ฟีลิปปี 1:6 - ลีเทส่อพ๊าอาเซ เร๊อ เห่ขุทวาลู๊6 จอแปแหร่ เด๊อ อา เป๊อแถ่ ถู่แหล่ แร๊กา โทเฮ๊อ ซี ซิปล่อ เออเตเพรเนอ, แว หยื่อเอ่ ตาเต เจ๊อ เร๊อ อา เก่ เมแร๊ แฮเง ปลื๊อลา โต่เด๊อ เหย่ซู่ครี๊ อาม๊อเนอ แฮโต่ ปาเนอ โตโพ๊ ปา. See the chapterEastern Kayah Shadaw Dialect6 ꤡꤢꤪꤗꤣꤧ꤬ꤚꤢꤧ꤬ ꤘꤣ ꤢ꤬ ꤡꤢꤓꤢꤧ꤬ ꤓꤢꤨ꤬ꤜꤢꤧ꤬ ꤚꤢꤧꤊꤢ꤬ ꤓꤥ꤭ꤟꤣꤧ ꤞꤤ꤭ ꤞꤤꤕꤜꤢꤪ꤬ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤠꤢꤧ꤭ ꤛ꤫ꤢꤦ꤬ꤢꤩ꤬ ꤒꤢ꤭ꤒꤢꤩ꤬ ꤡꤣꤧ ꤔꤢꤧ ꤢ꤬ ꤊ꤫ꤢꤦ꤬ ꤗꤢꤩ꤬ꤚꤢꤧ ꤟꤢꤧ꤭ꤑꤢꤩ꤭ ꤕꤜꤢꤦꤜꤢ꤭ ꤒ꤫ꤥ꤬ꤘꤣ ꤛꤢꤩ꤬ꤏꤛꤢꤨꤋꤚꤤ ꤢ꤬ꤗ꤫ꤢꤪ꤬ꤔꤣꤧ꤭ ꤟꤢꤧ꤭ꤒ꤫ꤥ꤬ ꤕꤢ꤭ꤔꤣꤧ꤬ ꤒꤣ꤬ꤖꤥ ꤕꤢ꤭꤯ See the chapter |
ฟีลิปปี 1:6
33 Cross References
เบ๊อะเหย่ซี หนิโฮ เตหรี่เตแก เออ เบ๊อะเนอ, เหย่ซี เป๊อเจ่ออิแช๊ ปา คูเปโตรโต่, เร๊อ อา ถู่เซ๊แถ่ แลแค จอแปแหร่ เน๊อ, “เก่ อา หม่าแหน่ ฮู๊เนอเฮ๊เรอ จอแปแหร่ เด๊อะเป่เกอเฮ๊อ แกแยยิวพู๊ หม่าโต่ เต๊เห่ เตค๊าขิโตแร๊ เด๊อ อา เก่ ถู่แหล่ เต๊เปล่กา แลแค อาซิปล่อ เร๊อ อา เก่ พย๊าหนิ เกอ แลแค แหย่โยบูโพ๊เซอเพร เฮ๊อ.”
เพรเหมาะ เด๊อ อา หนิดา เป เตเฮ๊เบ่ เออ อาเกล เตเพรเนอ, อามุย เร๊อ เหมาะลิเดีย, อา หม่า วีธิยาทิราพู๊ เตเพร เร๊อ อา อิเช อิเก เต๊เผ่ล๊อซอ งูดุ เต๊เห่. อา หม่า เพรเหมาะ เตเพร เด๊อ อา จ๊อบู่จ๊อเบ จอแปแหร่. เร๊อ แซ่ฮู๊ อา เก่ หยื่อเอ่เกอ คูเปาโล อา เตโด่แนเฮ๊เบ่ เป่ อู เออเต๊เห่ อาเงเนอเร๊อ, จอแปแหร่ บ๊าโม เป่ ลูซิปล่อ.
ฮู๊เนอเรอ, พื๋อ เร๊อ แว เตเร แฮ เด๊อ ซี โอ่ เนอ, แว ราจว๊า เหร่อ เป่แก เฮ๊อ ซี ลี เด๊อ อาเหร่อเค เนอต๊าบ่า เฮ๊อ เน๋อ. เบ๊อะเนอเค แว เก่ แฮ โอ่เล เกอ ซี เฮ๊เนอ, แว ซิเง เร๊อ ซี เก่ เมซิเปล ซิหย่อแหน่ แว แพ๊. หม่าแน๊เรอ ซี หม่า แกแย เต๊เห่ เด๊อ อา โตเบ่ เมซิครือ แหน่เจ๊อ แว เต๊เห่. แว ซิเง เร๊อ เบ๊อะแว ซิครือซิลอ เบ๊อะเนอ, ซี เกล๋ ซิครือ เกอแหน่ ปา แพ๊.
ฮู๊เนอเรอ เบ๊อะแว แฮ ปา เบ๊อะเนอ, เป โป่แหว่ ครี๊พู๊ เด๊อ มาซิโดเนียเก่ เต๊เห่ ครวาแฮเกอ เร๊อ แว ปา เก่. แว ซิหยื่อ นอแม๊เถอะ เหย่ซี เร๊อ ซี ตี๊หรี่แตแร หนื่ออื่อ โทลอ เฮ๊อ รือ เตหลู่แต เนอเต๊เห่. ซี เก่ ตี๊หรี่แตแร หนื่ออื่อ เตอเจ๋อ โต่ เฮ๊เนอ, เต เด๊อ แว หยื่อเอ่หนิ ซี เต๊เห่เนอ อา เก่ ทวาแถ่ แหน่เฮ๊อ เตซิเตเร เด๊อ แวเง เร๊อ ซีเง ปา เฮ๊อ.
ฮู๊เนอเรอ, โคแบ๊ซว๊าโม ซี๋ เบ๊อะแว โอ่เต่อเกอ เร๊อ ซี เบ๊อะเนอ, ซี หนิดา แว โหง่, กู๊แหน่เออ แว โอ่ยา เร๊อ ซี อาขว่าอาคยา, ซี โตเบ่ หนิดา เล๊อ ปา เจ๊อ แวโหง่ เจ๊อ. แซ่ฮู๊ ซี เก่ เมเล๊อบาแถ่ เตเมแลเปล๊กา ซี อาเงเนอ, แอ๊จื๊อ เม แลแค เต เด๊อ เตแด่หยื่อแด่แหน่ จอแปแหร่ อากู, เร๊อ เม เต่อเกอดื่อ เร๊อ เตชิอิเช แตแนตากยา เจ๊อ อาเนอ นี๋.
เบ๊อะซี เจ ซีเหน่ เน๊อ เทอ เบ๊อะเนอ, ซี เหล่โกล มู๊แหม่ เต๊เห่เนอ, ซี โล๊ตา เต่อเกอ โทเฮ๊อ เร๊อ ครี๊ เฮ๊อ. เร๊อ ซี เหน่เหล่โกลเม เต๊เห่เนอ, จอแปแหร่ เมเซอเพร กาคยา เต่อเกอ เฮ๊อ เน๊อ ครี๊ เฮ๊อ. เด๊อ ซี หยื่อเอ่หนิ จอแปแหร่ อา เตโพรเตเตอเรออาฉว่าชอ เด๊อ อา เม ก๊อถ่อเซอเพร กาคยา คยาแซ๊ ครี๊ เด๊อ เตเซอ เออ อาขว่าอาคยา, อา ทวาแถ่ โทลอ เฮ๊อ ฮู๊เนอ เฮ๊อ.
เด๊อ ซี เตหยื่อเตแหน่ อาขว่าอาคยา, ซี เมเต อาทวาอาเถ่, เด๊อ ซี เตโมเร๊อ อู อาขว่าอาคยา, ซี ครือเม เต. เร๊อ เด๊อ ซี โอ่ เร๊อ เตแม๊ชือ เด๊อ เป แบ่เจ่ เหย่ซู่ครี๊ อาโอ่ อาขว่าอาคยา, ซี แด่ทูซิปล่อเบ๊ เตเมจาเมจือ ซี เต๊เห่. เบ๊อะเป กุยจ๊อเบ เด๊อ เปเพ จอแปแหร่ โอ่ เบ๊อะเนอ, ล๋อ ซี เมเต เออเต๊เห่เนอ, เป โชตาปา เป่ปา เจ๊อ โต่ เจ๊อ.
ฮู๊เนอเร๊อ แซ่ฮู๊ จอแปแหร่ เก่ เมจว่า ซี เร๊อ ซี เก่ โอ่เซอเพร โตเบ่เกอ เร๊อ อาเอ๊ ซี อาเงเนอ, เป กุยจ๊อเบ เป่ เด๊อ ซิเง ปว๋า โตโพ๊เจ๊อ. เป กุยจ๊อเบ เป่ โป่ เด๊อ ซิเง เร๊อ จอแปแหร่ เก่ เมเล๊อบา เป่ ซี ล๋อ ซี เตเมแร๊ เด๊อ ซี ซิหยื่อเม เนอเต๊เห่, เร๊อ เตเม เด๊อ ซี เม เร๊อ เตหยื่อ เนอเต๊เห่. เร๊อ จอแปแหร่ เก่ เม เป่ดื่อ ซี เร๊อ อา เตโพรเตเตอเรอ ปา.
อาแซ่เน๊อ แกแย แกล่ เต๊เห่ แม๊จ๊อจ๊อ แฮโต ตื๊อแพ๊ เตเมเป่ม๊าโบ เออเนอเฮ๊อ, ฮู๊เนอเรอ เป เก่ แม๊จ๊อจ๊อ แฮ แพ๊ตื๊อ เหย่ซู่ โป๋. เมเตเฮ๊เร๊อ อา หม่า เป เตหยื่อเตแหน่ อา แก่ช๊าแก่แร เตเพร. โท๊โต่, อา หม่า เพร เด๊อ อา เมเล๊อเมบา เป่ เฮ๊อ เป เตหยื่อเตแหน่ เตเพร. อา ข่าเซอ โทปาหม่า, อา ซิเง หนื่ออื่อ โทเฮ๊อ เน๊อ อา เก่ พย๊าหนิ เตซิหยื่อซิลอ ปา อาขว่าอาคยา, อา โตเบ่ ข่าเซอ เจ๊อ เด๊อ อี๊ถื่อดีเต่ลู เจ๊อ หม่าแน๊เรอ อา ซิเตเร เตอเจ๋อ โต่. กู๊แหน่เรอ อา โอ่แนโอ่ เฮ๊อ เด๊อ จอแปแหร่ อา เหล่โอ่แน แถ่โล เด๊อ จ๊อทว๊า เนอตากยา เฮ๊อ.
จอแปแหร่ หม่า เตบุ๊ยเตเตอเรอ ล๋อ ปลี อา แบ่เจ่ เร๊อ อา เอ๊ ซี เด๊อ อา เก่ เด๊อะเกอ ซี อาเตเตอเรอดุ เตอเรอทู ตูจูเพร เด๊อ เหย่ซู่ครี๊ อากู เออเนอ ปา. เบ๊อะซี ข่าเบ่ เตจาเตจือ แตแปล๊เตอเปลอฮู๊ เออ เก่ ตาลว๊า โทเฮ๊อ ปาเนอ, จอแปแหร่ อาเหน่แบ่เจ่ เร๊อดื่อ อา เก่ เมหม่าเมกลอ แตแน แร๊คยา ซี ปา, โทเรอ อา เก่ เด๊อะฉว่าเด๊อะชอแถ่ ซีอ๊าซีเหร่ ปา.
หม่าแน๊เรอ แบ่เจ่ อาม๊อเนอ เออเนอ, อา เก่ แฮโต่คย๊า แซ่เน๊อ เพรเอ่โห่ เตเพร แฮเนอ ปา. เบ๊อะเนอ เตอเนอ ปาเนอ, ม๊อ เก่ ครอ ตอปลอแลยอแถ่ ปา เร๊อ อา เก่ โอ่เหม่แก ปา. หมิ เก่ อือปย๊า หล่าตี๊กลิแก ลอ ต๊อเหมาะ, เล, เฉ่ เด๊อ อา โอ่ เด๊อ ม๊อเล ซีเต๊เห่ ปา. เร๊อ อา เก่ อือปย๊า หล่าตี๊กลิแก ลอ เห่ขุ เร๊อ เต เด๊อ อา โอ่ เด๊อ ลูเหน่ลู เนอเต๊เห่ ล๋อ ปลี ปา.
Advertisements