ฟีลิปปี 1:18 - ลีเทส่อพ๊าอาเซ เร๊อ เห่ขุทวาลู๊

¹⁸ แกแย เต๊เห่เห่เนอ, อา เก่ แด๊โฉ่โด่แน เป่ อู เร๊อ อา เตแด่ซิปล่อสู่เทอ เด๊อ อาซื๊อ เจ๊อ เบ่เบ่, เต๊เห่เห่เรอ อา เก่ แด๊โฉ่โด่แน เป่ อู เร๊อ อา เตแด่ซิปล่อสู่เทอ เด๊อ อาโต เจ๊อเบ่เบ่, อา เม แลแค เบ๊อะเต๊อเจ่อ เบ่เบ่, อา เหล่เฮ่ว โอ่ เน๊อ เตอเจ๋อ โต่. เต เด๊อ อา โหล่ดุเล๊อ เต๊อเจ่อ หม่า หม่า เฮ๊อ เหย่ซี แด๊โฉ่โด่แน เป่ อู เร๊อ ครี๊ อาหรี่อาแก เออเนอเฮ๊อ. แกแย เนอหมู่ลอ อา แด๊โฉ่โด่แน แลแค ครี๊ อาหรี่อาแก อาขว่าอาคยา, แว ซิครือซิลอ แพ๊. แว เก่ ซิครือ แฮเง ตื๊อดื่อ โป่แหน่ ปา แพ๊,

Eastern Kayah Shadaw Dialect

¹⁸ ꤊꤣꤧ꤬ꤛꤢꤧ꤭ ꤒꤣꤧ꤬ꤟꤢꤩ꤬ꤟꤢꤩ꤬ꤔꤣꤧ꤬, ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤘꤢꤧ꤬ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤞꤢꤦ ꤡꤣꤧ ꤙꤢꤩ꤬ꤙꤢꤩ꤬, ꤒꤣꤧ꤬ꤟꤢꤩ꤬ꤟꤢꤩ꤬ꤚꤣꤧ꤬ ꤢ꤬ ꤊ꤫ꤢꤦ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤢ꤬ ꤒꤢꤩ꤬ꤘꤢꤧ꤬ꤞꤤꤕꤜꤢꤪ꤬ꤞꤥ꤬ꤓꤣꤧ꤭ ꤘꤣ ꤢ꤬ꤒꤥ꤭ ꤡꤣꤧꤙꤢꤩ꤬ꤙꤢꤩ꤬, ꤢ꤬ ꤗꤢꤩ꤬ ꤜꤢ꤭ꤋꤢꤧ꤭ ꤙꤣꤧꤒꤢꤩ꤭ ꤒꤣ꤬ꤡꤣ꤬ ꤙꤢꤩ꤬ꤙꤢꤩ꤬, ꤢ꤬ ꤜ꤫ꤢꤩ꤬ꤟꤢꤩꤥ꤬ ꤔꤢꤧ ꤒꤣ꤬ꤡꤣ꤬꤮ ꤒꤥ꤬꤯ ꤒꤢꤩ꤬ ꤘꤣ ꤢ꤬ ꤜ꤫ꤥ꤬ꤘꤢꤨ꤬ꤜꤣ ꤒꤣ꤬ꤡꤣ꤬ ꤗꤢ꤬ ꤗ꤫ꤢ꤬ ꤟꤣꤧ ꤛꤢꤩ꤬ꤞꤤ꤭ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤕ꤫ꤢꤩ꤬ ꤢꤨ꤭ ꤔꤢꤧ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤣꤧ꤭ꤔꤣꤧ꤬ꤟꤣꤧ꤯ ꤊꤣꤧ꤬ꤛꤢꤧ꤭ ꤔꤣꤧ꤭ꤗꤢꤨ꤬ꤜꤢꤪ꤭ ꤢ꤬ ꤟꤢꤩꤏꤥ꤬ꤘꤥ꤬ꤔꤢꤧ꤭ ꤜꤢ꤭ꤋꤢꤧ꤭ ꤋꤚꤤ ꤢ꤬ꤚꤤ꤬ꤢ꤬ꤊꤢꤧ꤭ ꤢ꤬ꤋꤝꤢ꤬ꤢ꤬ꤋꤛꤢ꤭ ꤠꤢꤧ꤭ ꤞꤤꤋꤚꤢꤦ꤭ꤞꤤꤜꤢꤪ꤭ ꤖꤢꤧ꤯ ꤠꤢꤧ꤭ ꤊ꤫ꤢꤦ꤬ ꤞꤤꤋꤚꤢꤦ꤭ ꤟꤢꤧ꤭ꤑꤢꤩ꤭ ꤒꤣꤧ꤬ꤘꤢꤦ꤬ ꤕ꤫ꤥ꤬ꤔꤢꤧ꤭ ꤕꤢ꤭ ꤖꤢꤧ,

ฟีลิปปี 1:18 Cross References

มัทธิว 23:13

“แกแยยิวพู๊ อา เพรอิซว๊า เตซว๊าเตแส่ อาซ๊าร๊า ซีเต๊เห่ เร๊อ ฟาริสีพู๊ ซี๋, เตหร่าเตดวา เก่ เบ่ ดื่อ ซี ปา. ซีหม่า แกแย เด๊อ เกล แอ๊จ๊อ แอ๊เต อาเหน่ เต๊เห่. ซี เมบี๊ เผ่ แก ลอ ล๋อ แกแย เด๊อ อา แม๊ปูโน เด๊อ ม๊อขุ เทอเลเก่กู เนอเต๊ เห่ กู่ดา ซีแหน่ เบ่เจ่ เกอเร๊อดื่อ เจ๊อ เร๋อ ซีโน หนิโต่ ตื๊อดื่อ เรอ ซี เม ตาตือบี๊ แกลอ แกแย เด๊อ อา แม๊ปูโน เนอ เต๊เห่ อากู่ดา.

ꤗꤢ꤬ꤊꤢꤨ 12:40

อาแซ่ฮู๊ เหย่ซี เก่ พย๊าเผ่หนิ เพรเหมาะโอ่แคร๊ เต๊เห่ อาหี่เนอเรอ, เหย่ซี อิลออี๊โหล่ อู, โท๊โต่ แซ่ฮู๊ อู เก่ หนิดา หนิ เร๊อ อูเก่ แม๊เถอะ ปา แต่ เหย่ ซี เตซื๊อ แต่เหม่ อาเงเนอ, อา กุยจ๊อเบ งยางยา เป อู. เด๊อ เหย่ซี เมฮู๊เนอ อาขว่าอาคยา, จอแปแหร่ เด๊อะตา จาเหย่ซีปา.”

ꤜꤢꤨꤊꤢ꤬ 9:45

หม่าแน๊เรอ อา โคเจ่ เต๊เห่ ซิเงโปล ลู เตเฮ๊เบ่ เออตือมือ อาโหง่แลช๊า โต่. แซ่ฮู๊ เหย่ซี เก่ ซิเง เตเม เนอ, อู เบ่โอ๊เบ่บี๊แก อาโหง่แลช๊า แพ๊. เหย่ซี แด๊เฮอบื่อ แบ่เจ่ เหย่ซู่ เตเพร่ว โต่.

ꤜꤢꤨꤊꤢ꤬ 9:50

หม่าแน๊เรอ เหย่ซู่ เฮ๊ฉื่อ คูยอห์น เน๊อ, “จว๊าแม๊ปู เมตาตือ แต่ อา แต่เหม่. เมเตเฮ๊เรอ แกแย เด๊อ อา เท๊ฉื่อ ซี โต่ เต๊เห่ เนอหม่า แกแย เด๊อ อา โป่ เกอเร๊อ ซี เฮ๊อ.”

ꤚꤥꤗꤢꤩ꤬ 3:9

ฮู๊เนอเรอ, เป เก่ เฮ๊ ฮู๊เต? เป แกแยยิวพู๊ เต๊เห่ หม่า เป แร๊เล๊อ เร๊อ แกแยยิวพู๊ หม่าโต่ เต๊เห่ แอ? เป แร๊เล๊อ เน๊อ ตีกี๋โต่. เป เด๊อะโล โทเฮ๊อ เร๊อ แกแยยิวพู๊ เบ่เบ่, แกแยยิวพู๊ หม่าโต่ เบ่เบ่, เหย่ซี โอ่ลอปลี แพ๊ เด๊อ เตซื๊อเตปล๊า อา เตอเรอฉว่าชอ อาเล แพ๊.

ꤚꤥꤗꤢꤩ꤬ 6:15

ฮู๊เนอเรอ เป เก่ โอ่ปา เด๊อ เตซว๊าเตแส่ อาเล โต่ เฮ๊อ, เป โอ่เฮ๊อ เด๊อ เตบุ๊ยเตเตอเรอ อาเล เฮ๊อ เก่เฮ๊เรอ, กู๊แหน่เออ เป เมเตซื๊อ หม่า อาหนิ แพ๊ กอ? ฮู๊เนอ หม่าโต่.

โครินธ์ อาเหร่อเล๊อ ต๊าบ่า 10:19

หม่า แว ซิหยื่อ เฮ๊ เร๊อ เตแหย่โย เด๊อ แกแย จ๊อเบ เกอเร๊อ อา เออเนอหมา อา โอ่ เร๊อ อา เตอเรอฉว่าชอ ฮู๊เนอ แอ? โต่เร๊อหม่า แว ซิหยื่อ เฮ๊ เร๊อ เตเอ่เตโอ เด๊อ อู หลู่แถ่ เร๊อ เตแหย่โย เออเนอหมา อา โหล่ดุ เล๊อ, แว ซิหยื่อ เฮ๊ ฮู๊เนอ แอ?

โครินธ์ อาเหร่อเล๊อ ต๊าบ่า 14:15

เก่ เฮ๊ฮู๊เนอเร๊อ, แว เก่เบ่ เม ฮู๊เต? แว เก่ กุยจ๊อเบ ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ กุยจ๊อเบ ดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊. เบ๊อะแว อิโร เบ๊อะเนอ, แว เก่ อิโร ฮู๊ แหย่โยบูโพ๊ แบ่เจ่ ยูแกล๊ยูโกล แว ซิปล่อ เนอ แพ๊, โท๊โต่ แว เก่ อิโรดื่อ เร๊อ โหง่ เด๊อ อู ซิเง เกอ แว เนอเต๊เห่ แพ๊.

โครินธ์ อาเหร่อเล๊อ ต๊าบ่า 15:11

ฮู๊เนอเรอ, แว แด๊โฉ่โด่แน เป่ ซี เออเต๊เห่เนอ เบ่เบ่, เหย่ซี แด๊โฉ่โด่แน เป่ ซี เต๊เห่เนอ เบ่เบ่, ซี หยื่อเอ่ แซ่ลอ เฮ๊อ ลู ฮู๊เนอ เฮ๊อ.

ฟีลิปปี 1:19

เมเตเฮ๊เนอ, เด๊อ ซี กุยจ๊อเบ ขว่าคยา, เร๊อ เหย่ซู่ครี๊ อา แหย่โยบูโพ๊ เก่ เมจว่า เป่ แว ปา ขว่าคยาเร๊อ, แว เก่ แลเปล๊เถ่ เด๊อ ทอกู ปาเนอ แว ซิเง แพ๊.