ฟีลิปปี 1:8 - ลีเทส่อพ๊าอาเซ เร๊อ เห่ขุทวาลู๊

⁸ แว ซิหนิโส่ แม๊เถอะ แหน่เจ๊อ ซี เร๊อ แว โม เกอเร๊อ ซี ปว๋า เตเพร เร๊อ เตโม เด๊อ เหย่ซู่ครี๊ เด๊อ แว เออเนอหม่า จอแปแหร่ ซิเง แพ๊.

Eastern Kayah Shadaw Dialect

⁸ ꤠꤢꤧ꤭ ꤞꤤꤔꤢꤩ꤬ꤞꤥ꤬ ꤗꤢꤧꤓ꤫ꤣꤧ꤬ ꤔꤢꤧ꤬ꤡꤣꤧ ꤞꤤ꤭ ꤚꤣꤧ꤬ ꤠꤢꤧ꤭ ꤗꤥ꤬ ꤚꤣꤧꤘꤢꤦ꤬ ꤞꤤ꤭ ꤕꤝꤢ꤭꤮ ꤒꤣ꤬ꤖꤚꤢꤩ꤬ ꤔꤢꤧ ꤒꤢꤩ꤬ꤗꤥ꤬ ꤘꤣ ꤛꤢꤩ꤬ꤏꤛꤢꤨꤋꤚꤤ ꤘꤣꤧ ꤠꤢꤧ꤭ ꤣꤧ꤭ꤔꤣꤧ꤬ꤗꤢ꤬ ꤡꤢꤪꤗꤣꤧ꤬ꤚꤢꤧ꤬ ꤞꤤꤑꤢꤩ꤭ ꤖꤢꤧ꤯

ฟีลิปปี 1:8 Cross References

ꤜꤢꤨꤊꤢ꤬ 1:78

เมเตเฮ๊เรอ เป จอแปแหร่ เออเนอ, อา ซิหย่อเกอ แหน่เจ๊อ อู เร๊อ อา แด่ทูซิปล่อแหน่เจ๊อ. อา นอแฮแลเฮ๊อ แกแย โอ่ เด๊อ ม๊อขุ เตเพร เก่ แฮ เตเมแลเปล๊กา เฮ๊อ เป, เพรเมแลเปล๊กา เป เออเตเพรเนอ, อา แซ่เฮ๊อ เร๊อ ต๊อเหมาะ ลีแถ่เหร่อ เด๊อ เหมาะลีบูเค เนอเฮ๊อ.

ꤚꤥꤗꤢꤩ꤬ 1:9

เบ๊อะแว กุยจ๊อเบแถ่ จอแปแหร่ เบ๊อะเนอ, แว ซิเงแถ่เบ่ ซี ปว๋า โตโพ๊ เจ๊อ. แว เม หม่าแหน่ เจ๊อ ฮู๊เออ เนอหม่า จอแปแหร่ ซิเง แพ๊. แว เม เป่ ลู เตเม เร๊อ แว ซิปล่อซีเม, เร๊อ แว ข่าเฮ๊โล เป่ อาพู๊คู แบ่เจ่ เหย่ซู่ครี๊ อา เตซิครือมีลา อาหรี่อาแก เออ อาคยา เฮ๊อ.

ꤚꤥꤗꤢꤩ꤬ 9:1

แว เร๊อ ครี๊ ลอ ทวาแถ่ เฮ๊อ ลู เตอเจ๋อ โต เฮ๊อ อาขว่าอาคยา, แว เฮ๊เบ่จ๊อเฮ๊เบ่เต แพ๊ ซี แพ๊. แว แลโฮ ซี โต่. แหย่โยบูโพ๊ แบ่เจ่ เป๊อหนิ ซูหนิ แว ซิปล่อเออ, เร๊อ แว ซิปล่อเออ อา เฮ๊หม่าเฮ๊กลอจว่า เกอโป่ เร๊อ แว เฮ๊เบ่ เตเออเนอหม่า อาโต แพ๊.

โครินธ์ เนอบ่า ต๊าบ่า 13:9

เป เก่ โหล่ อิซว๊าแร๊กา ซี โต่ เฮ๊เนอ, เป นอเอ่แจ่ เป เตอเรอฉว่าชอ โต่, ฮู๊เนอเรอ อู เตเน แลแค เป เร๊อ เป อ๊าเจ่เหร่เจ่ แพ๊ หม่าแน๊เรอ ซี เก่ เม แฮเง ปา เตซื๊อ โต่ เฮ๊เนอ, ซี ทวาแถ่ แกแย เด๊อ อา อ๊าฉว่าเหร่ชอ เต๊เห่ เฮ๊อ อาขว่าอาคยา, เป ซิครือซิลอ แหน่เจ๊อ. เป กุยจ๊อเบ เป่ ซี เร๊อ ซี เก่ โอ่เซอเพร แร๊แฮ เด๊อ เง ตากยา เร๊อ ซี เก่ เม ปา แต่ แลแค เตซื๊อ แต่เหม่, ฮู๊เนอ แพ๊.

โครินธ์ เนอบ่า ต๊าบ่า 6:12

เป หม่า แกแย เด๊อ อา พย๊ากาคยา อาเตโม เต๊เห่ หม่าโต่. แกแย เด๊อ อา พย๊ากาคยา อาเตโม เต๊เห่ เนอหม่า ซี เฮ๊อ.

โครินธ์ เนอบ่า ต๊าบ่า 7:15

ฮู๊เนอเรอ, เบ๊อะอา ซิเหน่แถ่ โต่เบ่ คยาแซ๊ ซี โอ่ ตี๊หรี่แตแร หนื่ออื่อ ซีเหน่ เร๊อ ซี หนิดา อา เตอิซว๊าอี๊แส่ โท๊โต่ ซี เอ๊โมฉื่อ ลู เร๊อ เตซิอิเช, แตแนตากยา เจ๊อ เบ๊อะเนอ, อา ลื๋อ โมแฮ ฉว่าเล๊อ โป่ เจ๊อ ซี เจ๊อ.

ꤊꤢ꤬ꤜꤢ꤬ꤒꤤ 1:20

ล๋อ แว รา เป่ ซี เออเต๊เห่ เนอหม่า อาโต แพ๊. แว แลโฮ โต่ เนอหม่า จอแปแหร่ ซิเง แพ๊.

ꤊꤢ꤬ꤜꤢ꤬ꤒꤤ 3:26

เด๊อ เตหยื่อเตแหน่ อาขว่าอาคยา, ซี ล๋อ ปลี ทวาลอเฮ๊อ เตเตอเจ๋อโต เร๊อ ครี๊ เฮ๊อ เร๊อ ซี ทวาลอเฮ๊อ จอแปแหร่ อาพู๊อาเลอ เต๊เห่ เฮ๊อ.

ꤊꤢ꤬ꤜꤢ꤬ꤒꤤ 4:19

แวพู๊ เด๊อ แว โมหนิเร๊อ ซี๋ แว ซิปล่อฉว่า แหน่เจ๊อ เด๊อ ซี เก่ ดุแถ่เผร่แถ่ เกอ เด๊อ แหย่โย ตากยา แซ่เกอดื่อ เร๊อ ครี๊ เนอ เจ๊อ. แว เตซิปล่อฉว่า เออเนอ, อา เด๊อะกู่เด๊อะแก แหน่เจ๊อ แว ซิปล่อ เจ๊อ. แว ซิปล่อ อา เตกู่เตแก เออเนอ, อา แซ่เจ๊อเฮ๊อ เร๊อ โหมะ เด๊อ อา เตเร พู๊โอ่ เร๊อ อาฮ๊อเช เออเนอ เจ๊อ.

ฟีลิปปี 2:1

ซี เตโอ่เซอเพร เด๊อ ครี๊ อากู เออเนอหม่า, อา หนิอ๊าหนิเหร่ ช๊าเหล่ ซี แอ? อาเตโม เออเนอหม่า อา เมโม ช๊าเหล่ ซี ซิปล่อ แอ? ซี แบ๊ซว๊าแบ๊โค เกอ ช๊าเหล่ แลแค เนอ แหย่โยบูโพ๊ แบ่เจ่ แอ? ครี๊ เออเตเพร เนอหม่า อา เมแร๊ เกอเร๊อ ซี, อา ซิยอ เกอเร๊อ ช๊าเหล่ ซี แอ?

ฟีลิปปี 2:26

หม่าเมเตเร๊อ ซี หนิโฮ เร๊อ คูเอปาโฟรดิทัส โอ่โมโอ่แร๊ โต่ อาขว่าอาคยา, อา ซิหนิโส่ แม๊เถอะ แหน่เจ๊อ ซี ปว๋า เตเพร เจ๊อ. เร๊อ อา เตเนกู่ เตเนแก เป่ แหน่เจ๊อ เด๊อ ซีเง เจ๊อ. ฮู๊เนอเร๊อ แว นอกาคยา คยาแซ๊ อา เด๊อ ซี โอ่.

ฟีลิปปี 4:1

ฮู๊เนอ อาขว่าอาคยา, แว โป่แหว่ ซี๋, ซี หม่า แกแย เด๊อ แว โม เกอเร๊อ เต๊เห่ เร๊อ แว ซิหนิโส่ เกอเร๊อ แหน่เจ๊อ เต๊เห่, ซี หม่า เพร เด๊อ อา เม ซิครือซิลอ แหน่เจ๊อ แว เร๊อ แว พย๊าแถ่โล่โม เกอเร๊อ แหน่เจ๊อ แวเหน่ เร๊อ ซีคยา เจ๊อ. โคแบ๊ซว๊าโม ซี๋ เออ หม่า หม่าเฮ๊อ ซี โต โอ่หม่าโอ่กลอ แลแค เด๊อ แบ่เจ่ อากู ฮู๊เตเนอ เฮ๊อ.

โคโลสี 2:1

แว ซิหยื่อ เด๊อซิเง เป่ ซี เน๊อ แว แอ๊จื๊อ แอ๊เหร่ เม เป่ แหน่เจ๊อ เด๊อ ซีเง, เน๊อ แกแย โอ่เด๊อ วีเลาดีเซีย อากู เนอเต๊เห่ อาเง, เน๊อ แกแย เด๊อ อา ซิเง แม๊เถอะ แต่ล๋าย แวโต่ เนอเต๊เห่ อาเง บ๋า เต เนอแพ๊.

โคโลสี 3:12

ซี หม่า จอแปแหร่ อาแกแย เด๊อ อา โพ๊แปละอาโพ๊อาแปละ เร๊อ อา โม หนิเกอเร๊อ เต๊เห่, เร๊อ อา นว๊าแถ่ หนิเกอเร๊อ เฮ๊อ ซี เฮ๊อ. ฮู๊เนอเรอ กือแซ๊แถ่ แลแค เตซิยอกล่าเบ่, เตเมแร๊เต, เตแด่หยว่า ซีซิปล่อ, เตซิโด่ซิงา เร๊อ เตแด่ทูซิปล่อ ซีเนอ เต๊เห่ นี๋.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:5

ฮู๊ ซี ซิเง โทเฮ๊อเนอเฮ๊อ, เป แฮ เฮ๊เบ่ถู่เซ๊ แลโฮน๊อ เร๊อ ซี โตโพ๋ โต่. เป ซิหยื่อ ลอพาเอ่ หนิรือหนิเท เร๊อ เป แฮ จ่าค๊าจ่าโข่ น๊อ เร๊อ เปเหน่ โตโพ๋ โต่. เป เมน๊อเกอ เร๊อ ฮู๊เออ โต่ เนอหม่า จอแปแหร่ ยูโลเบ๊ แพ๊.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:8

เป ย๋อ โม เกอเร๊อ แหน่เจ๊อ ซี, โทเรอ ซี ทวา เป โคแบ๊ซว๊า เด๊อ อา โมแหน่เจ๊อ เป เต๊เห่ อาขว่าอาคยา, เป ตี๊หรี่แตแร หนื่ออื่อ เปเหน่ เด๊อ เป เก่ แด๊โฉ่ ซิเง ตื๋อ เป่แพ๊ ซี เร๊อ จอแปแหร่ อา เตซิครือมีลา เออ อาหรี่อาแก เนอหม่าโต่. เป โอ่ ตี๊หรี่แตแร หนื่ออื่อ โป่ เจ๊อ เปเหน่ เร๊อ เป เก่ โอ่เต่อเกอ เร๊อ ซี เร๊อ, พย๊าจว่าเมจว่า เกอโป่ เจ๊อ ซี.

ทิโมธี เนอบ่า ต๊าบ่า 1:4

เบ๊อะแว ซิเงแถ่เบ่ เน เป๊เส่เทอแล เบ๊อะเนอ, แว ซิหยื่อ แม๊เถอะ แหน่เจ๊อ เน, เมเตเฮ๊เรอ แซ่ฮู๊ แว เก่ ซิครือ เล๊อเล๊อบาบา อาเงเนอเรอ, แว ซิหยื่อ แม๊เถอะ เน แพ๊.

ฟีเลโมน 1:12

อา หม่า แกแย เตเพร เด๊อ แว โม เกอเร๊อ แหน่เจ๊อ ลู เร๊อ แว ซูกาคยา โตคยาแซ๊ อา เด๊อ เนโอ่.

ฟีเลโมน 1:20

ฮู๊เนอเรอ, แว โป่แหว่ คูฟีเลโมน๋ เป ย๋อ หยื่อเอ่เกอ แบ่เจ่ เหย่ซู่ อาขว่าอาคยา, แด่ทูซิปล่อ เร๊อ เมบุ๊ยเมเตอเรอ เหร่อเป่ แว เออเต๊อเจ่อ นี๋. แด่ทูซิปล่อเร๊อ เมโมแถ่ โก๊หลื่อ แว ซิปล่อ เด๊อ ครี๊ อากู นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 3:17

แกแย เด๊อ อา โอ่เร๊อ เห่ขุ อา เตดุแหย่แถ่เซ เตเพรเพร เนอ, เก่ อา แม๊เถอะ อาโป่แหว่ ครี๊พู๊ โหล่ เตเต๊อเจ่อเจ่อ หม่าแน๊เรอ อา เก่ ซิยอเกอเร๊อ ลู โต่ เฮ๊เนอหม่า, จอแปแหร่ อาเตโม โอ่ เด๊อ ลูเหน่กู โต่.