ฟีลิปปี 1:20 - ลีเทส่อพ๊าอาเซ เร๊อ เห่ขุทวาลู๊

²⁰ แว เตซิหยื่อ เร๊อ แว เตแม๊ชือ หม่า อิเต เฮ๊เรอ, เด๊อ ครี๊ อา เป๊เส่เง ปาเนอ, แว เกล๊ ซิเตเรน๊อ แหน่ ปา ตีกี๋ โต่ เฮ๊อ. แว เซอเพร เบ่เบ่, แว เซอ เบ่เบ่, แซ่ฮู๊ อู เก่ ถู่เซ๊แถ่หนิ ครี๊ อาเงเนอเรอ, แว ซิหยื่อ โอ่เซอเพร เล๊อบา เจ๊อ เร๊อ เตซิปล่อคือฮา ฮู๊ แว คือแฮ เกอเร๊อ ปว๋า โตโพ๊ เนอแพ๊.

Eastern Kayah Shadaw Dialect

²⁰ ꤠꤢꤧ꤭ ꤒꤢꤩ꤬ꤞꤤꤛ꤫ꤢꤦ꤬ ꤔꤢꤧ ꤠꤢꤧ꤭ ꤒꤢꤩ꤬ꤗꤢꤧꤏꤢꤦ꤭ ꤗꤢ꤬ ꤤ꤬ꤒꤢꤩ꤭ ꤟꤢꤩꤚꤣꤧ꤬, ꤘꤣ ꤋꤚꤤ ꤢ꤬ ꤕꤣꤧꤞꤢꤩ꤬ꤑꤢꤩ꤭ ꤕꤢ꤭ꤔꤣꤧ꤬, ꤠꤢꤧ꤭ ꤊꤜꤢꤩ ꤞꤤꤒꤣꤧ꤬ꤚꤢꤩ꤭ꤔꤢꤪ ꤔꤢꤧ꤭ ꤕꤢ꤭ ꤒꤣꤧ꤬ꤊꤤ꤬꤮ ꤒꤥ꤬ ꤟꤣꤧ꤯ ꤠꤢꤧ꤭ ꤞꤣꤧ꤭ꤖꤚꤢꤩ꤬ ꤙꤢꤩ꤬ꤙꤢꤩ꤬, ꤠꤢꤧ꤭ ꤞꤣꤧ꤭ ꤙꤢꤩ꤬ꤙꤢꤩ꤬, ꤞꤢꤧꤟꤢꤨ ꤢꤨ꤭ ꤊ꤫ꤢꤦ꤬ ꤓꤢꤨ꤬ꤞꤢꤩꤓꤢꤧ꤬ꤚꤣꤧ ꤋꤚꤤ ꤢ꤬ꤑꤢꤩ꤭ꤔꤣꤧ꤬ꤚꤣꤧ꤬, ꤠꤢꤧ꤭ ꤞꤤꤛ꤫ꤢꤦ꤬ ꤥ꤬ꤞꤣꤧ꤭ꤖꤚꤢꤩ꤬ ꤜꤣꤙꤢ꤭ ꤡꤣꤧ ꤔꤢꤧ ꤒꤢꤩ꤬ꤞꤤꤕꤜꤢꤪ꤬ꤋꤢꤦ꤭ꤟꤢ꤭ ꤟꤢꤨ ꤠꤢꤧ꤭ ꤋꤢꤦ꤭ꤟꤢꤧ꤭ ꤚꤣꤧꤘꤢꤦ꤬ ꤕꤝꤢ꤭꤮ ꤒꤣ꤬ꤖꤥ ꤔꤣꤧ꤬ꤖꤢꤧ꤯

ฟีลิปปี 1:20 Cross References

ꤛꤥ꤭ꤟꤢ꤬ 21:19

แบ่เจ่ เหย่ซู่ เฮ๊ ลู ฮู๊เออ เนอหม่า, อา ซิ แด๊โฉ่โล ลู เร๊อ คูเปโตร เก่ เซอ ฮู๊เต ปา เร๊อ จอแปแหร่ อาลีอาเตเค เก่ โอ่โลแม๊เถอะ ฮู๊เต ปา อาเงเนอ แพ๊. โทเรอ แบ่เจ่ เหย่ซู่ เฮ๊ ลู เน๊อ, “ครวา แวคยา.”

เพรโด่แนพู๊ เต๊เห่ 20:24

หม่าแน๊เรอ แซ่ฮู๊ แว เก่ เมโทแก เตเม เด๊อ แบ่เจ่ เหย่ซู่ เด๊อะแลแก แวเออ อาเงเนอ, แว แด่ดุ ซิโล เกอ เร๊อ ปา เจ๊อ แว ซิปล่อ เซอเพร เออเนอ โต่ เฮ๊อ. เตเม เด๊อ อา นอเม แว เออเต๊เห่ เนอหม่า หม่าเฮ๊อ แว เบ่ ข่าเฮ๊โล เน๊อ จอแปแหร่ อาบุ๊ยอาเตอเรอ อา เตซิครือมีลา เออ อาหรี่อาแก เออเนอ เฮ๊อ.

เพรโด่แนพู๊ เต๊เห่ 21:13

หม่าแน๊เรอ คูเปาโล เฮ๊ฉื่อ เป เน๊อ, “ซีโหง่ซีเห่ เร๊อ ซี เม ซิเปลซิหย่อ แว เมเต? แว โอ่ตี๊หรี่แตแร หนื่ออื่อ เฮ๊อ แวเหน่ เด๊อ อู เก่ปื่อเก่จอ แว เบ๊อะวีเยรูซาเล็ม เออเนอ ปา ตื๊อดื่อ หม่าโต่, แว ตี๊หรี่แตแร หนื่ออื่อ โป่ เจ๊อเฮ๊อ เด๊อ แว เก่ เซอ เด๊อ แบ่เจ่ เหย่ซู่ อาเง เจ๊อ.”

เพรโด่แนพู๊ เต๊เห่ 4:31

เบ๊อะเหย่ซี กุยจ๊อเบ โทเฮ๊อ เบ๊อะเนอ, เหล่โอ่ เบ๊อะเหย่ซี เหล่โอ่ปล๊อ เต่อลู เนอโต๊โผะ อา อาว๊าหรี่รือเจ๊อ เร๊อ เหย่ซี เล๊อบา ลอปลี เร๊อ แหย่โยบูโพ๊แบ่เจ่ ปว๋า เตเพร เร๊อ เหย่ซี ปว๋า เตเพร แด๊โฉ่โด่แน คือฮา เป่ แลแค อู เร๊อ จอแปแหร่ อาหรี่อาแก.

ꤚꤥꤗꤢꤩ꤬ 12:1

ฮู๊เนอเรอ, โป่แหว่ ซี๋, จอแปแหร่ อา เตซิยอ เป เนอ, อาดุอาแย ตาลว๊าซิลือ เจ๊อ เด๊อ เปเง อาขว่าอาคยา, แว กุยซิยอ ซี เร๊อ ซี เก่ เด๊อะแล ซี เหน่กล่อ เออ เด๊อ จอแปแหร่ อา โอ่ ฮู๊ เตหลู่ เด๊อ อา เซอเพร, ฮู๊ เตหลู่ เด๊อ อา บูโพ๊ เร๊อ ฮู๊ เตหลู่ เด๊อ อาโต ลูซิปล่อ อา เตซิหยื่อ เนอ นี๋. ซี โต จ๊อเบแถ่ จอแปแหร่ ฮู๊เออเนอหม่า หม่าเฮ๊อ แกล๊ เด๊อ อาโตอาเบ่ โตโบ เฮ๊อ.

ꤚꤥꤗꤢꤩ꤬ 5:5

เบ๊อะเป แม๊ชือ เร๊อ จอแปแหร่ เก่ เม เป่ เป เบ๊อะเนอ, เป ซิปล่อปย๊า โต่, เมเตเฮ๊เรอ, เบ๊อะจอแปแหร่ เด๊อะตา เป แหย่โยบูโพ๊ แบ่เจ่ เบ๊อะเนอ, อา กลอ แล แล๊แล เป่เฮ๊อ เป อาเตโม เด๊อ เป ซิปล่อกู เฮ๊อ.

ꤚꤥꤗꤢꤩ꤬ 6:13

เด๊อะ แต่ ซี เหน่กล่อ อาครืออาขรว่า เออเนอ เด๊อ เตมู๊แหม่รีแจ่ เก่ นอเอ่ ลู เร๊อ อา โจ๊โกโจ๊เบ เด๊อ เหล่เม เตซื๊อ เต๊เห่ อาเงเนอ แต่เหม่ นี๋. จอแปแหร่ เด๊อะเฮ๊อ เน เตโอ่เซอเพร อาเซ อาขว่าอาคยา, เด๊อะ แลแค ซี เหน่กล่อ อาครืออาขรว่า เออ เต๊เห่ ล๋อปลี เด๊อ จอแปแหร่ อา โอ่ เนอ, เร๊อ ฮู๊ ซี นอเอ่ โจ๊โกโจ๊เบ เนอ, นอเอ่ แลแค ซี เหน่กล่อ ครือขรว่า เออเนอ เด๊อ ซี เหล่เม เตจ๊อเตเต อาเง นี๋.

ꤚꤥꤗꤢꤩ꤬ 6:19

แว เฮ๊เบ่ เป่ ซี เร๊อ เหมาะเฮ๊เหมาะลี อา เตเฮ๊เบ่ เต๊เห่, เมเตเฮ๊เรอ ซี หม่า แกแย เห่ขุพู๊ เร๊อ, ซี ซิเงโปลยู เกออู จอแปแหร่ อา เตเต๊เห่ โต่ อาขว่าอาคยา, แว เฮ๊เบ่ เป่ ซี ฮู๊เนอ แพ๊. เด๊อ หนู่เคเนอ หม่า ซี นอทวา ซี เหน่กล่อ อาครืออาขรว่า เออเต๊เห่ เร๊อ ซีแบ่เจ่ เด๊อ อา มู๊แหม่รีแจ่ เนอเต๊เห่ อาหลู่. ซี นอเม เหย่ซี เร๊อ เตปาต๊าเปอเตอ, มู๊แหม่รีแจ่ เต๊เห่ เร๊อ ซี เมซื๊อเมปล๊า ลอ จอแปแหร่ อา เตซว๊าเตแส่ ปว๊าเต๊อเจ่อ. ฮู๊เนอเรอ กู๊แหน่เออ ซี เหน่กล่อ ครือขรว่า เออเต๊เห่เนอ, นอทวา ลาติ อา เร๊อ แบ่เจ่ เด๊อ อาแร๊ เออเตเพร อาหลู่ เออเนอ นี๋. แซ่ฮู๊ ซี เก่ ทวาแถ่ แกแยบูโพ๊ อาเงเนอเรอ, นอทวาแถ่ มอ ซี เหน่กล่อ ครือขรว่า เออเต๊เห่ เร๊อ เตจ๊อเตเต เออ อาหลู่ เออเนอ นี๋.

ꤚꤥꤗꤢꤩ꤬ 8:19

ล๋อ จอแปแหร่ แบ๊แล ส่อเหมาะเหว่โบ, เตมีเตดอ เร๊อ แกแย ปว๋า เตเพร เออเนอ, อา ซิปล่อ ฉว่า โอ่ป่อ แม๊ชือ แหน่ เจ๊อ เร๊อ จอแปแหร่ เก่ เด๊อะโลแถ่ อา พู๊เหมาะพู๊คู เต๊เห่ ปา.

ꤚꤥꤗꤢꤩ꤬ 9:33

ฮู๊ ลีเทส่อพ๊ากู เฮ๊ คูเมสิยาห์ หม่าเฮ๊อ เพรเมแลเปล๊กา อาหรี่อาแก เน๊อ, “แม๊มอ แลแค, แว แด่โอ่ หล่อ เตเม เด๊อ วีศิโยน อากู ปา, เร๊อ อู เก่ ตอพอ อา ปา, เร๊อ อา เก่ เมแลคื๊อ อู ปา. หม่าแน๊เรอ แกแย เด๊อ อา หยื่อเอ่ ลู เต๊เห่เนอ, อา โต่ เด๊อ เตซิปล่อปย๊า อาเหล่โอ่ แตแค๋ โต่.”

โครินธ์ อาเหร่อเล๊อ ต๊าบ่า 15:31

แว โคแบ๊ซว๊า ซี๋, แว แม๊เถอะเบ่ เร๊อ เตเซอ ปว๋า เตอเนอ เจ๊อ. เด๊อ ซี หยื่อเอ่ แบ่เจ่ เหย่ซู่ครี๊ อาขว่าอาคยา, ซี เมซิครือ แหน่เจ๊อ แว เนอหม่า จอแปแหร่ ซิเง แพ๊. โท๊โต่, แว ข่าเบ่ แหน่เจ๊อ เตจาเตจือ เนอหม่า จอแปแหร่ ซิเง เกอ ดื่อ แพ๊.

โครินธ์ อาเหร่อเล๊อ ต๊าบ่า 7:34

ฮู๊เนอเรอ, แกแย เด๊อ อาเม โอ่ เตเพรเนอ, อาซิปล่อ โอ่ เนอเม. เพรเหมาะ เด๊อ อาเว โอ่น๊อ โตโพ๋ โต่ เตเพร, หม่าโต่เรอ เพรเหมาะโอ่แคร๊ เตเพรเนอ, อา แด่ บูโพ๊ อา เตเตเน เต๊เห่ เด๊อ แบ่เจ่ อา เตเอ่เตแร เต๊เห่อาเง. เมเตเฮ๊เรอ อา ซิหยื่อ เด๊อะแล ลอ อาเหน่กล่อ เร๊อ อาซิปล่อ เนอเจ่อลอ เด๊อ จอแปแหร่ อาเง. หม่าแน๊เรอ เพรเหมาะ เด๊อ อาเว โอ่ เตเพรเนอ, อา เบกู่เบ่แก เร๊อ เห่ขุเน๊ขุ อา เตเอ่เตแร เต๊เห่. เมเตเฮ๊เรอ อา ซิหยื่อ ครวาลือ เมโต อาเว ซิปล่อ.

โครินธ์ เนอบ่า ต๊าบ่า 10:8

เตอเรอฉว่าชอ เด๊อ แบ่เจ่ เด๊อะ แว เออเนอ, อา แซ่ เร๊อ แว เฮ๊เบ่ ถู่เซ๊ ซื๊อลือ เจ๊อ แวเหน่ ตีกี๊ แอ? หม่าแน๊เรอ แว ซิเตเรเน๊อโต่. เตเตอเรอฉว่าชอ เออเนอ, อา เก่ เม ดุแถ่ทูแถ่ ซี อาเง แพ๊, อา เมปย๊าเมหลู่ ซี อาเงเนอ หม่าโต่.

โครินธ์ เนอบ่า ต๊าบ่า 3:12

เป ซิเง ตาเต เฮ๊อ เร๊อ เตอ๊อแล อาเซเออ อา เก่ โอ่หม่าโอ่กลอ ตูจูเพร ปา อาขว่าอาคยา, เป เก่ แด๊โฉ่โด่แน เป่ อู เร๊อ จอแปแหร่ อาลาอาโหง่ เนอ เป เฮ๊ ฮาบื่อ เฮ๊อ.

โครินธ์ เนอบ่า ต๊าบ่า 4:10

เป จว๊า เบ๊อะเต๋ โต๊โผ่ เบ่เบ่, เป เบ่ข่าเบ่ เตจาเตจือ ปว๋า โตโพ๊ แซ่เจ๊อเร๊อ เป แม๊เถอะเบ่ เจ๊อ เร๊อ เตเซอ เนอ เจ๊อ. เป โอ่เซอเพร แซ่เจ๊อเร๊อ ครี๊ เด๊อ อา โอ่เซอเพร เบ๊อะเห่ขุเออ เบ๊อะเนอ เจ๊อ. แซ่ฮู๊ อู เก่ แม๊เถอะ เร๊อ ครี๊ โอ่เซอเพร เด๊อ เปกู เร๊อ อา เมจว่า เป ปว๋า โตโพ๊ เจ๊อ อาเงเนอ, เตเออเต๊เห่ ทวาแถ่ แพ๊.

โครินธ์ เนอบ่า ต๊าบ่า 5:15

เป เด๊อ อา เซอเพร เออเต๊เห่เนอ, แซ่ฮู๊ เป เก่ ครวา โอ่เซอเพร แฮเง ปา แต่ ฮู๊ เป ซิปล่อ อา เตซิหยื่อซิลอ เนอเต๊เห่ แต่เหม่, แซ่ฮู๊ เป เก่ ครวา โอ่เซอเพร แฮเง เกอ ฮู๊ เพร เด๊อ อา ข่าเซอ โทเป่เฮ๊อ เด๊อ เปเง เร๊อ อา ก๊อถ่อเซอเพร กาคยา โทเฮ๊อ เออเตเพร อาเงเนอ, แบ่เจ่ ข่าเซอ เป่ เฮ๊อ เด๊อ เป ปว๋า เตเพร อาเง เฮ๊อ.

โครินธ์ เนอบ่า ต๊าบ่า 7:14

เบ๊อะ คูติตัส จว๊า แต่ล๋าย เด๊อ ซี โอ่ โต่ เนอ, แว ถู่เซ๊ เกอเร๊อ ซี เด๊อ คูติตัส อาเป๊เส่เง เจ๊อ เม. ซี เม หม่าแหน่ เจ๊อ เฮ๊อ ฮู๊ แว ถู่เซ๊ เกอเร๊อ ซี เนอ เฮ๊อ. ซี เมเตเรน๊อ แว โตโพ๋ โต่. ฮู๊ แว เฮ๊เบ่จ๊อเฮ๊เบ่เต ซี ปว๋า โตโพ๊ เนอ, เป เฮ๊ เป่ คูติตัส เร๊อ ซีหรี่ซีแก เนอหม่า เป เฮ๊เบ่จ๊อเฮ๊เบ่เต แพ๊แพ๊.

โครินธ์ เนอบ่า ต๊าบ่า 7:4

แว หยื่อเอ่ ตาเต เกอเร๊อ แหน่เจ๊อ ซี เร๊อ แว ถู่เซ๊ เกอเร๊อ แหน่เจ๊อ ซี ปว๋า โตโพ๊ เจ๊อ เม. ฮู๊เนอ อาขว่าอาคยา เป แม๊เถอะเบ่ เอ๊แหน่เจ๊อ เร๊อ เตแป่เตเช หม่าแน๊เรอ เป ซิครือซิลอ แพ๊, โท๊โต่ เป ซิปล่อโม แพ๊.

ฟีลิปปี 1:14

เด๊อ อู ด๊อตา แว เด๊อ ทอกู อาขว่าอาคยาเร๊อ, โป่แหว่ ครี๊พู๊ โอ่โหร่โอ่เอ๊ อา เตหยื่อเอ่หนิ แบ่เจ่ เออเนอ อา ฉว่าแถ่ชอแถ่ โต่ แลแค เร๊อ อา แด๊โฉ่โด่แน ฮา แฮ เป่ เฮ๊อ อู เร๊อ จอแปแหร่ อาลาอาโหง่, เร๊อ เหย่ซี ชิอิเช ปา แลแค เตอ เจ๋อ โต่ เฮ๊อ.

ฟีลิปปี 2:17

เด๊อ แว โด่แน เตซิครือมีลา อาขว่าอาคยา เร๊อ, เตแร๊หม่า แว เซอ เจ๊อ ปา แอ เบ๊อะซี หยื่อเอ่ เตซิครือมีลา อาเบ๊อะเนอ, ซี เด๊อะแล เฮ๊อ ซี ซิปล่อเซอเพร เด๊อ จอแปแหร่ อา โอ่ แซ่เจ๊อเฮ๊อเน๊อ เพรหลู่แตเต หลู่แถ่ เตมีเตดอ เด๊อ จอแปแหร่ อา โอ่ เนอ เฮ๊อ. อู เก่ เมเซอ แว เฮ๊เรอ, แวสุ่ย เก่ ทุ๊ยตา แซ่เจ๊อเร๊อ เพรหลู่แตเต เตเพร ยือตา เทอแย เด๊อ เห่ขุ เด๊อ อาแซ่เน๊อ อู หลู่แถ่ เตหลู่เตแต เนอเฮ๊อ. อา เก่ ทวาแถ่ ฮู๊เนอ เฮ๊เรอ แว เก่ ซิครือซิลอ, ซิกอล๊อแกแน เต่อเกอ ลอ เร๊อ ซี ปว๋า เตเพร แพ๊.

โคโลสี 1:24

แซ่ฮู๊ ซี เก่ หนิบุ๊ยหนิเตอเรอ อาเงเนอ, กู๊แหน่เออ แว ข่าเบ่เต เด๊อ ซีเง ฮู๊เออเนอหม่า แว ซิครือ แพ๊. ฮู๊ ครี๊ ข่า เป่ เฮ๊อ แกแย เด๊อ อา หยื่อเอ่ ลู เด๊อ อา แซ่ดื่อ เน๊อ อาเหน่กล่อ เต๊เห่เนอ, แว ซิปล่อฉว่า เด๊อ แว เหน่กล่อพ๊าหย่า เออ เก่ ข่า เป่เกอ ลอดื่อ ล๋อ แกแย เด๊อ อา หยื่อเอ่ ลู เนอเต๊เห่ อาเงเง.

ꤞꤢꤩ꤬ꤎꤢ꤬ꤜꤢ꤬ꤔꤤ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 5:23

จอแปแหร่ เด๊อ อา เด๊อะ เป เตโส่เตเคร เออเตเพร อาเหน่แบ่เจ่ เร๊อดื่อ เก่ เมบูโพ๊ เล๊อบาแถ่ ดื่อ ซี นี๋. โท๊โต่ ช๋า เป แบ่เจ่ เหย่ซู่ครี๊ เก่ แฮ คยาแซ๊ ปาเนอ, แซ่ฮู๊ อู เก่ แด่แจ่ปา แต่ ซี เตซื๊อ แต่เหม่ เนอเรอ, จอแปแหร่ เก่ แม๊ตู่หนิ ลอเกอ โป่ดื่อ ซี เหน่กล่อ เร๊อ ซีซิปล่อ เร๊อ ซี ซิปล่อเซอเพร ปา นี๋.

เปโตร อาเหร่อเล๊อ ต๊าบ่า 4:16

หม่าแน๊เรอ เด๊อ ซี ทวา ครี๊พู๊ อาขว่าอาคยาเร๊อ, ซี ข่าเบ่ เตจาเตจือ เฮ๊เนอ, ซิเตเร แต่ แลแค แต่เหม่ นี๋. อู เอ๊เจ๊อ เฮ๊อ ซี เร๊อ ครี๊ อามุย เฮ๊อ อาขว่าอาคยา, ตูรู๊ ถู่เซ๊แถ่ แลแค จอแปแหร่ นี๋.

ꤛꤥ꤭ꤟꤢ꤬ ꤢ꤬ꤚ꤫ꤣꤧ꤬ꤜꤣ ꤒꤣ꤬ꤙꤢ꤬ 2:28

เร๊อ กู๊แหน่เออ แวพู๊แวเลอ ซี๋, ช๋า แบ่เจ่ ครี๊ แฮ คยาแซ๊ อาม๊อเนอ ปา เตอเนอเนอ, แซ่ฮู๊ ซี เก่ ซิอิเช โอว่าว โอ่โฮ่บี๊ แต่เหม่, โท๊โต่ แซ่ฮู๊ ซี เก่ ซิเตเรแต่เหม่ เนอ, โอ่หม่าโอ่กลอ แลแค เด๊อ ครี๊ อากู นี๋.