนอหม่า อาแซ่เน๊อ อาหน่าตีรี๊ เร๊อ อาหน่าตีรี๊ เนอหม่า อา แซ่แพ๊ เร๊อ เตอเนอ แพ๊.